Urdu Section ( 26 Feb 2022, NewAgeIslam.Com)

In The Words of Hadith, the Prophet's Companions Who Were Martyred In the Battle of Uhud Part 72 جب بھی آپ ﷺ شہدائے احد کا ذکر کرتے تو یہ فرماتے: میں نے چاہا تھا کہ اللہ مجھے بھی میرے ان صحابہؓ کے ساتھ شہید کردیتا جو پہاڑ کے دامن میں قتل کردیئے گئے

مولانا ندیم الواجدی

25 فروری 2022

جبل احد؛ زیارت گاہ خلائق

جب کوئی مسلمان مدینہ منورہ کی حاضری کا شرف حاصل کرتا ہے تو اس کی خواہش ہوتی ہے کہ وہ جبل اُحد کی زیارت کرے اور شہداء احد کے مزارات پر حاضری دے، یہ جگہ مسجد نبوی سے چار کلومیٹر کے فاصلے پر ہے، لوگ کرائے کی گاڑیاں کرکے اور بہت سے لوگ پیدل چل کر یہاں آتے ہیں، اور دل ونگاہ کو ان مقامات کی زیارت سے منور کرتے ہیں۔ رسول اکرم صلی اللہ علیہ وسلم بھی سال کے آغاز میں کسی وقت شہداء کی قبروں پر تشریف لاتے اور فرماتے: السلام علیکم بما صبرتم فنعم عقبی الدار۔ ’’تم پر سلامتی ہو، تمہارے صبر کے صلے میں آخرت کا گھر کتنا عمدہ ہے۔‘‘ راوی کہتے ہیں کہ حضرت ابوبکرؓ، حضرت عمرؓ اور حضرت عثمانؓ بھی یہاں تشریف لایا کرتے تھے۔ (مصنف عبد الرزاق: ۳/۳۷۳، تفسیر الطبری: ۱۳/۱۴۲، تفسیر ابن کثیر: ۲/۵۱۲، عمدۃ القاری: ۸/۷۰)

عام مسلمانوں کی برزخی زندگی کے برعکس شہید کی برزخی زندگی بالکل جداگانہ، مختلف اور ممتاز ہوتی ہے، انہیں عام مُردوں پر قیاس کرنا قرآنی نصوص کی بنیاد پر صحیح نہیں ہے۔ قرآن کریم میں ارشادِ باری تعالیٰ ہے:

’’اور جو لوگ اللہ کی راہ میں قتل کئے جائیں انہیں ہرگز مردہ خیال (بھی) نہ کرنا، بلکہ وہ اپنے ربّ کے حضور زندہ ہیں انہیں (جنت کی نعمتوں کا) رزق دیا جاتا ہے۔‘‘(آل عمران: ۱۶۹)

قرآن کریم کی اس آیت کی رو سے شہداء کو جنت کا رزق ملتا ہے، اور رزق زندہ آدمی کو ملا کرتا ہے اور وہی اس سے فائدہ اٹھا سکتا ہے۔ یہ آیت غزوۂ احد کے واقعات کے ضمن میں نازل ہوئی ہے، اس کو ذہن میں رکھنا چاہئے، حالاں کہ مٹی کی طبعی خصوصیت یہ ہے کہ وہ جسموں کو کھا لیتی ہے، مگر شہداء کے بدن اس کی دست وبرد سے محفوظ رہتے ہیں اور زمین ان کو نہیں کھاتی، شہداء احد کی یہ کرامت دیکھی گئی ہے۔ حضرت جابر بن عبد اللہؓ کہتے ہیں کہ میرے والد کو ایک اور صحابیؓ کے ساتھ قبر میں دفن کیا گیا تھا، لیکن میرا دل نہیں مانا کہ میں انہیں دوسرے کے ساتھ یوں ہی رہنے دوں، اس لئے میں نے چھ ماہ کے بعد ان کی لاش کو قبر سے نکالا تو دیکھا کہ صرف کان کا تھوڑا سا حصہ گلا تھا باقی پورا جسم اسی طرح محفوظ تھا جیسے دفن کیا گیا تھا۔ (صحیح البخاری: ۲/۹۳، رقم الحدیث:۱۳۵۱)

