The Virtues of the Qadr Night or Lailatul Qadr: Thirty Lessons of Ramadan, Part 20 رمضان کے تیس اسباق: بیسواں سبق، شب قدر کی فضیلت

مفتی عبد المالک مصباحی

11 اپریل 2023

شب قدر کا پس منظر

تفسیر عزیزی میں ہے کہ ایک مرتبہ آقاے کریم صلی اللہ علیہ وسلم نے پچھلی امتوں اور اپنی امتوں کی عمروں کے فرق پر غور کیا تو ان کی طویل عمریں دیکھ کر آپ کا قلب مبارک رنجیدہ ہوا کہ ان کی عمروں کے اعتبار سے ان کی عبادتیں ہوں گی اور پھر ان کی عبادتوں کے اعتبار سے ان کا ثواب اور ان کے ثواب کے اعتبار سے ان کے مراتب۔ مراتب کے اس فرق نے آپ کے قلب نازک کوسخت رنجیدہ کردیا اس وقت رحمت باری جوش میں آئی اور ارشاد ہوا: محبوب! آپ پریشان نہ ہوں۔آپ کی امت کو لیلۃ القدر کا تحفہ دیا جاتا ہے۔   (تفسیر عزیزی ج،۴،۴۳۴)

حضور  ﷺکا ارشاد ہے جس نے اس رات میں ایمان اور اخلاص کے سا تھ قیام کیا تو اس کے عمر بھر کے گذشتہ گناہ معاف کر دیے جائیں گے۔       (صحیح بخاری /۶۶۰)

یہ اللہ رب العزت کا خاص کرم ہے اس نے ہم گناہ گاروں کو ایسی باعظمت رات سے سر فراز کیا۔ اس ایک رات میں عبادت کرنے والے کو ہزار ماہ یعنی تراسی سال چار ماہ سے بھی زیادہ عبادت کا ثواب دیا جاتاہے۔یہ توایک جانی ہوئی حقیقت ہے اور پروردگارنے اپنے فضل سے بندے کو کس قدر مالامال فرماتا ہے اس سے اللہ عزوجل اور اس کے محبوب ہی بہتر واقف ہیں۔

حضرت سیدناانس بن مالک رضی اللہ عنہ فرماتے ہیں ایک مرتبہ رمضان المبارک کی آمد کے موقع پر سرکاردو جہاں  ﷺ نے فرمایا:

تمھارے پاس ایک ایسا مہینہ آیا جس میں ایک رات ایسی بھی ہے جو ہزار مہینوں سے افضل ہے۔ جو شخص اس رات سے محروم رہ گیا گویا تمام کی تمام بھلائی سے محروم رہ گیا۔ اوراس کی بھلائی سے محروم نہیں رہتا مگروہ شخص جوحقیقتہ محروم ہے۔ (سنن ابن ماجہ)

تفسیر صاوی میں ایک روایت تحریر کی گئی ہے کہ شب قدر میں سدرۃ المنتہیٰ کے فرشتوں کی فوج حضرت جبرئیل علیہ السلام کے ساتھ زمین پر اتر آتی ہے اور ان کے ساتھ چار جھنڈے ہو تے ہیں۔

ایک جھنڈا رو ضہ انور پر،ایک جھنڈابیت المقدس کی چھت پر،ایک جھنڈا کعبہ معظمہ کی چھت پر، اور ایک جھنڈاطور سیناپر لہراتے ہیں۔پھر یہ فرشتے مسلمان کے گھروں میں تشریف لے جاکر ہر مومن مرد وعورت کو سلام کرتے ہیں اور کہتے ہیں ”سلام (اللہ عزوجل کا صفاتی نام) تم پر“ سلامتی بھیجتاہے مگر جن گھروں میں شرابی یاخنزیرکا گوشت کھانے والا یا بلاوجہ شرعی اپنی رشتہ داری کاٹ دینے والا رہتا ہو ان گھروں میں یہ فرشتے داخل نہیں ہوتے۔                                           (تفسیرصاوی)

شب قدر میں اتر نے والے فرشتوں کی تعداد روئے زمین کی کنکریوں سے بھی زیادہ ہوتی ہیں، اور یہ سب سلام و رحمت لے کر نازل ہوتے ہیں۔       (تفسیر در منثور)

 حضرت عبداللہ ابن عباس نے سر کار دو جہاں  ﷺسے روایت نقل کی کہ جب شب قدر آتی ہے تو اللہ عزوجل کے حکم سے حضرت جبرئیل علیہ السلام ایک سبز جھنڈا لیے فرشتوں کی بہت بڑی فو ج کے ساتھ زمین پر اترتے ہیں اور اس سبز جھنڈے کو کعبہ معظمہ پر لہرادیتے ہیں۔حضرت جبرئیل علیہ السلام کے سو بازو ہیں جن میں سے دو بازو صرف اسی رات کھولتے ہیں وہ باز ومشرق ومغرب میں پھیل جاتے ہیں۔

