Sun Oct 06 2024, 09:49 AM

Urdu Section ( 7 Dec 2021, NewAgeIslam.Com)

The Polytheists Were No Longer Peaceful and Quiet After the Defeat of Badr Part-60 بدر کی شکست نے مشرکین کے دن کا سکون اور رات کاچین چھین لیا تھا

مولانا ندیم الواجدی

3 دسمبر،2021

ابورافع یہودی کا انجام

ابورافع یہودی کے قتل کا واقعہ دلچسپ بھی ہے اور ولولہ انگیز بھی ۔اس واقعہ میں بھی حضرات صحابہ کرام ؓ کا جذبہ جاں نثاری ،رسول اللہ صلی اللہ علیہ وسلم کی ذات اقدس سے ان کی والہانہ محبت اورآپ صلی اللہ علیہ وسلم کی ذات اقدس سے ان کیا والہانہ محبت اور آپ صلی اللہ علیہ وسلم کی عزت و عظمت کے تحفظ کے لئے مرمٹنے کی خاطر ان حضرات کی خواہش او رشوق نمایاں نظر آتا ہے۔

ابورافع یہودی جس کا اصل نام عبداللہ بن ابی حقیق تھا، مدینے کے انتہائی مال دار لوگوں میں شمار کیا جاتاتھا۔ اس کا قلعہ خیبر کی ایک وادی میں تھا، وہیں اس کا قیام بھی تھا۔ دوسرے بہت سے یہودیوں کی طرح اس کا دل بھی اللہ او راس کے رسول صلی اللہ علیہ وسلم کی عداوت اور دشمنی کی آماج گاہ بنا ہوا تھا ، اس کا مشغلہ بھی آپ صلی اللہ علیہ وسلم کی ایذا پہنچانا تھا، وہ کعب بن اشرف کا معین و مددگار بھی تھا۔

