Fri Oct 11 2024, 11:28 PM

Urdu Section ( 27 Jul 2021, NewAgeIslam.Com)

When Oppressed Muslims Complain, Holy Prophet Pbuh Used To Say, Be Patient, I Have Not Been Ordered To Kill Part-42 مظلوم مسلمان ظلم کی شکایت کرتے توآپ ؐ فرماتے صبرکرو،مجھے قتال کا حکم نہیں دیا گیا

مولانا ندیم الواجدی

23 جولائی 2021

جہاد کی اجازت

یہ تھے وہ مشکل ترین حالات جن سے نومولود ریاست مدینہ کے مسلمان نبرد آزما تھے، ان حالات سے نکلنے کی بجز اس کے کوئی دوسری صورت نہ تھی کہ مسلمان خود اپنی حفاظت کے لئے آگے آئیں، دشمنوں کو اپنی طاقت کا احساس کرائیں اور ان کی ہر سازش کو ناکام کردیں۔ مشرکین برابر اپنی چالیں چل رہے تھے، ان کی جرأت یہاں تک بڑھ چکی تھی کہ وہ یثرب کی چراگاہوں سے رسول اللہ صلی اللہ علیہ وسلم کے اونٹ ہنکاکر مکہ لے گئے تھے۔ ان کی سازشوں کا سلسلہ لگاتار جاری تھا، مدینے کے منافقین کو مسلمانوں پر حملہ کرنے کی ترغیب دی جارہی تھی، مدینہ منورہ کے راستوں میں پڑنے والے قبائل سے یہ عہد لیا جارہا تھا کہ وہ مسلمانوں کو اپنے قریب سے گزرنے کی اجازت نہ دیں۔ ان حالات میں اگر خاموشی اختیار کی جاتی تو مشرکین کے حوصلے بڑھ جاتے، وہ کسی بھی وقت مدینہ پر حملہ آور ہوسکتے تھے، یہاں ان کے ہم نوا موجود تھے، منافق بھی اور یہودی بھی، یہ لوگ کسی بھی وقت مسلمانوں کیلئے خطرہ بن سکتے تھے، اپنی بقاء اور سلامتی کیلئے ضروری تھا کہ مسلمان دفاعی اور اقدامی جنگوں کیلئے تیاری کریں مگر یہ تیاری حکم الٰہی پر موقوف تھی، مکی زندگی میں ان کو جو حکم دیا گیا، وہ تھا: فَاصْبِرْ صَبْرًا جَمِیْلاً (ترجمہ) لہٰذا تم خوبصورتی کے ساتھ صبر سے کام لو۔‘‘(سورہ معارج:۵)

مشرکین کے ظلم و ستم سے تنگ آکر اس وقت کے مٹھی بھر مسلمان رسول اللہ صلی اللہ علیہ وسلم کی خدمت میں عرض گزار ہوتے یارسول اللہ! ہمیں لڑنے کی اجازت دیجئے۔ آپ فرماتے: اصبرو فانی لم أومر بالقتال (تفسیر آلوسی،۸؍۲۲۴، تفسیر البغوی، ۵؍۳۸۸) ’’صبر کرو، مجھے قتال کا حکم نہیں دیا گیا۔‘‘ مدنی زندگی میں صورت حال بدلی ہوئی تھی، یہاں مسلمانوں کی تعداد بڑھ گئی تھی، کچھ نہ کچھ جنگی ساز و سامان بھی ان کے پاس تھا، سب سے بڑھ کر یہ کہ ان کے پاس ایک مضبوط ٹھکانہ تھا، مشرکین کی ریشہ دوانیوں سے نمٹنے کا واحد حل یہی تھا کہ ان کو اُن کی اوقات یاد دلائی جائے اور ان پر یلغار کرکے ان کے غرور کا بت پاش پاش کردیا جائے۔