پھر حضرت جبرئیل علیہ السلام فرشتوں کو حکم دیتے ہیں جو کوئی مسلمان آج رات قیام، نماز یاذکر میں مشغول ہے اس سے سلام ومصافحہ کرو۔نیز ان کی دعاؤں پر آمین کہو۔ چناں چہ صبح تک یہی سلسلہ رہتاہے صبح ہونے پر حضرت جبرئیل علیہ السلام فرشتوں کو واپسی کا حکم صادر فرماتے ہیں۔فرشتے عرض کرتے ہیں:

اے جبرئیل اللہ عزوجل کے پیارے حبیب  ﷺکی امت کی حاجات کے بارے میں کیا کیا؟حضرت جبرئیل علیہ السلا م فر ماتے ہیں اللہ عزوجل نے ان لو گوں پر خصوصی نظر کرم فرمائی اور چار قسم کے لوگوں کے علاوہ تمام لوگوں کومعاف فرمادیا۔صحابہئ کرام نے عرض کی یا رسول اللہ وہ چار قسم کے کون لوگ ہیں؟ارشادفرمایا (۱)عادی شرابی۔(۲)والدین کا نافر مان۔(۳)قطع رحمی کرنے والا۔(۴)وہ لوگ جو آپس میں بغض وکینہ رکھتے ہیں اور آپس میں قطع تعلق کرنے والے ہیں۔

شب قدر میں کیا پڑھیں؟

سیدہ عائشہ صدیقہ رضی اللہ عنہا فرماتی ہیں کہ میں نے رسول اللہ صلی اللہ علیہ وسلم سے پوچھا،اگر میں شب قدر پا لوں تو کیا پڑھوں؟فرمایا: پڑھو:

 اَللّٰہُم اِنَّکَ عَفُو تُحِبُّ الْعَفْوَ فَاعْفُ عَنِّیْ یَا کَرِ یْمُ۔

اے اللہ! تو معاف کرنے والا ہے اور عفو و محبت فرماتا ہے سو مجھے معاف فرما د ے۔

نیز انہیں سے مروی ہے کہ میں نے پوچھا:

 اگر میں لیلۃ القدر پا لوں تو اللہ تعالیٰ سے کیا مانگوں؟فرمایا اس سے عافیت کے سوا کچھ نہ مانگنا۔اس میں سرکار صلی اللہ علیہ وسلم نے اس دعا کی طرف اشارہ فرمایا:

اَللّٰہُمَّ اِنِّیْ اَسْءَلُکَ الْعَفْو وَ الْعَافِیَۃَ وَالْمُعَافَاۃَ فِی الدِّیْنِِ وَ ا لدُّنْیَا وَالآخِرَۃِ۔

اے اللہ! میں تجھ سے عفو و عافیت اور دین و دنیا و آخرت میں معافات (بھلائی) مانگتا ہوں۔ (روح البیان مترجم،پارہ: ۳۰،ص:۴۸۰)

( جاری)

---------------------

مفتی عبد المالک مصباحی متعدد کتابوں کے مصنف اور مختلف مقامات پر تدریس و خدمات انجام دے چکے ہیں جن میں سے چند یہ ہیں: بحیثیت مفتی و شیخ الحدیث، دار العلوم غوثیہ ہبلی، کرناٹک، بانی رکن مفتی و صدر مدرس دار العلوم سلیمانیہ رحمانیہ، بیکانیر، بانی و مہتمم، مفتی و صدر مدرس دار العلوم غریب نواز بیکانیر، راجستھان، مفتی و صدر مدرس، مدرسہ ونوا لیبومسلم لیگ، فیجی(نزدآسٹریلیا)، بانی و جنرل سکریٹری مدینہ ایجوکیشنل سوسائٹی، سیتا مڑھی، بہار، ناظم اعلیٰ دارالعلوم رضاے مصطفی،بکھری،باجپٹی،سیتامڑھی،بہار، مفتی و صدر مدرس مدرسہ شاہ خالد،گیبرون،بٹسوانہ(افریقہ)، مفتی سنی دارالافتا،مدینہ مسجد،آزادنگر،جمشیدپور،جھارکھنڈ، جنرل سکریٹری رضا فاؤنڈیشن،آزادنگر،جمشیدپور،جھارکھنڈ، ڈائریکٹر دارین اکیڈمی (جہاں فی الحال دینی و عصری تعلیم دی جاتی ہے) آزادنگر،جمشیدپور،جھارکھنڈ، بانی ادارہ افکار رضا،جمشیدپور،جھارکھنڈ، چیف ایڈیٹر دوماہی رضاے مدینہ(اردو،ہندی)،آزادنگر،جمشیدپور،جھارکھنڈ ۔

