Sun Oct 06 2024, 07:01 AM

Urdu Section ( 12 Apr 2022, NewAgeIslam.Com)

The Companions and Their Unparalleled Love for the Prophet Part-78 آپؐ سے صحابہؓ کی محبت یہ تھی کہ تختۂ دار پر بھی فکر ہوتی کہ آپؐ کو کانٹا بھی نہ چبھے

مولانا ندیم الواجدی

8 اپریل، 2022

عَضَل اور قَارہ کی بد عہدی اور رجیع کا دردناک واقعہ:

حضرت خبیب بن عدیؓ کور ئیس مکہ حجیر بن ابی اھاب التمیمی نے خرید لیا تاکہ وہ انہیں اپنے باپ کے بدلے میں قتل کر ڈالے، اور زید بن الدثنہؓ کو صفوان بن امیہ نے خرید لیا تاکہ وہ انہیں اپنے باپ امیہ بن خلف کے بدلے میں شہید کردے، مگر چوں کہ حرمت والے مہینے چل رہے تھے اس لئے ان لوگوں نے ان دونوں حضرات کو فوری طور پر قتل کرنے کے بجائے اشہر حرم کے گزرنے کا انتظار کیا۔ اس دوران یہ دونوں قیدی سخت نگرانی میں رہے اور ان دونوں کے پاؤں میں زنجیریں ڈال کر دونوں کو ایک مکان میں قید رکھا گیا، قید کی حالت میں ان کو تازہ انگور کھاتے ہوئے دیکھا گیا، حالاں کہ یہ پھل ان دنوں مکے میں دستیاب نہیں تھا، یہ کھلی کرامت دیکھنے کے بعد بھی دشمنوں کے دل نرم نہ ہوئے اور نہ انہیں دین اسلام کی حقانیت کا خیال آیا۔

پہلے صفوان بن اُمیہ اپنے قیدی زید بن الدثنہؓ کو تنعیم کی طرف لے کر چلا، مکے سے دو میل کے فاصلے پر یہ ایک جگہ ہے، قریش کا ایک جم غفیر اس کے ساتھ تھا، ان میں ابوسفیان بن حرب بھی تھا، جب وہ تلوار لے کر زید کی طرف بڑھا تو یکایک رک گیا اور ان کو مخاطب کرکے کہنے لگا کہ میں تجھے اللہ کی قسم دے کر پوچھتا ہوں، سچ سچ بتلانا، کیا تو یہ چاہتا ہے کہ تجھے رہا کردیا جائے اور تیری جگہ (نعوذ باللہ) محمد صلی اللہ علیہ وسلم کو قتل کردیا جائے، انھوں نے بغیر کسی تاخیر کے فوراً جواب دیا: ہرگز نہیں! واللہ مجھے یہ گوارا نہیں کہ محمد صلی اللہ علیہ وسلم اس وقت جس جگہ ہیں وہاں ان کے جسم مبارک میں کوئی کانٹا بھی چبھے۔ ابوسفیان نے کہا، میں نے محمد(ﷺ) کے اصحاب کے سوا کسی کو نہیں دیکھا کہ وہ کسی اور سے اتنی محبت کرتے ہوں جتنی وہ لوگ محمد (ﷺ)سے کرتے ہیں، اس گفتگو کے بعد فُسطاس نامی شخص نے آگے بڑھ کر حضرت زیدؓ کی گردن تن سے جدا کردی۔ (سیرت ابن ہشام: ۳/۱۱۸)