بالآخر ایک روز جنگ کی اجازت مل ہی گئی، جہاد کا حکم ان آیات کے ذریعے نازل ہوگیا: ’’جن لوگوں سے جنگ کی جارہی ہے انہیں اجازت دی جاتی ہے کہ وہ اپنے دفاع میں لڑیں، کیوں کہ ان پر ظلم کیا گیا ہے اور یقین رکھو کہ اللہ ان کو فتح دلانے پر پوری طرح قادر ہے، یہ وہ لوگ ہیں جنہیں صرف اس بات پر اپنے گھروں سے ناحق نکالا گیا ہے کہ انہوں نے یہ کہا تھا کہ ہمارا پروردگار اللہ ہے اور اگر اللہ لوگوں کے ایک گروہ (کے شر) کو دوسرے کے ذریعے دفع نہ کرتا رہتا تو خانقاہیں، کلیسا اور عبادت گاہیں اور مسجدیں جن میں اللہ کا کثرت سے ذکر کیا جاتا ہے سب مسمار کردی جاتیں اور اللہ ضرور ان لوگوں کی مدد کرے گا جو اس (کے دین) کی مدد کریں، بلاشبہ اللہ بڑی قوت والا، بڑے اقتدار والا ہے، یہ ایسے لوگ ہیں کہ اگر ہم انہیں زمین میں اقتدار بخشیں تو وہ نماز قائم کریں اور زکوٰۃ ادا کریں اور لوگوں کو نیکی کی تاکید کریں اور برائی سے روکیں اور تمام کاموں کا انجام اللہ ہی کے قبضے میں ہے۔ (الحج: ۳۹-۴۱)

جہاد کا مقصد

یہ غلبے کی جنگ نہیں ہے بلکہ دفاع کی جنگ ہے، آیات میں واضح کردیا گیا ہے کہ یہ اجازت اس لئے دی جارہی ہے کہ تم پر بہت کچھ ظلم ہوچکا ہے، تمہیں بغیر کسی وجہ کے تمہارے گھروں سے نکال دیا گیا ہے، حالاں کہ تمہارا قصور کچھ بھی نہیں تھا، اس کے بعد اللہ رب العزت نے اپنی ازلی سنت کا حوالہ دیا ہے کہ اگر ہم ایک گروہ کے شر کو دوسرے گروہ کے ذریعے ختم نہ کریں تو اللہ کا نام لینا مشکل ہوجائے، تمام عبادت گاہیں مسمار کردی جائیں، نہ گرجا گھر باقی بچیں، نہ معابد، مساجد، کلیسا اور خانقاہیں باقی رہیں، یہ فسادی لوگ اس طرح کے تمام عبادت خانے گرادیں اور اللہ کا نام لینے والوں کو بے گھر کردیں۔ ان آیات سے پتہ چلتا ہے کہ جنگ یا جہاد کی اجازت اس لئے دی گئی ہے تاکہ روئے زمین پر اللہ کا نام آزادی سے لیا جاسکے۔ اللہ کے باغی، اللہ کا نام لینے والوں کو، نماز اور زکوٰۃ کا نظام قائم کرنے والوں کو، امر بالمعروف اور نہی عن المنکر کا فریضہ ادا کرنے والوں کو ظلم و تشدد کا نشانہ نہ بنائیں، ان کو اُن کے گھروں سے نہ نکالیں، اس سے صاف ظاہر ہے کہ جہاد کا مقصد یہ نہیں ہے کہ لوگوں کو زبردستی اسلام میں داخل کیا جائے۔ جہاد کے سلسلے میں یہ غلط پروپیگنڈہ ہے، آیات جہاد سے اس پروپیگنڈہ کی پورے طور پر تردید ہوتی ہے۔

جہاد کی دو قسمیں

یوں تو جہاد اپنے مفہوم میں بڑی وسعت رکھتا ہے اور مفسرین و محدثین و فقہاء نے اس وسعت کو پیش نظر رکھ کر زبان و قلم کے ذریعہ طاغوتی قوتوں سے مقابلہ کرنے کو بھی جہاد قرار دیاہے، مال کے ذریعے مدد کرنا بھی جہاد ہے، نفس کو سرکشی سے روکنا بھی جہاد ہے، لیکن اصطلاحی معنی میں جہاد کی تعریف یہ ہے کہ اللہ رب العزت کے راستے میں قتال کرنے میں اپنی جان، مال، زبان اور دوسری چیزوں سے بھرپور کوشش کرنے کو جہاد کہتے ہیں۔ (البدائع والصنائع)

