Thu May 15 2025, 06:24 PM

Urdu Section ( 10 March 2023, NewAgeIslam.Com)

After Coming Back To Madina from Khyber the Emigrants, First Of All, Returned the Donations of the Ansar- Part-126 خیبر سے مدینہ واپسی کے بعد مہاجرین نے سب سے پہلے انصار کے عطیات واپس کئے

مولانا ندیم الواجدی

10 مارچ 2023

(گزشتہ سے پیوستہ)

انصار کے عطیات کی واپسی

خیبر میں سب مہاجرین کے پاس اپنے درخت ہوگئے، اس لئے ان کے دلوں میں یہ داعیہ پیدا ہوا کہ وہ اپنے بھائیوں کے دیئے ہوئے درخت، زمین اور مکان واپس کردیں۔ زادالمعاد میں علامہ ابن القیمؒ نے رد المنائح کی تعبیر اختیار کی ہے۔ منائح منیحۃ کی جمع ہے جس کے معنی ہیں، عطیہ یا وہ چیز جو کسی کو ہبہ کی جائے، اُردو کے کئی مصنفین نے بھی اپنی کتابوں میں یہی تعبیر اختیار کی ہے۔

بہر حال خیبر سے مدینے واپس آنے کے بعد سب سے پہلا کام جو مہاجرین نے کیا وہ ان عطیات کی واپسی کا کام تھا جو چند سال پہلے ان کے انصار بھائیوں نے انہیں دیئے تھے۔ حضرت انسؓ کی والدہ محترمہ حضرت ام سلیمؓ نے بھی اس وقت چند درخت حضور صلی اللہ علیہ وسلم کو دیئے تھے، آپؐ نے وہ درخت اپنی ماں جیسی مشفق خاتون حضرت ام ایمنؓ کو دے دیئے تھے، جو اب حضرت زید بن حارثہ کی اہلیہ اور حضرت اُسامہ بن زید کی والدہ تھیں۔ حضورؐ نے ام ایمنؓ سے کہا کہ وہ درخت ہمیں واپس کردیں، لیکن وہ نہیں مانیں۔ رسول اللہ صلی اللہ علیہ وسلم کو ان سے بے حد تعلق تھا، یہ وہ خاتون ہیں جو والدہ کی وفات کے وقت حضورؐ کے پاس موجود تھیں اور حضورؐ کو ابواء سے مکّے واپس لے کر گئی تھیں۔ جب انہوں نے ام سلیم کے درخت واپس نہیں کئے تو اس کا حل آپؐ نے یہ نکالا کہ انہیں اپنے باغ کے درختوں میں سے ایک کے بدلے دس درخت عنایت فرمائے، تب جاکر وہ راضی ہوئیں اور انہوں نے آپؐ کے عطا کردہ درخت واپس کئے۔

ہجرت کے وقت رسول اللہ صلی اللہ علیہ وسلم کے پاس بھی کچھ نہ تھا، انصار کے دیئے ہوئے عطایا سے گھروں کے اخراجات پورے ہوتے تھے، پھر اللہ نے بنی نضیر کی زمینیں اور باغات آپؐ کی جھولی میں ڈال دیئے، جنگوں سے حاصل ہونے والی غنیمتوں میں سے خدا کا متعین کردہ حصہ خمس ملنے لگا، اور اب خیبر کی زمینوں کا خمس ملا، فدک کے باغات بھی حاصل ہوئے، اس لئے آپؐ نے بھی وہ تمام عطایا ان کے دینے والوں کو واپس فرمادیئے۔ احسان شناسی کا تقاضہ یہی تھا، جسے اللہ کے رسول ﷺنے اور تمام مہاجر صحابہ نے خوش دلی سے پورا کیا۔ (صحیح البخاری: ۹/۱۰۰، رقم الحدیث: ۲۴۳۷، صحیح مسلم: ۹/۲۲۹، رقم الحدیث: ۳۳۱۸، زاد المعاد: ۳/۲۶۰)

غزوۂ خیبر سے مستنبط احکام

جنگیں بھی جاری تھیں، امراء وملوک کو خطوط بھی لکھے جارہے تھے، دعوت کا کام بھی چل رہا تھا، وفود بھی آرہے تھے، قبول اسلام کا سلسلہ بھی جاری تھا، تزکیہ وتعلیم وتربیت کا نظام بھی چل رہا تھا اور احکام بھی نازل ہورہے تھے۔ کچھ وحی الٰہی کے ذریعے، اور کچھ زبان رسالت مآب ﷺ کے واسطے سے۔ خیبر کے سفر میں بھی مسلمان شریعت کے متعدد احکام سے واقف ہوئے۔ سیرت نگاروں نے ان احکام کو خاص طور پر موضوع بنایا ہے، ان میں سے کچھ احکام کی تفصیل یہ ہے۔