محمد بن مسلمہؓ او ران کے ساتھی جنہوں نے کعب بن اشرف کو قتل کیا تھا قبیلہ اوس سے تعلق رکھتے تھے ۔ قبیلہ خزرج سے تعلق رکھنے والے صحابہؓ ان حضرات کی قسمت پر رشک کرتے تھے کہ انہوں نے اللہ کے رسول صلی اللہ علیہ وسلم کے بدترین دشمن کو قتل کرکے دارین کا شرف اور سعادت حاصل کرلی او رہم لوگ اس سعادت سے محروم رہ گئے ۔ ایک دن ان حضرات میں سے کسی کو خیال آیا کہ ابورافع کو قتل کرکے ہمیں بھی یہ عظیم سعادت حاصل کرنی چاہئے ،مگر اس کے لئے رسو ل اللہ صلی اللہ علیہ وسلم کی اجازت ضروری تھی ۔ چنانچہ چند خزرج صحابہ رسول اللہ صلی اللہ علیہ وسلم کی خدمت میں حاضر ہوئے اور ابورافع یہودی کو قتل کرنے کی اجازت چاہی۔ آپ صلی اللہ علیہ وسلم نے اجازت مرحمت فرمادی۔ 15جمادی الاخریٰ 3 ھ کو حضرت عبداللہ بن عتیک ، مسعود بن سنان، عبداللہ بن اُنیس ، ابوقتا دہ حارث بن ربعی اور خزاعی بن اسود رضوان اللہ تعالیٰ علیہم اجمعین خیبر کی طرف روانہ ہوئے۔ غروب آفتا کے بعد یہ لوگ خیبر پہنچے ۔ ابورافع یہودی خیبر کے ایک قلعے میں رہتا تھا، ابھی قلعہ کا دروازہ کھلا ہوا تھا ، چراگاہوں سے جانور واپس آرہے تھے ، حضرت عبداللہ بن عتیکؓ نے اپنے ساتھیوں سے کہا کہ تم لوگ ٹھہرو، میں ذرا قلعے کے قریب جاکر اندر جانے کی کوئی تدبیر کرتاہوں۔ تمام ساتھی قلعے سے کچھ فاصلے پر کھڑے ہوگئے، عبداللہ بن عتیکؓ چھپتے چھپاتے قلعے کے قریب پہنچے او رزمین پر اس طرح بیٹھ گئے جیسے کوئی شخص قضائے حاجت کے لئے بیٹھتا ہو، دربان نے آواز دے کر کہا: اے اللہ کے بندے جلدی سے اندر آجا ، مجھے گیٹ بند کرنا ہے، وہ یہ سمجھا کہ قلعے کاکوئی نوکر باہر قضائے حاجت کے لئے بیٹھا ہوا ہے۔ عتیکؓ جلدی سے اٹھے او رقلعے کے اندر داخل ہوگئے۔ دربان نے گیٹ بند کیا۔ جب اندھیرا چھا گیا تو بہت سے لوگ قلعے میں آئے، یہ وہ لوگ تھے جو رات کو ابورافع کی مجلس میں بیٹھتے تھے، قصہ گوئی اور شعر و شاعری ہوتی تھی، شراب و کباب کا دور چلتا تھا ، اس رات بھی یہ محفل جمی، رات گئے مجلس برخاست ہوئی، تمام لوگ اپنے اپنے گھر وں کی طرف چلے گئے ، دربان نے گیٹ میں تالا لگا کر کنجی ایک کھونٹی پر لٹکا دی اور خود پڑ کر سو گیا۔ عبداللہ عتیکؓ کہتے ہیںکہ قلعے کے اندر ایک گوشے میں چھپا بیٹھا تھا، جب میں نے یہ دیکھا کہ دربان گہری نیند سوچکا ہے ، میں آہستگی کے ساتھ اس طرف بڑھا جہاں کنجی لٹکی ہوئی تھی، میں نے کنجی اٹھائی اور گیٹ کھول کر اپنے ساتھیوں کو اندر بلایا ، اس کے بعد میں بالاخانے کی طرف بڑھا ،ابورافع سونے کیلئے لیٹ چکا تھا، میں اپنے پیچھے تمام دروازے بندکرتا ہوا اس کے خاص کمرے میں داخل ہوگیا، کمرے میں اندھیرا تھا، مگر مجھے یہ اندازہ نہیں تھا کہ وہ کہاں سو رہا ہے، میں نے یہ اندازہ کرنے کے لئے کہ وہ کہاں ہے اسے آواز دی، ابورافع نے کہا کون ہے؟ میں نے آواز کی سمت کا اندازہ کرکے تلوار چلائی، وار خالی گیا۔ ابورافع نے چیخ ماری، میں چند لمحے خاموش کھڑا رہا، اس کے بعد آواز بدل کر بولا اے ابورافع کیا ہوا؟ کہنے لگا کہ ابھی مجھ پر کسی نے حملہ کیا ہے۔ یہ سنتے ہی میں نے دوبارہ تلوار چلائی ، وہ زخمی ہوگیا او رچلانے لگا، اب مجھے خوب اندازہ ہوچکا تھا کہ وہ کہاں ہے؟ میں نے زور زور سے تلوار چلائی جس سے اس کا جسم چھلنی چھلنی ہوگیا۔ جب مجھے اس کے مرنے کا یقین ہوگیا تو میں نے بالاخانے سے نیچے اتر آیا ، زمین پر پیر رکھتے ہوئے میری پنڈلی کی ہڈی ٹوٹ گئی ، عمامہ کھول کر میں ٹوٹی ہوئی پنڈلی پر باندھا اور ساتھیوں سے آکر کہا کہ ابورافع مرچکا ہے، اب تم لوگ یہاں سے چلے جاؤ او رراستے میں کہیں رُک کر میرا انتظار کرو ، میں یہاں اس وقت تک رہوں گا جب تک اس کی موت کا اعلان نہیں ہوجاتا۔