بنیادی طورپر جہاد کی دوقسمیں کی گئی ہیں (۱)دفاعی جہاد (۲) اقدامی جہاد۔

دفاعی جہاد یہ ہے کہ جو طاقتیں مسلمانوں سے ٹکرائیں، ان کو نقصان پہنچائیں، دعوت کے کام میں رکاوٹیں ڈالیں، اسلامی احکام پرعمل پیرا ہونے میں سدّراہ بنیں، ایسی تمام طاقتوں سے مقابلہ کرنا اور لڑنا یہ دفاعی جہاد ہے، اور یہ فرض ہے۔ قرآن کریم میں ہے: ’’اے ایمان والو! جب کافروں سے تمہارا آمنا سامنا ہو جائے جب کہ وہ چڑھائی کرکے آرہے ہوں تو ان کو پیٹھ مت دکھائو۔‘‘(انفال:۱۵)

اقدامی جہاد کا تعلق حالات کے تقاضوں سے ہے، اس میں پہلے اسلام کی دعوت دی جاتی ہے، پھر جزیہ کا مطالبہ ہوتا ہے اس کے بعد اعلان جہاد کیا جاتا ہے۔

جہاد اسلامی کے آداب

اسلام کے حکمِ جہاد کو موجودہ دور کی جنگوں پرقیاس نہ کیا جائے، جو نہ کسی ضابطے کی پابند ہیں، نہ کسی اصول کی، ان جنگوں کا حاصل محض تباہی اور بربادی ہے، انسانی جانوں کا ضیاع اور ان کے اموال کا اتلاف ہے۔رسول اللہ صلی اللہ علیہ وسلم نے جو جنگیں لڑیں اور جو جنگیں آپ کے عہد مبارک میں اور آپ کے بعد خلفائے راشدین کے دور مسعود میں لڑی گئیں وہ اس لئے نہیں لڑی گئیں کہ بے قصور لوگوں کی جان و مال کو کوئی نقصان پہنچے، کمزور اور نہتے لوگ جنگ کرنے والوں کا نشانہ بنیں، ہرے بھرے درخت کاٹے جائیں یا کھیتیاں اجاڑی جائیں، بلکہ اعلا مقاصد کے لئے لڑی گئیں، اس لئے جہاد کو بھی اصولوں اور ضابطوں کا پابند بنایا گیا اور اسے عبادت کا درجہ دیا گیا تاکہ کوئی افراط و تفریط نہ ہو، کوئی ظلم و تعدی نہ ہو، حد سے تجاوز نہ ہو۔

یوں تو جہاد سے تعلق رکھنے والے مضامین پر مشتمل بہت سی آیات قرآن کریم میں ہیں، مگر مستقل دو سورتیں بھی اس سلسلے میں نازل کی گئیں، جن میں سے ایک سورۂ انفال ہے، یہ سورہ تقریباً سن دو ہجری کے آس پاس مدینہ منورہ میں نازل ہوئی، اس کے بیشتر مضامین جنگ بدر سے متعلق ہیں۔ ضمنی طور پر جہاد اور مال غنیمت کی تقسیم کے بہت سے احکام بھی بیان کئے گئے ہیں، اگلی سورت التوبہ بھی اسی کا تتمہ یا تکملہ ہے، اسی لئے اس کے آغاز میں نہ بسم اللہ نازل ہوئی اور نہ لکھی گئی۔ سورۂ انفال کی یہ چند آیات ملاحظہ کیجئے، ان میں جنگ کے لئے جانے والوں کو کچھ ہدایات دی گئی ہیں۔ ترجمہ: ’’اے ایمان والو! جب تمہارا کسی گروہ سے مقابلہ ہوجائے تو ثابت قدم رہو اور اللہ کا کثرت سے ذکر کرو تاکہ تمہیں کامیابی حاصل ہو اور اللہ اور اس کے رسول کی اطاعت کرو اور آپس میں جھگڑا نہ کرو، ورنہ تم کم زور پڑجائو گے اور تمہاری ہوا اکھڑ جائے گی اور صبر سے کام لو، یقین رکھو کہ اللہ صبر کرنے والوں کے ساتھ ہے اور ان لوگوں کی طرح مت ہوجانا جو اپنے گھروں سے اکڑتے ہوئے اور لوگوں کو اپنی شان دکھلاتے ہوئے نکلے تھے اور دوسروں کو اللہ کے راستے سے روک رہے تھے۔ (۴۵-۵۷)۔ ان آیات میں حسبِ ذیل ہدایات موجود ہیں:

