Tue Oct 08 2024, 08:08 AM

Urdu Section ( 21 May 2022, NewAgeIslam.Com)

The Muslims' Fear Dissipated Once the Prophet (Peace Be Upon Him) Exhorted Them to Go To Badr at Any Costs Part- 84 آپ صلی اللہ علیہ وسلم کا یہ اعلان سنتے ہی کہ ہمیں ہر حال میں بدر کے لئے نکلنا ہے،مسلمانوں کا خوف ختم ہوگیا

مولانا ندیم الواجدی

20 مئی،2022

دوسرا غزوہ بدر

رسول اللہ صلی اللہ علیہ وسلم کو صحابہ کرامؓ کا جذبہ دیکھ کر مسرت ہوئی۔ آپ صلی اللہ علیہ وسلم کے علم میں یہ بات تھی کہ کسی آنے والے نے ابوسفیان کے لشکر کے بارے میں کچھ منفی اطلاعات دی ہیں۔ اور ان کی وجہ سے بعض مسلمانوں میں مایوسی دیکھی جارہی ہے ۔ آپ صلی اللہ علیہ وسلم کو پورا یقین تھاکہ جو خبریں پھیلائی جارہی ہیں وہ سراسر جھوٹ ہیں، قریش نے محض مسلمانوں کی ہمت توڑ نے کے لئے یہ چال چلی ہے۔ آپ صلی اللہ علیہ وسلم نے اعلان فرما دیا کہ ہمیں ہر حالت میں بدر کے لئے نکلنا ہے، یہ اعلان سنتے ہی مسلمانوں کے جذبہ و جوش میں اضافہ ہوگیا، جو کچھ ضعف اور خوف دل میں آگیا تھا وہ بھی ختم ہوگیا ۔ آپ صلی اللہ علیہ وسلم تقریباً پندرہ سو صحابہ کے ساتھ حسبنا اللہ ونعم الوکیل پڑھتے ہوئے بدر روانہ ہوگئے ، اسلامی فوج کا جھنڈا حضرت علیؓ بن ابی طالب کے ہاتھوں میں تھا۔ آپ کے ساتھ دس گھوڑے تھے۔ مدینے میں آپ صلی اللہ علیہ وسلم حضرت عبداللہ بن رواحہ کو اپنا قائم مقام فرمایا۔ ابوسفیان کی یہ ساری سعی بیکار گئی، وہ نہیں چاہتا تھا کہ جنگ ہو او رمسلمان بدر آئیں ، مگر وہ اپنے دل کی یہ بات زبان پرنہیں لا سکتا تھا، اس کی کوشش یہ تھی کہ مسلمان خود ہی رک جائیں ، او رہمیں یہ کہنے کاموقع مل جائے ، کہہم تو جنگ کے لئے تیار تھے، مسلمان ہی وعدہ خلافی کر گئے۔

اس تدبیر کی ناکامی کے بعد ابوسفیان کو بھی لشکر لے کر نکلنا ہی تھا۔ رسول اللہ صلی اللہ علیہ وسلم بدر پہنچ گئے۔ آپ صلی اللہ علیہ وسلم نے وہاں ابوسفیان او راس کے ساتھیوں کے انتظار میں پورے آٹھ دن قیام فرمایا۔ ان دنوں بدر کے قریب ایک تجارتی میلہ بھی لگا ہوا تھا ، مسلمانوں نے اس بازار میں خوب خریدو فروخت کی او ربڑ انفع اٹھایا۔ ابو سفیان مکہ سے نکل تو آیا، لیکن ظہر ان میں ( اور بعض مورخ لکھتے ہیں کہعسفان میں ) رک گیا۔ یہاں پہنچ کر اس نے واپسی کا پروگرام بنایا۔ ہوسکتا ہے اس نے پہلے ہی سے یہ ذہن بنا لیا ہوکہ ظہران یا عسفان پہنچ کر واپس آجاؤںگا ۔ واپسی سے پہلے اس نے اپنے لوگوں کو مخاطب کرتے ہوئے کہا ’’ برادران قریش! میری رائے میں یہ سال جنگ کے لئے موزوں نہیں ہے، یہ سال قحط کا ہے، جنگ کے لئے تو موزوں سال ہر یالی اور شادابی کا سال ہے، اس میں تم اونٹوں کو درختوں کے پتے بھی کھلا سکتے ہو، او ران کا دودھ بھی پی سکتے ہو، فی الحال ہمارا واپس ہوجانا ہی بہتر ہے۔‘‘ سب نے اس بات پر اتفاق کیا او راپنے گھروں کی واپس ہوگئے۔ واپس ہوکر انہوں نے یہ بات مشہور کی کہ ہم جنگ کے لئے تھوڑی نکلے تھے ، ہم تو ستوپینے کے لئے گئے تھے ۔ انہوں نے اس مہم کا نام بھی رکھ چھوڑا تھا جیش السویق، ’’ستووالوں کا لشکر۔‘‘( طبقات ابن سعد :2؍59: ، تاریخ الطبری :2؍87،عیون الاثر:2؍82)