صبح ہوئی تو قلعے کی فصیل سے ابورافع کی موت کا اعلان کیا گیا، یہ اعلان سن کر مجھے اطمینان ہوا، اور میں اپنے ساتھیوں کے پاس پہنچ گیا، جو راستے میں ٹھہر کر میرا انتظار کررہے تھے۔ ہم سب ساتھی رسول اللہ صلی اللہ علیہ وسلم کی خدمت میں حاضر ہوئے، آپ صلی اللہ علیہ وسلم کو ابورافع کے قتل کی خوش خبری سنائی اور جو واقعات گزرے وہ سب آپ صلی اللہ علیہ وسلم کی خدمت میں عرض کئے ، آپ صلی اللہ علیہ وسلم نے مجھ سے فرمایا: اپنی ٹانگ پھیلاؤ میں نے ٹانگ پھیلا دی،آپ صلی اللہ علیہ وسلم نے اس پر دست مبارک پھیرا ،میری ٹانگ ایسی ہوگئی جیسے اس میں کوئی تکلیف ہی نہیں تھی۔ (صحیح بخاری 5؍91، رقم الحدیث: 4039 ، تاریخ الطبری 2؍493 ، البدایہ والنہایہ 4؍158)

حضرت حفصہ رضی اللہ عنہ بنت عمر بن الخطاب رضی اللہ عنہ سے نکاح

سن 3ھ کے واقعات میں سے ایک اہم واقعہ حضرت حفصہؓ کا آپ صلی اللہ علیہ وسلم کے حرم مقدس میں میںآنے کا ہے۔ حضرت حفصہؓ کے سابقہ شوہر حضرت خُنیس بن حذافہ غزوہ بدر میں شہید ہوگئے تھے، اس وقت حضرت حفصہؓ صرف بیس سال کی تھیں، حضرت عمرؓ پر اس حادثے کا بڑا اثر تھا، وہ چاہتے تھے کہ جلد از جلد ان کا نکاح کردیا جائے، اس سلسلے میں انہوں نے حضرت عثمانؓ سے بھی بات کی ، حضرت کلثوم وفات پا چکی تھیں اور حضرت عثمانؓ کونکاح ثانی کی ضرورت تھی، لیکن حضرت عثمانؓ نے یہ کہہ کر معذرت کردی کہ میں ابھی شادی نہیں کرنا چاہتا۔ حضرت عمرؓ نے حضرت ابوبکرؓ سے بھی کہا کہ وہ حفصہ سے نکاح کرلیں لیکن وہ خاموش رہے۔ حضرت عثمانؓ کے انکار اور حضرت ابوبکرؓ کی خاموشی سے حضرت عمرؓ کو بڑا رنج ہوا،لیکن جب رسول اللہ صلی اللہ علیہ وسلم نے حضرت حفصہؓ سے اپنا پیغام دیا تو ان کا تمام رنج دور ہوگیا بلکہ خوش ہوگیا، اس سے بڑھ کر کوئی دوسری خوشی ہوبھی نہیں سکتی تھی کہ ان کی بیٹی رسول اللہ صلی اللہ علیہ وسلم کی بیوی ہونے کاشرف حاصل کریں، حضرت حفصہؓ سے آپ کانکاح رمضان سن3 ھ سے قبل ہوا، چار سو درہم مہر مقرر ہوئے، حضرت حفصہؓ نے 45 ھ میں وفات پائی اور جنت البقیع میں مدفون ہوئیں۔ (فتح الباری ،تاریخ الطبری ،2؍232)

حضرت زینب بنت خزیمہ رضی اللہ عنہ سے نکاح

حضرت حفصہؓ سے نکا ح کے ایک ماہ بعد رمضان 3ھ میں آپ صلی اللہ علیہ وسلم کے نکاح میں آئیں، ان کے پہلے شوہر کا نام عبیدہ بن الحارثؓ بن عبدالمطلب تھا، غزوہ بدر میں شہید ہوئے، رسول اللہ صلی اللہ علیہ وسلم نے حضرت زینبؓ کو براہ راست نکا ح کا پیغام دیا، انہوں نے اس کا اختیار آپ صلی اللہ علیہ وسلم کو دے دیا، آپ صلی اللہ علیہ وسلم نے دوگواہوں کی موجودگی میں ان سے نکاح کرلیا، ان کامہر بھی چار سو درہم تھا، نکاح کے بعد آٹھ ماہ آپ صلی اللہ علیہ وسلم کے نکاح میں رہ کر ربیع الثانی 4ھ میں وفات پاگئیں۔ ترتیب کے اعتبار سے حضرت زینبؓ حضور صلی اللہ علیہ وسلم کی زوجیت میں آنے والی پانچویں خاتون ہیں اور وفات پانے والی امہات المومنین میں آپ کا نمبر دوسراہے، اس پر تمام محدثین او رمورخین کا اتفاق ہے کہ ازواج مطہرات میں سب سے پہلے مدینہ منورہ میں حضرت زینبؓ نے وفات پائی ، ان کی نماز جنازہ آپ صلی اللہ علیہ وسلم نے خود پڑھائی او رانہیں جنت البقیع میں دفن کیا گیا۔( الاستیعاب 4؍1853 ، الاصابہ فی تمیز الصحابہ 8؍157)

