The First-Ever International Inter-religious Conference on "Sufism and Brotherhood" at Srinagar, Kashmir Goes Down Well in History of the Valley! !سری نگر، کشمیر میں "تصوف اور اخوت" پر پہلی بین الاقوامی بین المذاہب کانفرنس وادی کی تاریخ کا ایک شاندار باب

 وائس فار پیس اینڈ جسٹس آرگنائزیشن نے سری نگر، کشمیر میں "تصوف اور اخوت" کے موضوع پر ایک بین الاقوامی بین المذاہب کانفرنس کا انعقاد کیا۔

 اہم نکات:

1.      عالمی امن کے سفیر صوفی شیخ اشرف آفندی، برلن، جرمنی میں واقع ورلڈ پیس انسٹی ٹیوٹ آف صوفی ازم کے بانی اور یروشلم اور ہائی صوفی کونسل آف یروشلم اینڈ ہولی لینڈز، استنبول، ترکی کے سفیر ہیں، انہوں نے اپنے تبصروں میں جو صحبت (صوفیانہ نصیحت) کے نام سے مشہور ہیں، وادی میں قیام امن کے عمل پر زور دینے کے لیے کانفرنس کی تعریف کی، جسے وہ تصوف کا جنت کہتے ہیں۔

2.      شیخ اشرف آفندی نے مزید کہا کہ ہندوستان ایک کثیر لسانی، کثیر ثقافتی اور کثیر المذاھب ملک ہے جہاں مختلف مذاہب، زبانیں اور ثقافتیں پرامن طور پر ایک ساتھ رہتی ہیں۔

3.      یہ سری نگر، کشمیر ایس کے آئی سی سی میں ہونے والی پہلی بین الاقوامی کانفرنس تھی جس میں وادی سے تقریباً 18 ممالک کے سرکردہ علمائے کرام اور صوفی شیوخ اور تمام مذہبی روایات- ہندومت، بدھ مت، جین مت اور سکھ مت کے روحانی پیشواوں کو اکٹھا کیا گیا۔ کشمیری پنڈتوں کی نمائندگی ان کے سماجی اور انسانی حقوق کے کارکنوں نے بھی کی۔

-----

 نیو ایج اسلام اسٹاف رائٹر

 9 جنوری 2023

Kashmir hosts first ever International Conference on Sufism (Photo/ ANI)

------

وائس فار پیس اینڈ جسٹس، کشمیر کی سرکردہ نوجوانوں پر مبنی تنظیم نے "تصوف اور بھائی چارہ" پر پہلی بین الاقوامی کانفرنس کا انعقاد کیا۔ جس میں ملک بھر سے معروف صوفی شیوخ اور جرمنی، سوئٹزرلینڈ، ترکی، فرانس، تنزانیہ، سری لنکا، بنگلہ دیش، نیپال اور دیگر پڑوسی ممالک کے روحانی پیشواؤں نے بھی شرکت کی۔

 وادی میں قیام امن کے عمل میں سرگرم عمل ایک مشہور این جی او، وائس فار پیس اینڈ جسٹس کے زیر اہتمام منعقدہ کانفرنس میں ہندو، بدھ مت، جین مت، سکھ مت کے ممتاز مذہبی رہنماؤں اور ان کے روحانی پیشواؤں اور تمام ہندوستانی مذاہب کے نمائندوں، مذہبی ماہرین اور مذہبی تنظیموں نے بھرپور شرکت کی۔

 اس کانفرنس کا انعقاد نہ صرف کشمیری عوام بلکہ عالمی برادری کو نفع پہنچانے کے لیے کیا گیا تھا۔ اس کانفرنس میں کشمیریت، رشی تصوف اور ہندوستانی ثقافت کو ہندوستانی صوفیاء کے روحانی پیغام کے ذریعے عالمی برادری سے جوڑنے کی کوشش کی گئی جو اپنی ہم آہنگی روایات کے لیے مشہور ہے۔ اس کانفرنس میں جرمنی، ترکی، فرانس، تنزانیہ، مالدیپ، سری لنکا، بنگلہ دیش اور نیپال سمیت نو سے زائد ممالک کے علمائے کرام سے لے کر ماہرین تعلیم، فقہاء، پالیسی ساز، بین الاقوامی امور کے ماہرین اور ترقی پسند اسلامی علماء تک ہر طبقہ فکر کے لوگوں نے شرکت کی۔

 کانفرنس نے کشمیر میں تصوف کے احیاء پر زیادہ زور دیا کیونکہ وادی میں دوبارہ امن کی بحالی کی سمت میں آگے بڑھنے کا واحد راستہ یہی ہے۔ کشمیر کئی دہائیوں سے تنازعات اور تشدد کا مرکز رہا ہے۔ انتہا پسندوں اور بنیاد پرست اسلام پسندوں نے مختلف برادریوں کے ساتھ بقائے باہمی، فرقہ وارانہ ہم آہنگی اور اس بھائی چارے کی بنیادی اور پرانی روایت کو برباد کرنے کے لیے جی توڑ کوشش کی ہے، جس کے لیے کشمیر تاریخی طور پر جانا جاتا ہے۔