ابھی آپ صلی اللہ علیہ وسلم بدر ہی میں تھے کہ وہاں مخشی بن عمروضمری آگیا ۔ وہ یہ شخص ہے جس نے غزوہ ذان میں بنو ضمرہ کی طرف سے مصالحت کی تھی، اس نے رسول اللہ صلی اللہ علیہ وسلم سے ملاقات کی او ریہ پوچھا: اے محمد صلی اللہ علیہ وسلم کیا آپ یہاں قریش سے لڑنے کیلئے آئے ہیں؟ آپ صلی اللہ علیہ وسلم نے فرمایا: ہاں! اور اگر تم چاہو تو ہم وہ معاہدہ ختم کئے دیتے ہیں جو ہمارے او رتمہارے درمیان تھا، او رتم سے جنگ کرلیتے ہیں، اس نے عرض کیا: نہیں، خدا کی قسم، مجھے آپ سے جنگ کرنے کی چنداں ضرورت نہیں ہے۔( البدایہ و النہایہ: 4؍88)

غرض یہ کہ مسلمانوں کا لشکر قبائل عرب پر اپنی بہادری کی چھاپ چھوڑ کر مدینے واپس آگیا، قرآن کی سورۂ آل عمران میں اس واقعے کا ذکر اس اسلوب میں کیا گیا ہے:’’( یہ) وہ لوگ (ہیں) جن سے لوگوں نے کہا کہ مخالف لوگ تمہارے مقابلے کیلئے (بڑی کثرت سے) جمع ہوچکے ہیں سو ان سے ڈرو، تو (اس بات نے) ان کے ایمان کو اور بڑھادیا او روہ کہنے لگے : ہمیں اللہ کافی ہے او روہ کیا اچھا کارساز ہے۔پھر وہ (مسلمان) اللہ کے انعام اور فضل کے ساتھ واپس پلٹے انہیں کوئی گزندنہ پہنچی او رانہوں نے رضائے الہٰی کی پیروی کی او راللہ بڑے فضل والا ہے، بیشک یہ (مخبر) شیطان ہی ہے جو (تمہیں) اپنے دوستوں سے دھمکا تا ہے، پس ان سے مت ڈرا کرو او رمجھ ہی سے ڈرا کرو اگر تم مومن ہو‘‘۔( آل عمران :173؍175)

امام فخرالدین رازیؒ نے لکھا ہے کہ یہ آیات دوسرے غزوہ بدر کے متعلق نازل ہوئیںانہوں نے اس شخص کا نام بھی لکھا ہے جس نے مدینے کے مسلمانوں میں ابوسفیان کی قوت و شوکت کی افواہ پھیلائی تھی، اس شخص کا نام نعیم بن مسعود تھا اور وہ عمر ہ کیلئے مدینے سے مکہ مکرمہ گیا تھا۔( تفسیر کبیر: 5؍331)

حضرت حسینؓ کی ولادت:

اسی سال کے ماہ شعبان کی 5 تاریخ کو خانوادۂ نبوت میں جگر گوشہ رسول صلی اللہ علیہ وسلم حضرت فاطمہؓ بنت رسول صلی اللہ علیہ وسلم پہلو سے ایسے گوہر آبدار نے جنم لیا جو مستقبل میں عزیمت و شجاعت ، صبر و استقلال او رفہم و فراست کی تاریخ کا ایک روشن عنوان بن گیا، دنیا اس لعل شب تاب کو حسینؓ بن علیؓ کے نام سے جانتی ہے۔ آپ صلی اللہ علیہ وسلم سے پہلے آپ کے برادراکبر حضرت حسنؓ دنیا میں تشریف لا چکے تھے ، دونوں بھائیو کے درمیان تقریباً ایک سال کا فرق ہے۔ ولادت کے بعد آپ صلی اللہ علیہ وسلم کو اپنے نانا رسول اللہ صلی اللہ علیہ وسلم کی خدمت میں پیش کیا گیا، فرط مسرت سے آپ صلی اللہ علیہ وسلم کا چہرہ مبارک گلنار ہوگیا، آپ صلی اللہ علیہ وسلم نے کھجور چبا کر نواسے کی تخسنیک فرمائی اور خیر و برکت کے لئے اپنا لعاب دہن ان کے منہ میں ڈالا۔اذان و اقامت بھی آپ صلی اللہ علیہ وسلم ہی نے کہی، اور نام مبارک ، حسین بھی آپ صلی اللہ صلی اللہ علیہ وسلم ہی نے تجویز فرمایا۔ ساتویں دن سر کے بال بھی آپ صلی اللہ علیہ وسلم ہی نے اتروائے ، بالوں کے وزن کے مطابق چاندی بھی آپ صلی اللہ علیہ وسلم ہی نے خیرات کی، عقیقہ بھی آپ صلی اللہ علیہ وسلم ہی نے کیا۔( الاصابہ فی تمییزالصحابہ:2؍547، الاستیعاب ، 1؍296)