غزوہ احد

عزوہ بدر کے بعد یہ بڑا او رنہایت اہمیت کا حامل غزوہ ہے، بعد کی تاریخ پر اس کے بھی زبردست اثرات مرتب ہوئے اور یہ غزوہ بھی حق و باطل کے درمیان فیصلہ کن ثابت ہوا، غزوہ احد کا پس منظر یہ ہے کہ بدر کے میدان سے شکست کھاکر کفار ومشرکین مکے سے واپس ہوئے ان کا سینہ جذبہ انتقام سے بھرا ہوا تھا، مسلمانوں نے ان کے اپنوں کو گاجر مولی کی طرح کاٹ کر رکھ دیا تھا، شاید ہی مکے کاکوئی گھرانہ ایسا ہو جس کوئی عزیز قریب اس جنگ میں قتل نہ ہوا ہو، بہت سے سردار ان قریش بھی ذلت کی موت مارے جاچکے تھے، جو بچ گئے تھے ان کابھی کوئی نہ کوئی عزیز، رشتے دار اس جنگ میں کام آگیا تھا۔ چنانچہ ابوسفیان کا بیٹا حنظلہ ،عکرمہ کاباب ابوجہل ، حارث بن ہشام کا بھائی ابوجہل بن ہشام اور صفوان بن امیہ کا باپ امیہ قتل ہوچکے تھے ، ابوسفیان اگر چہ تجارتی قافلے کو اس کے ساز و سامان سمیت بچا کر مکے لے کر آیا تھا، مگر یہ سب سامان دارالندوہ میں جمع تھا، بدر میں گئے ہوئے لوگوں کی واپسی کا انتظار تھا، ان میں سے اکثر لوگوں کا سرمایہ اس سامان کی خریدار ی میں لگا ہوا تھا۔

جب بدر سے شکست خوردہ مشرکین کا آخری فرد بھی واپس آگیا تو یہ تصور کرلیا گیا کہ جو لوگ واپس نہیں آئے یا تو وہ مرچکے ہیں یا مسلمانوں کی قید میں ہیں۔ پہلی کوشش تو ان قیدیوں کو زر فدیہ دے کر چھڑانے کی تھی، جب یہ عمل بھی پورا ہوگیا اور جن کو رہا ہوکر آنا تھا وہ آگئے تب ان لوگوں کو خیال آیا کہ ہم تو اپنی تاریخ کی نہایت ذلت آمیز شکست سے دو چار ہوچکے ہیں، ہمارے بہت سے پیارے جن پر ہمیں فخر اور ناز تھا ہم سے جدا ہوچکے ہیں، مسلمانوں کا حوصلہ اتنا بڑھ چکا ہے کہ وہ ہمیں پابہ جولاں مدینے لے جائیں اور زرِ فدیہ لے کر رہا کریں۔ اس خیال نے ان کے دن کا سکون اور ارت کا چین چھین لیا ، ہر شخص کے دل میں انتقام کی خواہش جاگ اٹھی، جو لمحہ بہ لمحہ آگ کی طرح پھیلتی چلی گئی، بالآخر عبداللہ بن ابی ربیعہ ، عکرمہ بن ابی جہل ، صفوان بن امیہ، قریش کے کچھ اورلوگوں کے ساتھ لے کر ابوسفیان کے پاس آئے او رکہنے لگے کہ ہم نے اپنا سرمایہ تو بچا لیا ہے مگر اپنوں کو کھو دیا ہے ، اب ہم یہ چاہتے ہیں کہ اس مال کے ذریعے ایک بڑی اور فیصلہ کن جنگ کی تیاری کریں اور پوری طاقت وقوت کے ساتھ مدینے پر حملہ آور ہوں۔ ابوسفیان نے فوراً ہی یہ تجویز مان لی اور اسی مجلس میں یہ طے ہوگیا کہ اصل سرمایہ مالکوں کو واپس کردیا جائے او راس کاتمام منافع جو تقریباً پچاس ہزار دینار تھا جنگی ساز وسامان کی تیاری اور خریداری میں صرف کردیا جائے۔ قرآن کریم کی یہ آیت اس پس منظر میں نازل ہوئی ’’ جن لوگوں نے کفر اپنا لیا ہے او راپنے مال اس کام کے لئے خرچ کررہے ہیں کہ لوگوں کو اللہ کے راستے سے روکیں ، نتیجہ یہ ہوگا کہ یہ لوگ خرچ تو کریں گے مگر پھر یہ سب کچھ ان کے لئے حسرت کا سبب بن جائے گا اور آخر کار یہ لوگ مغلوب ہوجائیں گے ۔( اسباب النزول ، واحدی ، ص :195، تفسیر الطبری، 9؍159) (جاری)