حضرت قیس بن حازمؓ فرماتے ہیں کہ حضرت طلحہ بن عبید اللہؓ کو ان کے کسی رشتے دار نے خواب میں یہ کہتے ہوئے سنا کہ تم نے مجھے ایسی جگہ دفن کردیا ہے جہاں پانی آجاتا ہے، اس لئے میری جگہ تبدیل کردو۔ رشتے داروں نے ان کے کہنے پر عمل کا ارادہ کیا تو دیکھا کہ ان کا جسم اسی طرح تروتازہ تھا جس طرح اسے دفن کیا گیا تھا، داڑھی کے چند بالوں کے علاوہ اس میں کچھ بھی تغیر نہیں آیا تھا۔ (مصنف عبد الرزاق:۳/۵۴۷، رقم الحدیث: ۶۶۵۷) یاد رہے کہ حضرت طلحہ بن عبیداللہ ؓ بھی غزوۂ احد میں شہید ہوئے تھے، غزوۂ احد کے چھیالیس برس کے بعد حضرت معاویہؓ کے عہد خلافت میں شہداء اُحد کی بعض قبریں کُھل گئیں تو ان کے کفن سلامت اور بدن تروتازہ تھے اور تمام اہل مدینہ نے دیکھا کہ شہداء کرام اپنے زخموں پر ہاتھ رکھے ہوئے ہیں، اتفاق سے کسی کا ہاتھ زخم کی جگہ سے ہٹ گیا تو وہاں سے خون بہنے لگا۔ (مدارج النبوۃ: ۲/۱۳۵، مصنف عبد الرزاق: ۳/۵۴۷، رقم الحدیث: ۶۶۵۶) حضرت مصعب بن عمیرؓ کا ہاتھ سینے پر تھا، ہاتھ اٹھایا گیا تو خون ابل پڑا، ہاتھ کو پھر اسی جگہ رکھ دیا، خون نکلنا بند ہوگیا، اسی طرح مٹی ہٹاتے وقت کدال حضرت حمزہؓ کے پاؤں پر لگ گئی، زخم سے فوراً خون جاری ہوگیا۔ اس واقعے سے پتہ چلتا ہے کہ شہداء احد کی قبریں پہلے کسی اور جگہ تھیں موجودہ جگہ پر تدفین حضرت معاویہؓ کے عہد میں ہوئی ہے، یہ جگہ بھی احد کے دامن میں ہے۔ (سیرۃ ابن ہشام: ۲/۸۳، سیرۃ ابن کثیر: ۳/۲۸، ۲۹)

روایات میں ہے کہ جب بھی رسول اکرم صلی اللہ علیہ وسلم شہداء احد کا ذکر کرتے تو یہ فرماتے، اللہ کی قسم! میں نے چاہا تھا کہ اللہ مجھے بھی میرے ان صحابہؓ کے ساتھ شہید کردیتا جو پہاڑ کے دامن میں قتل کردیئے گئے۔ (مسند احمد بن حنبل: ۳/۳۰۸، رقم الحدیث: ۱۴۴۹۴، مجمع الزوائد: ۶/۱۲۸، عمدۃ القاری: ۱۴/۱۳۵)