(۱) جب جہاد کے لئے نکلو تو اللہ کا ذکر کرتے ہوئے نکلو۔(۲) اتراتے ہوئے اور اکڑ دکھاتے ہوئے نہ چلو۔(۳) اللہ اور اس کے رسول کی اطاعت کرو۔(۴) آپس میں جھگڑا مت کرو۔ (۵) تکلیف اور مصیبت میں صبر سے کام لو۔ اور (۶) ان کافروں کی طرح مت ہوجانا جو اپنے گھروں سے اکڑتے ہوئے نکلتے ہیں۔

آپؐ کا طریقہ ٔ عمل

ایک حدیث میں ہے کہ رسول اللہ صلی اللہ علیہ وسلم جب کسی صحابی کو کسی فوجی دستے کا امیر بناتے تو اسے وصیت فرماتے کہ وہ اپنے بارے میں اللہ سے ڈرتا رہے اور اپنے ساتھ جانے والے مسلمانوں کی خیرخواہی کرتا رہے، پھر آپ فرماتے: تم لوگ اللہ کی راہ میں، اللہ کے نام سے جہاد کرو، جہاد کرو اور خیانت نہ کرو، بد عہدی نہ کرو، مثلہ نہ کرو، (یعنی لاش کا حلیہ نہ بگاڑو)، نہتے آدمی کو قتل نہ کرو اور جب تم مشرک دشمنوں سے ملو تو ان کے سامنے تین باتیں رکھو، ان میں سے جس بات کو وہ مان لیں اسے تم قبول کرلو اور جنگ سے رک جائو، تم انہیں اسلام کی دعوت دو، اگر وہ تمہاری دعوت قبول کرلیں تو ان سے جنگ نہ کرو اور ان سے کہو کہ وہ یہاں سے دارالہجرت مدینہ منتقل ہوجائیں، انہیں بتلائو کہ اگر وہ ایسا کریں گے تو ان کا حق مہاجرین جیسا ہوگا اور ان پر ذمہ داری مہاجرین جیسی ہوگی اور اگر وہ وہاں سے منتقل ہونے سے انکار کردیں تو ان سے کہو کہ پھر ان کی حیثیت عام دیہاتی مسلمانوں کی سی ہوگی، ان کا حکم عام اہل ایمان کا ہوگا، ان کو مال غنیمت یا مال فئی سے کچھ نہیں ملے گا، مگر اس صورت میں ملے گا جب وہ مسلمانوں کے ساتھ مل کر جہاد کریں گے، اگر وہ دعوت اسلام قبول کرنے سے انکار کردیں تو ان سے جزیہ کا مطالبہ کرو، اگر وہ مان جائیں تو قبول کرلو اور جنگ نہ کرو اور اگر انکار کردیں تو اللہ سے مدد مانگو اور جہاد کرو۔(سنن الترمذی، ۵؍۲۹۴، رقم الحدیث، ۱۳۲۸، صحیح مسلم، ۹؍۱۵۰، رقم الحدیث۳۲۶۱، سنن ابی دائود ۷؍۱۹۳، رقم الحدیث ۲۲۴۵، سنن ابن ماجہ ۸؍۳۹۱، رقم الحدیث ۲۸۴۹ )

وہ ہدایات جو جنگ پر جانے والوں کودی جاتیں

جنگ پر جانے والوں کو اس طرح کی ہدایات بھی دی جاتیں،مثلاً (۱) راہبوں اور گوشہ نشینوں کو کچھ مت کہو۔ (۲) کھجور یااور کوئی پھل درخت نہ کاٹو۔ (۳) عمارتوں کو مت گرائو، یا (۴) عورتوں، بچوں، بوڑھوں، بیماروں اور لڑائی سے دور رہنے و الوں کو کچھ نہ کہو۔(معرفۃ السنن والآثار للبیہقی، ۱۴؍۳۰۱۵، رقم ۵۶۴۵)