زمین کو بٹائی پر دینا:

زمین کو بٹائی پر دینے کی اجازت اسی غزوے سے حاصل ہوئی، خیبر، فدک، وادئ القری اور تیماء کی زمینیں دی گئیں، اور اس شرط کے ساتھ دی گئیں کہ کاشت کا عمل اور کھیتی کا بیج ان کا ہوگا، پیداوار آدھی آدھی تقسیم ہوگی۔ رسول اللہ صلی اللہ علیہ وسلم کے عہدِ میمون میں اور حضرت ابوبکر صدیقؓ کے دورِ خلافت میں یہ معاملہ اسی طرح چلتا رہا، ہر سال اسلامی حکومت کی طرف سے کارندے جاتے اور پیداوار کو منصفانہ طریقے پر تقسیم کرکے آدھی پیداوار کاشتکار کے حوالے کردیتے اور آدھی مدینے لے آتے۔ حضرت عمر بن الخطابؓ نے اپنے دور خلافت میں فدک اور خیبر کی زمینیں واپس لے لیں، کیونکہ جب زمینیں یہود کے حوالے کی جارہی تھیں اسی وقت یہ واضح کردیا گیا تھاکہ ہم کسی بھی وقت یہ زمینیں تم سے واپس لے سکتے ہیں۔ معاہدے کے الفاظ یہ تھے: نقرکم علی ذلک ما شئنا۔ ’’ہم جب تک چاہیں گے تم کو ان زمینوں پر برقرار رکھیں گے۔‘‘ اس سے معلوم ہوا کہ زمین بٹائی پر دینا اور کسی بھی وقت واپس لینے کی شرط لگانا دونوں درست ہیں، شریعت کی اصطلاح میں یہ عمل مخابرہ کہلاتا ہے۔ (صحیح البخاری: ۱۰/۴۰۵، رقم الحدیث: ۲۹۱۹، فتح الباری: ۸/۲۸۰)

مال غنیمت میں خیانت:

رسول اللہ صلی اللہ علیہ وسلم نے مال غنیمت میں خیانت کرنے سے منع فرمایا، اور یہ واضح فرمادیا کہ جو شخص اس مال میں خیانت کا مرتکب ہوگا وہ جہنم میں جائے گا۔ یہ وضاحت اس وقت سامنے آئی جب ایک شخص جس کا نام مِدْعَم تھا، یہودیوں سے لڑتا ہوا شہید ہوگیا، صحابہ نے کہا: مبارک ہو مِدعَم کے لئے جنت واجب ہوگئی، آپؐ نے ارشاد فرمایا: ’’ہرگز نہیں، میں نے اسے اس چادر کی وجہ سے یا اس عباء کی وجہ سے جو اس نے مال غنیمت میں سے چرائی تھی آگ میں دیکھا ہے۔‘‘ (صحیح مسلم: ۱/۲۹۰، رقم الحدیث: ۱۶۵)

خیبر سے واپسی کے بعد بھی رسول اللہ صلی اللہ علیہ وسلم کی جنگی اور دعوتی مصروفیات کا وہی حال رہا جو پہلے تھا، امراء وملوک کو خطوط بھیجنے کا جو سلسلہ شروع ہوا تھا وہ بدستور چلتا رہا، قبائل کے وفود بھی آنے لگے، صحابہؓ کی تعلیم وتربیت کا نظام بھی جاری رہا، آپؐ نے خیبر سے واپس تشریف لانے کے بعد مدینہ منورہ میں شوال تک قیام فرمایا، اس دوران آپؐ نے متعدد سرایا بھی روانہ فرمائے، جن میں سے اکثر کامیاب رہے۔