 شہریار ڈار، سینئر نائب صدر، وائس فار پیس اینڈ جسٹس، نے کہا کہ یہ ہمارے تکثیریت پسند فلسفے اور ہم آہنگ روایت کی ایک عظیم نمائش تھی، اور اس اعتبار سے کشمیر میں اپنی نوعیت کی پہلی اس بین الاقوامی کانفرنس کا انعقاد ہمارے لیے بے حد خوشی کی بات ہے۔ اپنے خطبہ استقبالیہ میں، انہوں نے بین الاقوامی شہرت کے حامل تمام مہمانوں کو اپنا قیمتی وقت دینے اور کانفرنس میں شرکت کرنے پر خراج تحسین پیش کیا۔

 اسلامی یونیورسٹی آف ریپبلک آف مالدیپ کے ڈپٹی وائس چانسلر نے تقریب سے خطاب کرتے ہوئے اس کانفرنس کی اہمیت کو اجاگر کیا۔ انہوں نے کہا کہ اس سے دنیا کو یہ پیغام جائے گا کہ جدید دنیا میں بڑے پیمانے پر انسانیت کا باہمی احترام ضروری ہے جس کے بغیر لوگ ہم آہنگی اور پرامن بقائے باہمی کے ساتھ نہیں رہ سکتے۔

 جمہوریہ بنگلہ دیش کے ایک صوفی رہنما جناب سید طیب البشر نے اپنی تقریر میں کہا کہ آج انسانیت کو بچانا زیادہ ضروری ہے اور اس پیغام کو آنے والی نسلوں تک پہنچانا چاہیے۔ ان تعلیمات پر عمل پیرا ہو کر آج کے جادوئی دور کے مسائل اور مصائب کا حل تلاش کیا جا سکتا ہے۔ تصوف کا پیغام امن، سلامتی، محبت، رواداری اور خدمت ہے۔

 نیپال کے مفتی اعظم، مفتی محمد عثمان صوفی نے کہا، "مفادات کے حامل خود غرض شیطانی قوتیں اپنے خود غرضانہ عزائم کی تکمیل کے لیے انتہا پسندی کو تقسیم اور فرقہ وارانہ بدامنی پھیلانے کے لیے تقویت فراہم کرتی ہیں۔ "لیکن چونکہ بین المذاہب مکالمے بین المذاہب روابط قائم کرتے ہیں اور مختلف مذاہب کے افراد کو اپنے عقائد کا اشتراک کرنے، غلط فہمیوں کو دور کرنے اور بین المذاہب افہام و تفہیم کو آگے بڑھانے کے لیے ایک فورم فراہم کرتے ہیں، اس لیے یہ مذہبی جماعتوں کے درمیان تنازعات کا سد باب کرتے ہیں۔"

دارالسلام، تنزانیہ کے مفتی اعظم جناب شیخ الاحد موسیٰ سلیم کے مطابق تصوف مستقبل کے امن، فرقہ وارانہ ہم آہنگی اور بھائی چارے کا واحد راستہ ہے۔ آج کی تفرقہ انگیز قوتیں مختلف برادریوں کے درمیان تفرقہ ڈالنے کی کوشش کر رہی ہیں، لیکن ہمیں ایک دوسرے کے قریب آنے اور ہم آہنگی، امن اور محبت کا پیغام پھیلانے کے لیے مل جل کر کام کرنا چاہیے۔

 جموں و کشمیر کے مفتی اعظم مفتی ناصر الاسلام نے اپنی تقریر میں کانفرنس کے لیے کشمیر آنے پر دنیا بھر کے تمام معزز مہمانوں کا شکریہ ادا کیا اور وائس فار پیس اینڈ جسٹس کی کوششوں کی تعریف کی۔ انہوں نے یہ بھی کہا کہ بین ثقافتی افہام و تفہیم کو فروغ دینے اور تمام برادریوں کے مذہبی عقائد کے احترام کے لیے مزید کام کرنے کی ضرورت ہے۔

 کاروان اسلامی انٹرنیشنل کے سربراہ مولانا غلام رسول حامی نے کہا کہ ہندوستان میں تمام مذاہب کے صوفیاء پیدا ہوئے ہیں، بشمول رشیوں، صوفیوں، اور بدھ مت، جین مت اور سکھ مت کے سنتوں کے۔ درحقیقت، تنوع میں یکسانیت ہندوستانی ثقافت اور روحانیت کا بنیادی اصول ہے۔ انہوں نے لوگوں سے صبر، تحمل اور بھائی چارے اور آپس میں محبت کے ساتھ ساتھ باہمی افہام و تفہیم کو فروغ دینے کی درخواست کی۔