حضرت خبیب بن عدیؓ کی شہادت کا واقعہ بھی کچھ کم ولولہ انگیز نہیں ہے۔ اپنی شہادت سے کچھ دیر قبل انھوں نے اس گھر کے لوگوں سے جہاں قید تھے استرا مانگا، جو دے دیا گیا، اتنے میں ایک چھوٹا بچہ گھر کے اندر سے نکل کر ان کے پاس آکھڑا ہوا، جس کو انھوں نے گود میں اٹھا کر اپنے زانو پر بٹھا لیا، گھر والے یہ منظر دیکھ کر گھبرا گئے، دشمن کے ہاتھ میں کھلا ہوا استرا ہے، بچہ ان کی گود میں ہے، انہیں یقین ہوگیا کہ یہ قیدی اس بچے کو ضرور قتل کردے گا، خبیب نے گھر والوں کی گھبراہٹ دیکھی، اور نہایت اطمینان سے بولے، کیا تمہیں ڈر ہے کہ میں اس معصوم بچے کو قتل کردوں گا، ایسا ہرگز نہیں ہوگا، حالاں کہ خبیب چاہتے تو وہ انتقاماً ایسا کربھی سکتے تھے، اگرچہ کسی بہادر کو یہ زیب نہیں دیتا، اور اسلام تو کسی بچے ، عورت اور بوڑھے، معذور اور بیمار پر ہتھیار اٹھانے کی اجازت ہی نہیں دیتا، تاہم وہ اتنا تو کرسکتے تھے کہ بچے کو یرغمال بناکر گھر سے نکل جاتے، یا بچے کی جاں بخشی کے عوض اپنی رہائی کا مطالبہ کرتے، مگر انھوں نے ایسا نہیں کیا۔ بلکہ اطمینان کے ساتھ بیٹھے رہے، کفار انہیں بھی حدود حرم سے باہر تنعیم کی طرف لے گئے، وہاں پہنچ کر انھوں نے دو رکعت نماز پڑھنے کی خواہش کی، ان کی یہ خواہش پوری کردی گئی، خبیب نے جلدی جلدی دو رکعتیں پڑھیں، کچھ دُعا مانگی۔ انھوں نے قاتلوں کی طرف رخ کرکے کہا، خدا کی قسم! اگر تم یہ گمان نہ کرتے کہ میں موت کے لمحے کو زیادہ سے زیادہ ٹالنے کی کوشش کررہا ہوں تو میں ان دو رکعتوں کو خوب لمبی کرکے پڑھتا۔ حضرت خبیبؓ پہلے شخص ہیں جنھوں نے یہ سنت جاری کی کہ جب کوئی شخص قتل کیا جائے تو اسے دو رکعت نماز ادا کرنی چاہئے۔ نماز کے بعد ان کو تختۂ دار پر چڑھا دیاگیا، اس وقت ان کی زبان پر یہ دعائیہ کلمات جاری تھے: ’’اے اللہ ان کو چن چن کر مار ان کو ہلاک کر اور ان میں سے کسی کو نہ چھوڑ۔‘‘

حضرت معاویہ بن ابی سفیانؓ کہتے ہیں کہ جس وقت حضرت خبیبؓ کو قتل کیا گیا، میں وہاں موجود تھا، میرے والد نے اُن کی بد دعا سن کر مجھے زمین کی طرف جھکا دیا۔ اس وقت یہ عقیدہ تھا کہ اگر کوئی شخص بد دعا دے تو زمین پر لیٹ جاؤ، اس سے بد دُعا کا اثر نہیں ہوتا۔ ایک صحابی ہیں حضرت سعید بن عامر جُمحی وہ بھی قتل کا تماشہ دیکھنے والوں میں تھے، کہتے ہیں کہ جب بھی میری نگاہوں کے سامنے ان کے قتل کا منظر آتا ہے، ان کی بد دعائیں میرے کانوں میں گونجنے لگتی ہیں اور میں خوف سے بے ہوش ہوجاتاہوں، جس وقت وہ یہ بات کہہ رہے تھے اس پر بھی ان پر غشی طاری ہوگئی۔ (سیرت ابن ہشام: ۳/۱۱۸)

شہادت کے یہ واقعات اپنے جلو میں ہمارے لئے نصیحت وعبرت کے کئی پہلو لئے ہوئے ہیں۔ حافظ ابن حجر عسقلانیؒ اور دوسرے محدثین نے ان پہلوؤں پر تفصیل سے روشنی ڈالی ہے۔ ان واقعات سے ثابت ہوتا ہے کہ مسلمان قیدی کے لئے یہ جائز ہے کہ وہ کافروں کی طرف سے دی جانے والی امان قبول نہ کرے، اور لڑتے ہوئے شہید ہوجائے، اور اگر کوئی قبول کرلیتا ہے تو اس میں بھی کوئی حرج نہیں ہے۔ ان واقعات سے سبق ملتا ہے کہ اہل ایمان کو بعض اوقات ابتلاء وآزمائش کے سخت ترین مرحلوں سے بھی گزرنا پڑتا ہے، اللہ تعالیٰ نے عاصم بن ثابت کی یہ دُعا تو قبول کرلی کہ ان کے گوشت پوست کا بے جان جسم کفار کے ناپاک ہاتھوں سے محفوظ رہا، مگر یہ دُعا قبول نہیں کی وہ زندہ سلامت رہیں، محدثین نے لکھا ہے کہ یہ اس لئے ہوا کہ اللہ تعالیٰ ان کو شہادت سے نوازنا چاہتا تھا، جس سے بڑھ کر کوئی دوسرا اعزاز نہیں ہوسکتا۔ (فتح الباری: ۷/۴۴۴)