سریہ حضرت ابوبکر صدیق ؓ

حضور صلی اللہ علیہ وسلم کو اطلاع ملی تھی کہ نجد کے بنی فزارہ کی شاخ بنو کلاب کے لوگ مسلمانوں کے خلاف سازش کرنے میں مصروف ہیں،اس خبر کی بنیاد پر آپؐ نے شعبان سات ہجری میں حضرت ابوبکر صدیقؓکی قیادت میں ایک دستہ ان کی سرکوبی کے لئے روانہ فرمایا۔ اس میں حضرت سلمہ ابن الاکوعؓ بھی شامل تھے، ان حضرات نے اس قبیلے کے چشمۂ آب پر پہنچ کر پڑاؤ ڈال دیا، فجر کے بعد حضرت ابوبکر صدیقؓ نے دشمنوں پر حملہ کرنے کا حکم دیا، حضرت سلمہؓ کہتے ہیں کہ اتنے میں میری نظر کچھ لوگوں پر پڑی جو پہاڑ کی جانب بڑھ رہے تھے، مجھے اندیشہ ہوا کہ اگر یہ لوگ پہاڑ پر ہم سے پہلے پہنچ گئے تو وہ ہم پر آسانی کے ساتھ قابو پالیں گے، چنانچہ میں تیزی سے بڑھا اور ایک تیر پھینکا جو ان کے اور پہاڑ کے بیچ میں جاکر گرا، وہ لوگ وہیں ٹھہر گئے، کچھ دیر بعد میں ان کو ہنکاکر حضرت ابوبکرؓ کے پاس لے آیا، چناں چہ ان کو قیدی بنا لیا گیا۔ ان کے بدلے میں ان مسلمان قیدیوں کو رہا کرایا گیا جو مکے میں تھے۔ (صحیح مسلم:۳/۱۳۷۵، رقم الحدیث: ۱۷۵۵، زاد المعاد: ۳/۲۶۱)

سریہ حضرت عمر بن الخطابؓ

قبیلۂ ہوازن کے متعلق یہ اطلاع مدینے پہنچی کہ یہ قبیلہ بھی مسلمانوں کے خلاف دشمنی پر آمادہ ہے، یہ قبیلہ مکّہ سے دو دن کی مسافت پر تربہ نامی جگہ پر مقیم تھا۔ رسول اللہ صلی اللہ علیہ وسلم نے حضرت عمر بن الخطابؓ کی قیادت میں ایک سو تیس نفری دستہ وہاں بھیجا، مسلمانوں کے پہنچنے سے پہلے ہی قبیلے کے لوگ اپنی جائے قیام سے بھاگ گئے۔ مسلمان اس بستی میںپہنچے تو وہاں کوئی بھی موجود نہیں تھا، حالاں کہ حضرت عمرؓ نے اپنے سفر کو مخفی رکھنے کی حتی الامکان کوشش کی، آپؓ رات کو چلتے اور دن میں پہاڑوں میں چھپ جاتے، اس کے باوجود قبیلۂ ہوازن کو خبر ہوگئی۔ اس دستے میں ایک شخص راستے کی طرف رہ نمائی کرنے والا بھی تھا، واپسی کے سفر میں اس نے حضرت عمرؓ سے پوچھا کہ کیا آپ قبیلۂ خَثْعم پر حملہ کریں گے، حضرت عمرؓ نے جواب دیا، مجھے ان پر حملہ کرنے کا حکم نہیں دیا گیا ہے، چناں چہ آپ اس قبیلے کو نظر انداز کرکے مدینے کی طرف روانہ ہوگئے،۔ (زاد المعاد: ۳/۲۶۱)

سریہ بشیر بن سعد انصاریؓ

فدک کے ایک قبیلے بنی مرہ کی سرکوبی کے لئے تیس افراد کا ایک دستہ جس کی قیادت حضرت بشیر بن سعد انصاریؓ کررہے تھے روانہ کیا گیا، وہاں پہنچے تو قبیلے کے لوگ اپنے مکانوں میں موجود نہیں تھے۔ مسلمان ابھی فدک کے قریب ہی تھے کہ بنی مرہ کے لوگوں نے رات کے وقت اس دستے پر دھاوا بول دیا، دونوں طرف سے تیروں کی بارش ہوئی، اور صبح تک ہوتی رہی، یہاں تک کہ مسلمانوں کے تیر ختم ہوگئے۔ صبح کے وقت دونوں گروپوں میں شدید جھڑپیں ہوئیں، کئی مسلمانوں نے شہادت کا جام پیا، حضرت بشیرؓ پورے دن زخمی حالت میں مقتولین کے درمیان پڑے رہے، شام کے وقت بڑی مشکل سے چل کر فدک میں ایک یہودی کے پاس پہنچے اور صحت یاب ہونے تک اسی کے پاس رہے، بنی مرہ کے لوگ اپنی بکریاں وغیرہ واپس لے گئے۔ (زاد المعاد: ۳/۲۶۱)

