A To-Do List for Afghanistan: A Controversial Saudi View مسئلہ افغانستان کا حل

مسئلہ افغانستان کا حل

شہزادہ ترکی الفیصل

جیسا کہ صدر اوباما افغانستان کے بارے میں مختلف اقدامات پر غورکررہے ہیں تو یہ ضروری ہے کہ وہ اس حساس علاقے کے تمام متعلقہ فریقوں کی تجاویز اور خیالات کا بنظر غائر جائزہ لیں۔ریاض (سعودی دارالحکومت) میں واضح طور پر یہ محسوس کیا جارہاہے کہ افغانستان میں طالبان کمزور ہوچکے ہیں۔ طالبان حکومت کے دو ران ان کا کارکردگی کا تباہ کن ریکارڈ افغان عوام کو خوب اچھی طرح یاد ہے۔ علاوہ ازیں پاکستانیوں کو بھی طالبان لیڈر ملاعمر کے ہاتھوں جو تکالیف پہنچیں وہ بھی انہیں نہیں بھولیں تاہم طالبان کوئی مربوط اور یکسانیت والی سیاسی جماعت نہیں جس کی قیادت کا کوئی ایک سلسلہ ہویا جس کا کوئی سیاسی منشور ہوبلکہ ہر باغی حکومت برگشتہ افغان جو حکومت ہتھیار اٹھا لیتاہے اسے طالبان قرار دے دیا گیا۔ اسامہ بن لادن کو نہ صرف عمومی طور پر عالمی نظام اور امریکہ کی مخالفت کی علامت تصور کرلیا گیا بلکہ بے چین نوجوانوں کے لیے وہ قابل تقلید حیثیت اختیار کر گیا اور صرف مسلمانوں کے لئے نہیں بلکہ دیگر لوگوں کے لئے بھی اس کی اہمیت ’رابن ہڈ‘ جیسی ہوگئی (برطانوی لوککہانی کا کردار جو امراء کو لوٹ کرغریبوں اور ناداروں کی مدد کرتاتھا)اگرچہ اسامہ اب دہشت گردی کی کارروائیوں کی منصوبہ بندی او ررہنمائی نہیں کررہا لیکن اس کا اب تک زندہ بچ رہنا او را س کی طرف سے مختلف اپیلوں کا جاری ہوتے رہنا اس کی کشش کو برقرار رکھے ہوئے ہے۔

اس کو قابو میں لانا بے حد ضروری ہے خواہ یہ کام اسے گرفتار کرکے کیا جائے یا اسے ہلاک کردیا جائے لہٰذااوباما انتظامیہ کو اس ضمن میں کیا کرنا چاہئے؟سب سے پہلے تو افغانستان صدر حامد کرزئی کی ناقص کارکردگی پرقابو پایا جائے جس کو خواہ اس کی انتظامیہ نے مسترد کردیا جسے حالیہ انتخابات جیتنے کی خاطر جنگجو سرداروں کے ساتھ ساز باز کرنا پڑی۔ اگر کرزئی کی مخالفت جائز اور قرین فہم ہے تو پھر اس کا بندوبست کیا جانا چاہئے۔ کرزئی کا انتخابات میں سب سے بڑا حریف عبداللہ عبداللہ ایک تاجک ہے چنانچہ ملک کی قیادت کے لئے نہ تو اسے پشتون قبول کریں گے او رنہ ہی از بک اس کی حکومت تسلیم کرنے پرتیار ہوں گے او ریہ وہ نسلی گروہ افغانستان کے قبائلی ڈھانچے میں سب سے بڑی اکثریت کے حامل ہیں جب کہ عبداللہ عبداللہ کا مغربی انداز افغانستان میں اس کی قبولیت میں ایک او ربڑی رکاوٹ ہے۔حالیہ انتخابات میں دھاندلی اور فراڈکی ایک کمیشن تحقیقات کررہاہے لیکن جب تک اس کا فیصلہ نہیں ہوتا اس وقت تک امریکہ کو چاہیے کہ وہ کرزئی کے لئے اصلاح احوال کی کوئی میعاد مقرر کردے بالخصوص جو ترقیاتی منصوبے افغانستان میں شروع کئے گئے ہیں ان کی بروقت تکمیل پر زور دیا جانا چاہئے۔ میڈیا کے اس طرزعمل کو تبدیل کرنے کی ضرورت ہے جس میں طالبان کو دہشت گرد قرار دیا جاتاہے اور ان کو ہر برائی کا ذمہ دار قرار دیا جاتاہے اس کی بجائے القاعدہ اور غیر ملکی دہشت گردوں کو ہدف بنایا جانا چاہئے۔طالبان سے دہشت گردی کا داغ دور کردیا جاناچاہئے کیونکہ طالبان کا لفظ افغان زبان میں طالب علم کے لئے استعمال ہوتاہے جسے انگریزی میں اسٹوڈنٹ کہا جاتاہے۔ ان کے ساتھ بامعنی مذاکرات کئے جاسکتے ہیں۔