صحابۂ کرامؓ کی جان نثاری دیکھئے اور رسول اللہ صلی اللہ علیہ وسلم کے ساتھ ان کی محبت اور تعلقِ خاطر کا حال دیکھئے کہ موت آنکھوں کے سامنے ہے، قاتل تلوار لئے کھڑا ہے، صرف یہ کہنے سے ان کی جان بچ سکتی ہے کہ مجھے محمد سے محبت نہیں، اور میں یہ زیادہ پسند کرتا ہوں کہ محمد اس جگہ ہوں اور میں اپنے گھر میں ہوں، مگر وہ یہ نہیں کہتے، بلکہ ڈنکے کی چوٹ پہ کہتے ہیں کہ میں تو یہ بھی پسند نہیں کرتا کہ ان کی انگلی میں کوئی پھانس چبھ جائے، چہ جائیکہ میں یہ پسند کروں کہ وہ یہاں میری جگہ قتل کئے جائیں۔ صحابۂ کرامؓ کے کردار کی عظمت اور بلندی دیکھئے کہ ہتھیار ان کے ہاتھ میں ہے اور دشمن کا بچہ ان کی گود میں ہے، انتقام لے سکتے ہیں ، مگر یہ کام بزدل کرتے ہیں، بلند اخلاق کے حامل لوگ اپنی جان بچانے کی خاطر کسی بے گناہ کی جان نہیں لیتے۔

رجیع کے واقعے پر منافقین کو ہنسنے اور طعنہ زنی کرنے کا ایک اور موقع ہاتھ آگیا۔یہ لوگ مدینے کی گلیوں میں کہتے پھرتے تھے ان پاگلوں کو کیا ہوا تھا کہ نہ وہ رسولؐ کا پیغام پہنچا سکے اور نہ اپنوں میں رہ سکے، ان کو توخیر نصیب ہی نہیں ہوا، اس پر قرآن کریم کی کئی آیتیں نازل ہوئیں، جن میں منافقین کی مذمت کی گئی اور رجیع کے شہداء کے بارے میں فرمایا گیا: ’’اور بعض لوگ وہ ہیں جو اللہ کی رضا اور خوش نودی کے لئے اپنی جان تک بیچ ڈالتے ہیں اور اللہ اپنے بندوں پر بڑا مہربان ہے۔‘‘ (البقرۃ: ۲۰۷)

بئر معونہ کا واقعہ

ابھی رجیع کے سانحے کا غم تازہ تھا کہ بئر معونہ کا واقعہ پیش آگیا، بلکہ یہ دونوں حادثات یکے بعد دیگرے اس طرح رونما ہوئے کہ آپ صلی اللہ علیہ وسلم کو ان کی خبر تقریباً ایک ساتھ ملی۔ رجیع کا واقعہ آپ تفصیل سے پڑھ چکے ہیں، اس میں سات صحابہؓ نے جامِ شہادت نوش کیا، بئر معونہ کے پاس جو واقعہ پیش آیا، اس میں تقریباً ستر صحابہؓ دھوکے سے شہید کردیئے گئے، صحابہؓ بھی وہ جو سب کے سب حافظ اور قاری تھے، اسی لئے اسے سریۂ قراء بھی کہا جاتا ہے۔

۴ ھ صفر کے مہینے میں ابوبراء عامر بن مالک مدینے حاضر ہوا۔ یہ اپنی قوم کا سربرآوردہ شخص تھا اور قبیلے کے سردار کا بھتیجا بھی تھا۔ اسے اسلام سے اور مسلمانوں سے یک گونہ ہمدردی تھی، وہ اپنے ساتھ کچھ تحائف لے کر آیا تھا، لیکن رسول اللہ صلی اللہ علیہ وسلم نے شفقت اور نرمی کے ساتھ یہ ارشاد فرمایا کہ میں کسی مشرک کا تحفہ قبول نہیں کرتا۔ آپؐ نے اسے اسلام کی دعوت بھی پیش فرمائی، اس نے آپؐ کی دعوت قبول بھی نہیں کی اور قبول کرنے سے انکار بھی نہیں کیا۔ اس ملاقات میں عامر نے عرض کیا کہ اگر آپؐ اپنے کچھ رفقائے کار کو اہل نجد کے پاس بھیج دیں تو اس سے بڑا فائدہ ہوگا، آپؐ کے ساتھی ان میں جاکر دین کا کام کریں گے، میں امید کرتا ہوں کہ وہ آپؐ کی دعوت پر لبیک کہیں گے، رسول اللہ صلی اللہ علیہ وسلم نے ارشاد فرمایا کہ مجھے نجد کے لوگوں پر بھروسہ نہیں ہے، وہ ضرور میرے اصحاب کو تکلیف پہنچائیں گے، عامر نے کہا آپ اطمینان رکھیں، ایسا نہیں ہوگا۔ میں اس کی ضمانت دیتا ہوں۔ (تاریخ الطبری: ۲/۸۰، الواقدی فی المغازی: ۱/۳۴۶)