سریہ حضرت غالب بن عبد اللہ کلبیؓ

رمضان کے مبارک مہینے میں ایک فوجی دستہ مَیْفَعَہ روانہ کیا گیا، یہاں قبیلۂ جہینہ کی شاخ حرقات کے لوگ آبادتھے، اس دستے کی قیادت حضرت غالب بن عبد اللہ کلبیؓ کررہے تھے، حضرت اُسامہ بن زیدؓ بھی دستے میں شامل تھے، اس وقت ان کی عمر تقریباً اٹھارہ سال کی تھی، قبیلے کے قریب پہنچ کر امیر لشکر نے اپنے مخبر بھیجے، اور ان کے ذریعے ضروری معلومات حاصل کیں، پھر اپنے ساتھیوں کو مخاطب کرتے ہوئے کہا کہ میں اللہ کی حمد وثنا بیان کرتا ہوں اور تمہیں اللہ سے ڈرنے کی نصیحت کرتا ہوں جو ایک ہے، اس کا کوئی شریک نہیں ہے، تم میری اطاعت کرو، میری نافرمانی نہ کرو، اور نہ میرے حکم کی خلاف ورزی کرو، کیوں کہ جس کی اطاعت نہیں کی جاتی اس کی رائے کا کوئی اعتبار نہیں ہوتا، پھر انہوں نے لشکر میں ایک ترتیب بنائی، اور دو دو آدمیوں کو ایک ساتھ اس طرح رہنے کی تلقین کی کہ وہ کسی بھی حال میں ایک دوسرے سے جدا نہ ہوں، انہوں نے کہا کہ مجھے یہ پوچھنے کی نوبت نہ آنی چاہئے کہ تمہارا ساتھی کہاں ہے، جب میں نعرۂ تکبیر بلند کروں تم بھی نعرۂ تکبیر بلند کرنا، جب میں تلوار نکالوں تم بھی نکال لینا، اس کے بعد دستے کے تمام لوگوں نے مل کر قبیلے پر حملہ کردیا، وہ سب تلواروں کی زد میں آگئے۔ (جاری)

-----------

Part: 2- Umm Hani! ام ہانی! میں نے تم لوگوں کے ساتھ عشاء کی نماز پڑھی جیسا کہ تم نے دیکھا، پھرمیں بیت المقدس پہنچا اور اس میں نماز پڑھی، پھر اب صبح میں تم لوگوں کے ساتھ نماز پڑھی جیسا کہ تم دیکھ رہی ہو

Part: 3 - Allah Brought Bait ul Muqaddas before Me and I Explained its Signs اللہ نے بیت المقدس کو میرے روبرو کردیااور میں نے اس کی نشانیاں بیان کیں

Part: 4- That Was A Journey Of Total Awakening وہ سراسر بیداری کا سفر تھا، جس میں آپؐ کو جسم اور روح کے ساتھ لے جایا گیا تھا

Part: 5- The infinite power of Allah Almighty and the rational proof of Mi'raj رب العالمین کی لامتناہی قدرت اور سفر معراج کی عقلی دلیل

Part: 6- The Reward of 'Meraj' Was Given by Allah Only to the Prophet معراج کا انعام رب العالمین کی طرف سے عطیۂ خاص تھا جو صرف آپؐ کو عطا کیا گیا

Part: 7- Adjective of Worship مجھے صفت ِ عبدیت زیادہ پسند اور عبد کا لقب زیادہ محبوب ہے

Part:-8- Prophet Used To Be More Active Than Ever In Preaching Islam During Hajj رسولؐ اللہ ہر موسمِ حج میں اسلام کی اشاعت اور تبلیغ کیلئے پہلے سے زیادہ متحرک ہوجاتے

Part: 9- You Will Soon See That Allah Will Make You Inheritors Of The Land And Property Of Arabia تم بہت جلد دیکھو گے کہ اللہ تعالیٰ تمہیں کسریٰ اور عرب کی زمین اور اموال کا وارث بنا دیگا

Part: 10- The Prophet That the Jews Used To Frighten Us With یہ وہی نبی ہیں جن کا ذکر کرکے یہودی ہمیں ڈراتے رہتے ہیں

Part: 11- Pledge of Allegiance بیعت ثانیہ کا ذکر جب آپؐ سے بنی عبدالاشہل کے لوگوں نے بیعت کی،ایمان لائے اور آپ ؐسے رفاقت و دفاع کا بھرپور وعدہ کیا

Part: 12 - Your Blood Is My Blood, Your Honour Is My Honour, and Your Soul Is My Soul تمہارا خون میرا خون ہے، تمہاری عزت میری عزت ہے، تمہاری جان میری جان ہے