ملا عمر کو کبھی تمام پشتونوں کی حمایت حاصل نہیں رہی۔قبائلی اعتبار سے ان کی حیثیت خاصی کمتر ہے نیز بہت سے حلقوں کی طرف سے افغانستان میں پیش آنے والی تباہی کی ذمہ داری بھی انہی پر ڈالی جاتی ہے۔ مذاکرات کے لئے قبائلی عمائدین سے رابطہ کیا جانا چاہئے۔ ایک بہت اہم جو مسئلہ ہے وہ پاکستان اور افغانستان کے درمیان سرحد کا ہے جسے ’ڈیورنڈ لائن‘ کا نام دیا جاتاہے اسے پختہ او رپکا کیاجانا بے حدضروری ہے۔ جب تک ڈیورنڈ لائن جسے انگریزوں نے قائم کیا تھا اس مسئلہ حتمی طور پر حل نہیں کیا جاتا پاکستان اور افغانستان بدستور سینگ پھنسائے رہیں گے اور ایک دوسرے پر شکوک وشبہات کا اظہار کرتے رہیں گے۔پاک افغان سرحد کے تعین کا دونوں ملکوں کوباہمی طور پر مل جل کر اہتمام کرنا چاہئے اور اس کام میں امریکہ کو ان کی مکمل حمایت اور تعاون کرناچاہئے۔نیز عالمی برادری کو بھی اس ضمن میں دونوں ملکوں سے تعاون کرناچاہئے۔ اب لوگوں کو ماضی کے بجائے مستقبل کی طرف دیکھنا چاہئے۔پاکستان،افغانستان،روس، چین اور سعودی عرب کے محکمہ سکیورٹی انٹلی جنس کے سربراہوں کا ایک اجلاس طلب کیا جائے جس میں القاعدہ کی مصیبت کا قلع قمع کرنے کے ہر طریقے پر غور کیا جائے۔ چین، روس اور سعودی عرب کے محکمہ سکیورٹی انٹلی جنس کے سربراہوں کا ایک اجلاس طلب کیا جائے جس میں القاعدہ کی مصیبت کا قلع قمع کرنے کے ہر طریقے پر غور کیا جائے۔ چین،روس اور سعودی عرب کا القاعدہ سے دیرینہ لڑائی جارہی ہے اور ہم اپنے تمام وسائل دنیا کو اس کینسر سے بچانے کے لئے خرچ کرتے رہیں گے۔ نیز بھارت اور پاکستان کو مسئلہ کشمیر کے حل کرنے پر زور دیں۔امریکہ کو کوشش کرنی چاہئے کہ دونوں ملک اس مسئلہ کو حل کرنے پر متفق ہوجائیں۔ دونوں ملک امریکہ پر انحصار کرتے ہیں۔