اس عظیم الشان تقریب کے مہمان خصوصی عالمی امن کے سفیر صوفی شیخ اشرف آفندی، برلن، جرمنی میں واقع ورلڈ پیس انسٹی ٹیوٹ آف صوفی ازم کے بانی اور یروشلم اور ہائی صوفی کونسل آف یروشلم اینڈ ہولی لینڈز، استنبول، ترکی کے سفیر ہیں، انہوں نے اپنے تبصروں میں جو صحبت (صوفیانہ نصیحت) کے نام سے مشہور ہیں، وادی میں قیام امن کے عمل پر زور دینے کے لیے کانفرنس کی تعریف کی، جسے وہ تصوف کا جنت کہتے ہیں۔

 شیخ اشرف آفندی نے مزید کہا کہ ہندوستان ایک کثیر لسانی، کثیر ثقافتی اور کثیر المذاھب ملک ہے جہاں مختلف مذاہب، زبانیں اور ثقافتیں پرامن طور پر ایک ساتھ رہتی ہیں۔ "ہندوستان ایک ایسی سرزمین ہے جو سب کو قبول کرتا ہے اور اپنا بنا لیتا ہے۔ جنونیت سے بچنے کے لیے، جس سے الجھن پیدا ہوتی ہے، بین المذاہب مکالمہ ضروری ہے۔ تاہم، بین المذاہب مکالمے تمام مذاہب کے ماننے والوں کو بات چیت کرنے، کسی بھی الجھن کو دور کرنے، بین المذاہب افہام و تفہیم کو آگے بڑھانے اور نئے تعلقات استوار کرنے کے لیے ایک فورم پیش کرتے ہیں۔ انہوں نے مختلف مذہب سے تعلق رکھنے والے لوگوں کو قیام امن میں تعاون کرنے، فرقہ وارانہ ہم آہنگی، اور بھائی چارہ پیدا کرنے کی ترغیب دی، تاکہ دنیا کو ایک بہتر جگہ بنائی جا سکے۔

 ایک معروف سماجی کارکن اور وائس فار پیس اینڈ جسٹس کے صدر فاروق گاندربالی نے مہمان خصوصی شیخ اشرف آفندی اور عالمی سطح کے دیگر تمام مہمانوں کا جنہوں نے کانفرنس میں شرکت کی، شکریہ ادا کرتے ہوئے کہا کہ ہم امن، ہم آہنگی اور بقائے باہمی کے قیام کے لیے، جو کہ رشی تصوف کے بنیادی اصول ہیں، ایک عالمی خاندان کے طور پر کام کرنے کا حلف اٹھانا چاہتے ہیں۔

 ہندوستان اب جی 20 کا صدر ہے اور یہ ملک واسودیو کٹمبکم پر یقین رکھتا ہے۔ ایک عظیم ملک کے شہری ہونے کے ناطے، ہمارا فرض ہے کہ ہم قومی مفادات کو مضبوط بنائیں، جن کی جڑیں برادریوں کے درمیان پرامن بقائے باہمی میں پھیلی ہیں۔ وائس فار پیس اینڈ جسٹس آرگنائزیشن کشمیر میں تصوف اور اس کی تعلیمات کو زندہ کرنا چاہتی ہے تاکہ کشمیر کی سرزمین پر بقائے باہمی، فرقہ وارانہ ہم آہنگی، بھائی چارے، امن اور محبت کی پرانی روایت کو بحال کیا جا سکے۔ انہوں نے مزید کہا کہ فرقہ پرست طاقتوں نے مذہب کی بنیاد پر لوگوں کو تقسیم کرنے کے اپنے مذموم ایجنڈے کو جاری رکھنے کی مسلسل کوشش کی ہے جس نے کشمیر میں دہائیوں سے جاری دہشت گردی، خونریزی اور تشدد کی راہ ہموار کی ہے۔

 اسلام اور مسلمانوں کو بدنام کرنے والے انتہا پسندوں کے بنیاد پرست بیانیے کا مقابلہ کرنے کے لیے کانفرنس نے مشترکہ طور پر اعلان کیا کہ وائس فار پیس اینڈ جسٹس کی سفارشات اور قراردادوں کے مطابق اسکولوں اور مدارس میں صوفی ادب اور معمولات کی تعلیم دی جائے۔ صوفی ادب، صوفی ثقافت اور صوفی موسیقی کو فروغ دینے کے لیے انہوں نے پورے جموں و کشمیر میں صوفی مراکز کے قیام کی بھی بات کی۔

 کانفرنس کا اختتام ہندوستان اور دنیا بھر میں امن، ہم آہنگی اور اتحاد کی دعاؤں کے ساتھ ہوا۔ دعائے روشنی کی تقریب بھی تمام وفود نے شرکت کی۔

--------

English Article: The First-Ever International Inter-religious Conference on "Sufism and Brotherhood" at Srinagar, Kashmir Goes Down Well in History of the Valley!

 URL: https://www.newageislam.com/urdu-section/interreligious-sufism-brotherhood-srinagar/d/128848

New Age Islam, Islam Online, Islamic Website, African Muslim News, Arab World News, South Asia News, Indian Muslim News, World Muslim News, Women in Islam, Islamic Feminism, Arab Women, Women In Arab, Islamophobia in America, Muslim Women in West, Islam Women and Feminism