-------------------------

Part: 1 – Thirty Lessons of Ramadan: Welcome to Ramadan and First Lesson on the Virtues of Ramadan – Part-1 رمضان کے تیس اسباق: استقبال رمضان اور فضائل رمضان

Part: 2 – Thirty Lessons of Ramadan: Second Lesson on the Respect of Ramadan – Part 2 رمضان کے تیس اسباق: دوسرا سبق، رمضان المبارک کا احترام

Part: 3 – Thirty Lessons of Ramadan: Third Lesson on the horrific consequences of desecrating Ramadan – Part 3 رمضان کے تیس اسباق: تیسرا سبق، رمضان المبارک کی بے حرمتی کاانجام

Part: 4 - Thirty Lessons Of Ramadan: Fourth Lesson On The Fasting Of Ramadan And its Intention – Part 4 رمضان کے تیس اسباق: چوتھا سبق، روزہ اور نیت

Part: 5-6 - Thirty Lessons Of Ramadan: Lessons Five and Six On The Rulings (Ahkaam) And Laws (Masaail) Of Taraaweeh پانچواں اور چھٹا سبق: تراویح کے احکام اور مسائل

Part: 7-  Thirty Lessons of Ramadan: Seventh Lesson on Sehri [pre-dawn meal] Part-7 رمضان کے تیس اسباق: ساتواں سبق، سحری کا بیان

Part: 8 – Thirty Lessons of Ramadan: Eighth Lesson on Iftar – Part 8 رمضان کے تیس اسباق: آٹھواں سبق: افطار کا بیان

Part: 9 – Thirty Lessons of Ramadan: Ninth Lesson on Rulings and Laws Related to Fasting – Part 9 رمضان کے تیس اسباق: نواں سبق: روزہ کے مسائل

Part: 10 - Thirty Lessons of Ramadan: Tenth Lesson on Rulings and Laws Related to Fasting – Part 10 رمضان کے تیس اسباق ، دسواں سبق :روزہ کے مسائل

Part: 11- Thirty Lessons of Ramadan: Eleventh Lesson on Rulings and Laws Related to Fasting – Part 11 رمضان کے تیس اسباق : گیارہواں سبق ، روزہ کے مسائل

Part: 12 - Thirty Lessons of Ramadan: Twelfth Lesson on Rulings Related to Qazaa, Kaffarah and Fidyah – Part 12 رمضان کے تیس اسباق : بارہواں سبق، قضا، کفارہ اور فدیہ کا بیان

Part: 13 – Thirty Lessons of Ramadan: 13th Lesson on Rulings of Kaffarah and Fidyah – Part 13 رمضان کے تیس اسباق: تیرہواں سبق ، کفارہ کابیان

Part: 14 – Thirty Lessons of Ramadan: The Fourteenth Lesson on the Updated Guidelines for the Treatment in the State of Fasting – Part 14 رمضان کے تیس اسباق: چودہواں سبق، روزہ کی حالت میں علاج کے کچھ نئے مسائل

Part: 15 – Thirty Lessons of Ramadan: The Fifteenth Lesson on the Updated Guidelines for the Treatment in the State of Fasting – Part 15 رمضان کے تیس اسباق: پندرہواں سبق، روزے کی حالت میں علا ج کے کچھ نئے مسائل

Part: 16 – Thirty Lessons of Ramadan: The Sixteenth Lesson on the Updated Guidelines for the Treatment in the State of Fasting – Part 16 رمضان کے تیس اسباق: سولہواں سبق، روزے کی حالت میں علا ج کے کچھ نئے مسائل

Part: 17 – 18 – The Rulings and Laws of Zakaat in the Light of the Quran and Hadith: Thirty Lessons of Ramadan, Parts 17 and 18 رمضان کے تیس اسباق: قرآن و حدیث کی روشنی میں زکاۃ کے احکام و مسائل

Part: 19 – Thirty Lessons of Ramadan: The Virtues and Rulings of I’tekaaf- Part 19 رمضان کے تیس اسباق: انیسواں سبق، اعتکاف کا بیان

URL: https://newageislam.com/urdu-section/thirty-lessons-of-ramadan-virtues-lailatul-qadr,-part-20/d/129536

New Age Islam, Islam Online, Islamic Website, African Muslim News, Arab World News, South Asia News, Indian Muslim News, World Muslim News, Women in Islam, Islamic Feminism, Arab Women, Women In Arab, Islamophobia in America, Muslim Women in West, Islam Women and Feminism