حضرت زینب ؓ بنت خزیمہ ام المؤمنین بنیں:

ام المومنین حضرت زینبؓ بنت خزیمہ بن حارث خاندان قریش سے تعلق رکھتی تھیں۔ مُضَر (سلسلہ نسب) پر جاکر رسول اللہ صلی اللہ علیہ وسلم کا اور حضرت زینبؓ کا سلسلہ نسب ایک ہوجاتا ہے، نہایت رحم دل، غریب پرور، سخی او رمہمان نواز خاتون تھیں، مساکین کے ساتھ ہم دردی اور شفقت کامعاملہ کرنے کی بنا پر عہد جاہلیت ہی میں ان کالقب ام المساکین (مسکینوں کی ماں) پڑگیا تھا، ان کا پہلا نکاح رسول اللہ صلی اللہ علیہ وسلم کے پھوپھی زاد بھائی حضرت عبداللہبن حجشؓ سے ہوا تھا۔ یہ اس وقت مشرف بہ اسلام ہوگئے تھے جب مسلمان دارارقم میں چھپ کر نمازیں ادا کرتے تھے ، غزوہ بدر او راحد میں بھی شریک ہوئے ، اور احد ہی میں جام شہادت نوش فرمایا، شوہر کی شہادت کے بعد رسول اکرم صلی اللہ علیہ وسلم نے انہیں نکاح کا پیغام دیا ، انہوں نے اپنامعاملہ آپ صلی اللہ علیہ وسلم ہی کے سپرد کردیا۔ آپ صلی اللہ علیہ وسلم نے ان سے ساڑھے بارہ اوقیہ مہر پر نکاح فرمایا، یہ واقعہ رمضان المبارک 4ھ کا ہے، اس وقت تین ازواج مطہرات موجود تھیں، حضرت عائشہ، حضرت حفصہ، اور حضرت سودہؓ۔

رسول اکرم صلی اللہ علیہ وسلم کی زوجیت میں آنے کے بعد حضرت زینب بنت خزیمہؓ صرف آٹھ مہینے زندہ رہیں، انتقال کے وقت آپ صلی اللہ علیہ وسلم کی عمر تیس سال تھی۔ رسول اللہ صلی اللہ علیہ وسلم نے ان کی نماز جنازہ پڑھائی اور تدفین میں شرکت فرمائی۔ رسول اللہ صلی اللہ علیہ وسلم کی حیات طیبہ میں دو بیویوں نے وفات پائی ، ایک حصرت خدیجۃ الکبریؓ جو ہجرت سے قبل ہی مکہ مکرمہ میں وفات پا چکی تھیں اور وہیں مدفون بھی ہیں، دوسری زوجہ حضرت زینب بنت خزیمہؓ ،باقی ازواج مطہرات رسول اللہ صلی اللہ علیہ وسلم کے دنیا سے پردہ فرمانے کے بعد بھی حیات رہیں ۔( المواہب اللدنیہ: 1؍411، اسدالغابہ:3؍195، الاصابہ: 7 ؍376)

حضرت ام سلمہؓ سے نکاح:

حضرت زینب بن خزیمہؓ کی وفات کے بعد رسول اللہ صلی اللہ علیہ وسلم نے حضرت ام سلمہؓ سے نکاح کرلیا، اور اسی گھر میں ان کو ٹھہرایا جس میں حضرت زینب ؓ رہا کرتی تھیں، ان کا اصل نام ہند تھا، والد کا نام ابوامیہ اور والدہ کا نام عاتکہ تھا، حضرت ام سلمہؓ کا پہلا نکاح ان کے چچازاد بھائی عبداللہ بن عبدالاسد سے ہوا تھا ، جو رشتے میں رسول اللہ صلی اللہ علیہ وسلم کے رضاعی بھائی بھی تھے۔ یہ دونوں میاں بیوی اسلام کے ابتدائی دنوں میںہی مسلمان ہوگئے تھے، مشرکین مکہ کی سختیوں سے عاجز آکر جن لوگوں نے رسول اللہ صلی اللہ علیہ وسلم کی اجازت سے حبشہ ہجرت کی تھی ان میں یہ دونوں بھی تھے، وہاں جاکر ان کے ایک بیٹا پیدا ہوا ، جس کا نام سلمہؓ اور ابوسلمہؓ کہا جاتاہے ، ہجرت سے پہلے ہی یہ لوگ حبشہ سے مکہ واپس آگئے تھے ۔( الطبات الکبری:3؍181)