یہ مختصر نمونے ہیں، ان ہدایات کے جو مجاہدین کو دی جاتی تھیں، ان کے آئینے میں موجودہ دور کی متمدن اقوام اور انسانیت کی ہمدردی کا نعرہ لگانے والی طاقتوں کی طرف سے مسلط کی جانے والی جنگوں کو دیکھا جاسکتا ہے۔ وہ مہذب اور متمدن لوگ انسانی آبادیوں پر بم برساتے ہیں، عمارتیں تباہ کردیتے ہیں، کارخانے، معابد، مساجد، اسکول، کالج، اسپتال سب گرا دیتے ہیں، عام لوگوں کو، بچوں کو، بوڑھوں کو، عورتوں کو، بیماروں کو ، گویا کسی کو نہیں بخشتے۔ ان کے دلوں میں نہ کسی کے لئے کوئی رحم ہوتا ہے، نہ کسی طرح کی کوئی ہم دردی، نہ انہیں انسانیت کا خیال آتاہے، نہ اقوام متحدہ کے منشور کا، نہ خود اپنے جنگی قوانین کا، بس بے دریغ بم برساتے ہیں اور لمحوں میں ہنستے کھیلتے شہر برباد کرکے بغلیں بجاتے ہیں اور اسلام کے نظام جہاد پر تنقید کرکے خوش ہوتے ہیں۔ (جاری)

23 جولائی 2021، بشکریہ: انقلاب، نئی دہلی

----------------------

Part: 2- Umm Hani! ام ہانی! میں نے تم لوگوں کے ساتھ عشاء کی نماز پڑھی جیسا کہ تم نے دیکھا، پھرمیں بیت المقدس پہنچا اور اس میں نماز پڑھی، پھر اب صبح میں تم لوگوں کے ساتھ نماز پڑھی جیسا کہ تم دیکھ رہی ہو

Part: 3 - Allah Brought Bait ul Muqaddas before Me and I Explained its Signs اللہ نے بیت المقدس کو میرے روبرو کردیااور میں نے اس کی نشانیاں بیان کیں

Part: 4- That Was A Journey Of Total Awakening وہ سراسر بیداری کا سفر تھا، جس میں آپؐ کو جسم اور روح کے ساتھ لے جایا گیا تھا

Part: 5- The infinite power of Allah Almighty and the rational proof of Mi'raj رب العالمین کی لامتناہی قدرت اور سفر معراج کی عقلی دلیل

Part: 6- The Reward of 'Meraj' Was Given by Allah Only to the Prophet معراج کا انعام رب العالمین کی طرف سے عطیۂ خاص تھا جو صرف آپؐ کو عطا کیا گیا

Part: 7- Adjective of Worship مجھے صفت ِ عبدیت زیادہ پسند اور عبد کا لقب زیادہ محبوب ہے

Part:-8- Prophet Used To Be More Active Than Ever In Preaching Islam During Hajj رسولؐ اللہ ہر موسمِ حج میں اسلام کی اشاعت اور تبلیغ کیلئے پہلے سے زیادہ متحرک ہوجاتے

Part: 9- You Will Soon See That Allah Will Make You Inheritors Of The Land And Property Of Arabia تم بہت جلد دیکھو گے کہ اللہ تعالیٰ تمہیں کسریٰ اور عرب کی زمین اور اموال کا وارث بنا دیگا

Part: 10- The Prophet That the Jews Used To Frighten Us With یہ وہی نبی ہیں جن کا ذکر کرکے یہودی ہمیں ڈراتے رہتے ہیں

Part: 11- Pledge of Allegiance بیعت ثانیہ کا ذکر جب آپؐ سے بنی عبدالاشہل کے لوگوں نے بیعت کی،ایمان لائے اور آپ ؐسے رفاقت و دفاع کا بھرپور وعدہ کیا