 پاکستان اپنی مالیاتی احتیاجات کے لئے جب کہ بھارت اپنے جو ہر ی توانائی کے سمجھوتے کیلئے جو کہ اس نے واشنگٹن کے ساتھ کررکھا ہے۔ہیروئن کی تجارت کا معامل بھی بنیاد ی توجہ کامتقاضی ہے۔ اس چیلنج کا مقابلہ امریکہ کے اس طریق کارکے تحت کیا جاسکتاہے جو اس نے 1960 کے عشرے میں ترکی میں استعمال کیا تھا جہاں افیون اور پوست بہت کثرت سے اگائی جاتی تھی اور پھر اسے کیمیاوی عمل کے ذریعہ ہیروئن میں تبدیل کردیا جاتاتھا۔امریکہ نے تمام کسانوں سے ان کی تمام فصل براہ است خریدی او رانہیں (افیون اور ہیروئن کی عالمی قیمت کے حساب سے ڈالروں کے انبار دے کر) کہا کہ اب وہ خود اپنی خوراک کیلئے فصلیں کاشت کریں۔ آج ترکی میں ہیروئن کی کوئی تجارت باقی نہیں رہی(شہزادہ ترکی نے یہ نہیں بتایاکہ کیا امریکہ اس وقت سے اب تک ہر سال ترک کاشتکاروں کو ڈالر وں کے انبر اسی طرح دے رہا ہے جس طرح اس نے 1960 کے عشرے میں پہلی مرتبہ کیا تھا؟ رہا اسامہ بن لادن کا معاملہ تو اس کی طرف سے تواترکے ساتھ آنے والے بیانات یہ ظاہر کرتے ہیں کہ وہ ایک نہایت پختہ ارادے کی مالک شخصیت ہے اور اس میں دیگر شخصی خوبیاں بھی اس قدر نمایاں ہیں کے اکثر لوگ خودبخود اس کے گرویدہ ہو جاتے ہیں۔وہ پشتونوں کے درمیان موجود ہے اور جب وہ اس کے عزم بالجزم کو دیکھتے ہیں تو اس کے گرد نہایت مضبوط حصار قائم کرلیتے ہیں جس کی وجہ سے اس تک کسی دوسرے کی رسائی ممکن نہیں ہوسکی۔اگر کرزئی اور پاکستانی صدر آصف زرداری کو اسامہ بن لادن کی طرف سے پاک افغان سرحد کو متعین کرنے کا مطالبہ کیا جائے تو وہ دونوں اس سے انکار نہیں کرسکیں گے۔

اسامہ انہیں ڈیڈ لائن دے دیں تو دونوں ملکوں کا سرحدی اختلافات فوراً ختم ہوسکتاہے بعینہ جب بھارت اور پاکستان کو امریکہ کی طرف سے کوئی ڈیڈلائن دے دی جائے گی تو وہ کشمیر کا مسئلہ بھی چٹکیوں میں حل کرلیں گے۔ جس روز، چین اور سعودی عرب کو القاعدہ کی قیادت کے کسی مطالبے کی حقانیت اور افادیت کا احساس ہوجائے گا تو وہ بھی اس کے لئے اپنی تمام ترحمایت فراہم کرنے پر تیار ہوں گے اور افغانستان میں تعمیر نو کیلئے امریکہ کے مالیاتی ادارے وہا ں پہنچ جائیں تو پھر افغانستان کے عوام کو بھی امریکی وعدوں پر یقین آنے لگے گا۔دریں اثنا ایران کے سابق صدر ابوالحسن نبی صدر نے نیویارک ٹائمز میں لکھے گئے اپنے مقالے میں افغانستان کا مسئلہ حل کرنے کیلئے اپنے خیالات کااظہار کیا ہے۔ ان کا کہنا ہے کہ افغانستان میں نوجوان لوگ ایک طویل عرصہ سے مہیب مظالم کاشکار ہیں ان کے بنیادی مسائل حل کئے جانے کی ضرورت ہے۔ اس ملک کو اسلام کی ایسی تعبیر کی ضرورت ہے جو آزادی اور انسانی حقوق کی ضمانت دے۔افغانستان جمہوریت کے لئے تیار نہیں ہے اور وہ صرف اتھارٹی والی سیاست چاہتاہے۔بصورت دیگر افغانستان ہمیشہ جنگ کی صورتحال میں رہے گا۔ افغانستان ایک بہت گہرا دینی معاشرہ ہے او رانہیں مذہب کا صحیح رخ پیش کیا جانا چاہئے جس میں عدل و انصاف او رمساوات کا بول بالا او ریہ دین سے ان کا گہرا تعلق ہی ہے جو انہیں تشدد کے رویے سے دور رکھ سکتاہے۔ اگر اس طرف فوری توجہ نہ دی گئی تو افغانستان مذہب کا وہی پہلو فائق رہے گا جسے مغربی اصطلاح میں بنیاد پرستی کہا جاتاہے اور جس کے ڈانڈے انتہا پسندی سے ملائے جاتے ہیں۔ افغانستان میں دین کی ان اقدار کو نمایاں کرنے کا ضرورت ہے جنہیں بوجوہ پس پشت ڈال دیا گیامثلاً توحید کا عقیدہ۔یہی پوری امت کی یکجائی کی بنیاد ہے۔