اُحد سے واپسی سے قبل آپ ﷺ کی دُعا

جب آپؐ شہداء کی نماز جنازہ اور تدفین سے فارغ ہوگئے تو آپؐ نے صحابۂ کرامؓ کے ساتھ بیٹھ کر نماز ظہر ادا فرمائی، کیوں کہ خون بہہ جانے کی وجہ سے آپؐ نقاہت محسوس کررہے تھے، صحابۂ کرامؓ نے بھی آپؐ کے پیچھے بیٹھ کر نماز ادا کی، نماز کے بعد آپؐ نے دُعا کے لئے ہاتھ پھیلائے، صحابہؓ سے بھی فرمایا کہ سیدھے بیٹھے رہو، تمام صحابہ بھی آپؐ کے ساتھ دُعا اور ثناء میں مشغول ہوئے، اس وقت آپﷺ نے یہ کلماتِ دُعا اور حمد وثناء ادا فرمائے:

(ترجمہ: )’’یا اللہ! تمام تعریفیں تیرے ہی لیے ہیں، اے اللہ! جسے تو کشادہ کردے اسے کوئی تنگ کرنے والا نہیں ہے، اور جسے تو پھیلادے اسے کوئی سمیٹنے والا نہیں ہے، جسے تو گمراہ کردے اس کو کوئی ہدایت دینے والا نہیں ہے، اور جسے تو ہدایت عطا کرے اسے کوئی گمراہ کرنے والا نہیں ہے، جسے تو نہ دینا چاہے اسے کوئی دینے والا نہیں ہے، اور جسے تو عطا کرے اسے کوئی روکنے والا نہیں ہے، جسے تو دور کردے اسے کوئی قریب کرنے والا نہیں ہے اور جسے تو قربت سے نوازے اسے کوئی دور کرنے والا نہیں ہے، اے اللہ! ہم پر اپنی برکتیں، اپنی رحمت، اپنا فضل اور اپنا رزق وسیع فرما، اے اللہ! میں تجھ سے ایسی باقی رہنے والی نعمتوں کا سوال کرتا ہوں جن میں کوئی تبدیلی نہ ہو، جو زوال پزیر نہ ہوں، اے اللہ! میں تجھ سے فقر والے دن کی نعمتوں کا سوال کرتا ہوں، اور خوف کے دن امن اور عافیت کا طلب گار ہوں، اے اللہ! میں تجھ سے ان چیزوں کے شر سے تیری پناہ چاہتا ہوں جو تو نے عطا کی ہیں اور ان چیزوں کے شر سے بھی جو تونے عطا نہیں کی ہیں، اے اللہ! ہمارے لئے ایمان کو محبوب بنا، اور اس کو ہمارے دلوں میں سجادے، اور ہمیں کفر و فسق اور نافرمانی سے متنفر فرما اور ہمیں ہدایت پانے والے لوگوں میں سے بنا، اے اللہ! ہمیں مسلمان ہونے کی حالت میں موت دے اور اسلام کے ساتھ ہمیں زندہ رکھ، اور ہمیں نیک لوگوں کے ساتھ ملا، اس حال میں کہ نہ ہم رسوا اور ذلیل ہوں، نہ نادم اور شرمندہ ہوں، اور نہ فتنہ وشر میں مبتلا ہوں، اے اللہ! ان کفار کو ہلاک فرما جو تیرے رسولوں کو جھٹلاتے ہیں، اور جو تیرے راستے سے روکتے ہیں اور ان پر اپنا عذاب مسلط فرما، اے اللہ! ان کفار کو بھی ہلاک فرما جن کو کتاب دی گئی ہے، یا الہ العالمین۔‘‘ (مجمع الزوائد: ۶/۱۲۱، ۱۲۲، رقم الحدیث: ۱۰۱۱۵، المستدرک للحاکم: ۳/۲۶، رقم الحدیث: ۴۳۰۸)

نماز اور دُعا سے فراغت کے بعد آپ ﷺ اپنی سواری پر سوار ہوئے اور مدینہ منورہ کی طرف چل پڑے۔