مدینے کی طرف ہجرت کاسلسلہ شروع ہوا تو حضرت ابو سلمہؓ اور حضرت ام سلمہؓ بھی اپنے بیٹے کو لے کر عازم سفر ہوئے ، ابھی آبادی سے باہر ہی نکلے تھے کہ حضرت ام سلمہؓ کے خاندان والے آگئے او روہ لوگ یہ کہہ کر ام اسلمہؓ کو واپس لے گئے کہ ابو سلمہؓ کو ہجرت کرنی ہے تو کرے، ہم اپنی بیٹی کو اس کے ساتھ نہیں جانے دیں گے ، ام سلمہؓ خاندان والوں کے پاس پہنچیں تو ابو سلمہؓ کے گھر والے آگئے اور سلمہؓ کو یہ کہہ کر اپنے ساتھ لے گئے کہ یہ بچہ ہمارے خاندان کا ہے،ہم اسے اپنے پاس رکھیں گے ، اس طرح یہ تینو ایک دوسرے سے جدا ہوگئے، اوبو سلمہؓ مدینے پہنچ گئے ، حصرت ام سلمہؓ اپنے مائکے میں قید یوں کی سی زندگی گزارنے لگیں، بچہ ددھیال والوں نے چھین لیا ، یہ بڑی مصیبت کے دن تھے ، تقریباً ایک سال تک یہی حالت رہی، حضرت ام سلمہؓ ہر روز گھر سے باہر نکل کر بیٹھ جاتیں اور شام تک روتی رہتیں ۔ یہ ایک طویل قصہ ہے، جس کا یہاں موقع نہیں ، خلاصہ یہ ہے کہ تقریباً ایک سال بعد حضرت ام سلمہؓ اپنے بیٹے کو لے کر مدینہ پہنچیں او راپنے شوہر سے ملیں۔( سیراعلام النبلاء: 4؍367)(جاری)

20 مئی،2022،بشکریہ: انقلاب، نئی دہلی

Part: 2- Umm Hani! ام ہانی! میں نے تم لوگوں کے ساتھ عشاء کی نماز پڑھی جیسا کہ تم نے دیکھا، پھرمیں بیت المقدس پہنچا اور اس میں نماز پڑھی، پھر اب صبح میں تم لوگوں کے ساتھ نماز پڑھی جیسا کہ تم دیکھ رہی ہو

Part: 3 - Allah Brought Bait ul Muqaddas before Me and I Explained its Signs اللہ نے بیت المقدس کو میرے روبرو کردیااور میں نے اس کی نشانیاں بیان کیں

Part: 4- That Was A Journey Of Total Awakening وہ سراسر بیداری کا سفر تھا، جس میں آپؐ کو جسم اور روح کے ساتھ لے جایا گیا تھا

Part: 5- The infinite power of Allah Almighty and the rational proof of Mi'raj رب العالمین کی لامتناہی قدرت اور سفر معراج کی عقلی دلیل

Part: 6- The Reward of 'Meraj' Was Given by Allah Only to the Prophet معراج کا انعام رب العالمین کی طرف سے عطیۂ خاص تھا جو صرف آپؐ کو عطا کیا گیا

Part: 7- Adjective of Worship مجھے صفت ِ عبدیت زیادہ پسند اور عبد کا لقب زیادہ محبوب ہے

Part:-8- Prophet Used To Be More Active Than Ever In Preaching Islam During Hajj رسولؐ اللہ ہر موسمِ حج میں اسلام کی اشاعت اور تبلیغ کیلئے پہلے سے زیادہ متحرک ہوجاتے

Part: 9- You Will Soon See That Allah Will Make You Inheritors Of The Land And Property Of Arabia تم بہت جلد دیکھو گے کہ اللہ تعالیٰ تمہیں کسریٰ اور عرب کی زمین اور اموال کا وارث بنا دیگا

Part: 10- The Prophet That the Jews Used To Frighten Us With یہ وہی نبی ہیں جن کا ذکر کرکے یہودی ہمیں ڈراتے رہتے ہیں

Part: 11- Pledge of Allegiance بیعت ثانیہ کا ذکر جب آپؐ سے بنی عبدالاشہل کے لوگوں نے بیعت کی،ایمان لائے اور آپ ؐسے رفاقت و دفاع کا بھرپور وعدہ کیا

Part: 12 - Your Blood Is My Blood, Your Honour Is My Honour, and Your Soul Is My Soul تمہارا خون میرا خون ہے، تمہاری عزت میری عزت ہے، تمہاری جان میری جان ہے