3 دسمبر،2021،بشکریہ : انقلاب ، نئی دہلی

Part: 2- Umm Hani! ام ہانی! میں نے تم لوگوں کے ساتھ عشاء کی نماز پڑھی جیسا کہ تم نے دیکھا، پھرمیں بیت المقدس پہنچا اور اس میں نماز پڑھی، پھر اب صبح میں تم لوگوں کے ساتھ نماز پڑھی جیسا کہ تم دیکھ رہی ہو

Part: 3 - Allah Brought Bait ul Muqaddas before Me and I Explained its Signs اللہ نے بیت المقدس کو میرے روبرو کردیااور میں نے اس کی نشانیاں بیان کیں

Part: 4- That Was A Journey Of Total Awakening وہ سراسر بیداری کا سفر تھا، جس میں آپؐ کو جسم اور روح کے ساتھ لے جایا گیا تھا

Part: 5- The infinite power of Allah Almighty and the rational proof of Mi'raj رب العالمین کی لامتناہی قدرت اور سفر معراج کی عقلی دلیل

Part: 6- The Reward of 'Meraj' Was Given by Allah Only to the Prophet معراج کا انعام رب العالمین کی طرف سے عطیۂ خاص تھا جو صرف آپؐ کو عطا کیا گیا

Part: 7- Adjective of Worship مجھے صفت ِ عبدیت زیادہ پسند اور عبد کا لقب زیادہ محبوب ہے

Part:-8- Prophet Used To Be More Active Than Ever In Preaching Islam During Hajj رسولؐ اللہ ہر موسمِ حج میں اسلام کی اشاعت اور تبلیغ کیلئے پہلے سے زیادہ متحرک ہوجاتے

Part: 9- You Will Soon See That Allah Will Make You Inheritors Of The Land And Property Of Arabia تم بہت جلد دیکھو گے کہ اللہ تعالیٰ تمہیں کسریٰ اور عرب کی زمین اور اموال کا وارث بنا دیگا

Part: 10- The Prophet That the Jews Used To Frighten Us With یہ وہی نبی ہیں جن کا ذکر کرکے یہودی ہمیں ڈراتے رہتے ہیں

Part: 11- Pledge of Allegiance بیعت ثانیہ کا ذکر جب آپؐ سے بنی عبدالاشہل کے لوگوں نے بیعت کی،ایمان لائے اور آپ ؐسے رفاقت و دفاع کا بھرپور وعدہ کیا

Part: 12 - Your Blood Is My Blood, Your Honour Is My Honour, and Your Soul Is My Soul تمہارا خون میرا خون ہے، تمہاری عزت میری عزت ہے، تمہاری جان میری جان ہے