رسول اللہ صلی اللہ علیہ وسلم کی مدینہ واپسی

آپﷺ اسی شام مدینے واپس تشریف لائے۔راستے میں حمنہ بنت جحشؓ ملیں، انہیں بتلایا گیا کہ جنگ میں ان کے بھائی عبد اللہ بن جحشؓ شہید ہوگئے ہیں، انھوں نے انا للہ وانا الیہ راجعون پڑھا، پھر انہیں ان کے ماموں حمزہؓ بن عبدالمطلب کی شہادت کی خبر دی گئی، یہ سن کر بھی انھوں نے انا للہ وانا الیہ راجعون کہا، اس کے بعد ان کو ان کے شوہر مصعب بن عمیرؓ کی شہادت کے بارے میں بتلایا گیا، یہ سن کر وہ دھاڑیں مار مار کر رونے لگیں۔ ان کو اس حال میں دیکھ کر رسول ا للہ صلی اللہ علیہ وسلم نے فرمایا عورت کے دل میں شوہر کا ایک خاص مقام ہوتا ہے، وہ اپنے بھائی اور اپنے ماموں کی وفات کی خبر سن کر ضبط کرگئیں، لیکن شوہر کی وفات پر صبر نہ کرسکیں۔ (سنن ابن ماجہ: ۱/۵۰۷، رقم الحدیث: ۱۵۹۰، سنن البیہقی: ۴/۱۱۰، رقم الحدیث: ۷۱۳۲، المستدرک للحاکم: ۴/۶۱،۶۲)

مسلمانوں کا قافلہ مدینے پہنچا تو عورتیں اپنے شوہروں کو، بیٹوں اور بھائیوں کو تلاش کرتی نظر آئیں، جن کو مل گئے وہ خوشی سے نہال ہوگئیں، اور جن کو اپنے عزیز واقارب نظر نہیں آئے انھوں نے سینہ کوبی شروع کردی، بچے بھی اس بھیڑ میں اپنے باپ کو تلاش کررہے تھے، بہت سے بچوں کو ان کے والد مل گئے، اور کچھ بچے تلاش کرتے ہی رہ گئے۔ اسی دوران بنو عبد الاشہل کے ایک گھر کے پاس سے آپؐ کا گزر ہوا، وہاں سے رونے کی آوازیں آرہی تھیں، معلوم ہوا اس گھر کے سربراہ شہید ہوگئے ہیں، عورتیں آہ وبکا کررہی ہیں، ان کی درد بھری آوازیں سن کر آپ ﷺ کی مبارک آنکھوں سے بھی آنسو بہنے لگے، آپ ؐ کو اپنے چچا حضرت حمزہؓ کا خیال آیا۔ آپؐ نے درد بھرے لہجے میں فرمایا: سب اپنے اپنے شہیدوں پر رورہے ہیں مگر حمزہؓ پر نوحہ کرنے والا کوئی نہیں ہے۔ حضرت سعد بن معاذؓ اور حضرت اُسید بن حُضَیْرؓ نے یہ بات سنی تو اپنے اپنے گھروں میں پہنچے اور اپنی عورتوں سے کہا کہ وہ جاکر حضرت حمزہؓ پر نوحہ کریں، عورتیں آئیں اور مسجد کے صدر دروازے پر کھڑی ہوکر نوحہ کرنے لگیں، رسول اللہ ﷺباہر تشریف لائے اور فرمایا: بس اب واپس چلی جاؤ، اللہ تم پر رحم فرمائے، تم نے اپنی طرف سے تسلی وتشفی کا حق ادا کردیا ہے۔(سنن ابن ماجہ: ۱/۵۰۷، رقم الحدیث: ۱۵۹۱، سنن البیہقی: ۳/۳۰۱، ۳۰۲، سیرت ابن ہشام: ۳/۵۴، البدایہ والنہایہ: ۴/۴۷)