رسول اللہ صلی اللہ علیہ وسلم نے عامر کے کہنے پر ستر صحابہؓ کا ایک وفد تشکیل دیا اور ان سب پر منذر بن عمرو ساعدیؓ کو امیر مقرر فرمایا۔ رسول ا للہ صلی اللہ علیہ وسلم نے بنی عامر کے سردار عامر بن طفیل کے نام ایک خط بھی لکھا تھا جو امیر کارواں کو دیا گیا تاکہ وہ اسے مکتوب الیہ تک پہنچادیں۔ یہ سب خاص رسول اللہ صلی اللہ علیہ وسلم سے تربیت پائے ہوئے صحابہ تھے۔ دن میں یہ حضرات لکڑیاں چنتے، شام کو ان کو فروخت کرکے اصحاب صفہ کے کھانے کے بندوبست کرتے، رات کا کچھ حصہ تہجد اور تلاوت قرآن میں گزارتے۔ ابن ہشام نے انہیں خیار المسلمین لکھا ہے، یعنی یہ مسلمانوں کے سب سے بہتر طبقے سے تعلق رکھتے تھے، ان میں سے کچھ حضرات کے اسمائے گرامی یہ ہیں: حارث بن صمہؓ، حرام بن ملحانؓ، عروہ بن اسماء بن الصلتؓ، نافع بن بدیل بن ورقاء خزاعیؓ، عامر بن فہیرۃؓ، آخر الذکر حضرت ابوبکر کے آزادہ کردہ غلام تھے۔ (طبقات ابن سعد: ۲/۵۱، ۵۴، البدایہ والنہایہ: ۴/۷۱،۷۴) (جاری)

8 اپریل، 2022 ، بشکریہ : انقلاب ، نئی دہلی

Part: 2- Umm Hani! ام ہانی! میں نے تم لوگوں کے ساتھ عشاء کی نماز پڑھی جیسا کہ تم نے دیکھا، پھرمیں بیت المقدس پہنچا اور اس میں نماز پڑھی، پھر اب صبح میں تم لوگوں کے ساتھ نماز پڑھی جیسا کہ تم دیکھ رہی ہو

Part: 3 - Allah Brought Bait ul Muqaddas before Me and I Explained its Signs اللہ نے بیت المقدس کو میرے روبرو کردیااور میں نے اس کی نشانیاں بیان کیں

Part: 4- That Was A Journey Of Total Awakening وہ سراسر بیداری کا سفر تھا، جس میں آپؐ کو جسم اور روح کے ساتھ لے جایا گیا تھا

Part: 5- The infinite power of Allah Almighty and the rational proof of Mi'raj رب العالمین کی لامتناہی قدرت اور سفر معراج کی عقلی دلیل

Part: 6- The Reward of 'Meraj' Was Given by Allah Only to the Prophet معراج کا انعام رب العالمین کی طرف سے عطیۂ خاص تھا جو صرف آپؐ کو عطا کیا گیا

Part: 7- Adjective of Worship مجھے صفت ِ عبدیت زیادہ پسند اور عبد کا لقب زیادہ محبوب ہے

Part:-8- Prophet Used To Be More Active Than Ever In Preaching Islam During Hajj رسولؐ اللہ ہر موسمِ حج میں اسلام کی اشاعت اور تبلیغ کیلئے پہلے سے زیادہ متحرک ہوجاتے

Part: 9- You Will Soon See That Allah Will Make You Inheritors Of The Land And Property Of Arabia تم بہت جلد دیکھو گے کہ اللہ تعالیٰ تمہیں کسریٰ اور عرب کی زمین اور اموال کا وارث بنا دیگا

Part: 10- The Prophet That the Jews Used To Frighten Us With یہ وہی نبی ہیں جن کا ذکر کرکے یہودی ہمیں ڈراتے رہتے ہیں

Part: 11- Pledge of Allegiance بیعت ثانیہ کا ذکر جب آپؐ سے بنی عبدالاشہل کے لوگوں نے بیعت کی،ایمان لائے اور آپ ؐسے رفاقت و دفاع کا بھرپور وعدہ کیا

Part: 12 - Your Blood Is My Blood, Your Honour Is My Honour, and Your Soul Is My Soul تمہارا خون میرا خون ہے، تمہاری عزت میری عزت ہے، تمہاری جان میری جان ہے