میدان اُحد سے واپسی کے بعد آپ گھر تشریف لے گئے، حضرت فاطمہؓ حاضر خدمت ہوئیں، آپؐ نے ان کو اپنی تلوار دی اور فرمایا:بیٹی اس پرخون لگا ہوا ہے، اسے دھودو، اللہ کی قسم! آج یہ تلوار بڑی سچی ثابت ہوئی ہے۔ حضرت علیؓ نے بھی اپنی خون آلود تلوار حضرت فاطمہؓ کو دے کر دھونے کے لئے کہا، اور فرمایا: خدا کی قسم! میری تلوار بھی آج بڑی وفادار اور سچی نکلی۔ رسول اللہ صلی اللہ علیہ وسلم نے فرمایا: اگر تم جنگ میں ثابت قدم رہے تو تمہارے ساتھ سَہل بن حُنَیْف اور ابو دُجانہ بھی سچے کھرے اور ثابت قدم نکلے۔ (المستدرک للحاکم: ۳/۲۴) رسول اللہ صلی اللہ علیہ وسلم نے حضرت علیؓ سے یہ بھی فرمایا کہ مشرکین اس وقت تک ان جیسی تلواروں کی موجودگی میں ہمیں گزند نہیں پہنچا سکتے جب تک اللہ ہی ان کو ہم پر غالب نہ کردے۔ (البدایہ والنہایہ: ۴/۴۷) حافظ ابن ہشام بعض محدثین کے حوالے سے کہتے ہیں کہ رسول اکرم ﷺکی تلوار کا نام ذوالفقار تھا، اُحد کے دن کسی کہنے والے کا یہ شعر خوب سنا گیا:

لا سیف إلّا ذوالفقارولا فتی إلا علی

’’تلوار تو بس ذوالفقار ہے اور علی جیسا کوئی جوان نہیں۔‘‘ (سیرت ابن ہشام: ۴/۵۶) (جاری)

25 فروری 2022، بشکریہ: انقلاب، نئی دہلی

Part: 2- Umm Hani! ام ہانی! میں نے تم لوگوں کے ساتھ عشاء کی نماز پڑھی جیسا کہ تم نے دیکھا، پھرمیں بیت المقدس پہنچا اور اس میں نماز پڑھی، پھر اب صبح میں تم لوگوں کے ساتھ نماز پڑھی جیسا کہ تم دیکھ رہی ہو

Part: 3 - Allah Brought Bait ul Muqaddas before Me and I Explained its Signs اللہ نے بیت المقدس کو میرے روبرو کردیااور میں نے اس کی نشانیاں بیان کیں

Part: 4- That Was A Journey Of Total Awakening وہ سراسر بیداری کا سفر تھا، جس میں آپؐ کو جسم اور روح کے ساتھ لے جایا گیا تھا

Part: 5- The infinite power of Allah Almighty and the rational proof of Mi'raj رب العالمین کی لامتناہی قدرت اور سفر معراج کی عقلی دلیل

Part: 6- The Reward of 'Meraj' Was Given by Allah Only to the Prophet معراج کا انعام رب العالمین کی طرف سے عطیۂ خاص تھا جو صرف آپؐ کو عطا کیا گیا

Part: 7- Adjective of Worship مجھے صفت ِ عبدیت زیادہ پسند اور عبد کا لقب زیادہ محبوب ہے

Part:-8- Prophet Used To Be More Active Than Ever In Preaching Islam During Hajj رسولؐ اللہ ہر موسمِ حج میں اسلام کی اشاعت اور تبلیغ کیلئے پہلے سے زیادہ متحرک ہوجاتے

Part: 9- You Will Soon See That Allah Will Make You Inheritors Of The Land And Property Of Arabia تم بہت جلد دیکھو گے کہ اللہ تعالیٰ تمہیں کسریٰ اور عرب کی زمین اور اموال کا وارث بنا دیگا

Part: 10- The Prophet That the Jews Used To Frighten Us With یہ وہی نبی ہیں جن کا ذکر کرکے یہودی ہمیں ڈراتے رہتے ہیں