Service is Joy! !خدمت میں ہی زندگانی کا لطف ہے

جمال رحمان، نیو ایج اسلام

31 مئی 2021

 مذہبی روایات ہمیں بتاتی ہیں کہ ہمیں خدا کی مخلوق کی خدمت کرنے کی

ضرورت ہے

  اہم نکات:

عقلمندی یہ ہے کہ ہم اپنے اندر خدمت کا ایسا جذبہ پیدا کریں جو باطنی طور پر اچھا ہو۔

اچھے کام کرنے کے عمل میں ہمارا "منفرد" مشن خود بخود شروع ہو جاتا ہے اور خدا کے فضل سے اچھے وقت میں مکمل بھی ہو جاتا ہے۔

 ----

ہر مذہبی روایت ہمیں بتاتی ہے کہ زیادہ ترقی یافتہ انسان بننے کے لیے ہمیں خود کو بدلنے کے ساتھ ساتھ خدا کی مخلوق کی خدمت کرنے کی بھی ضرورت ہے۔

اگر ہم اپنے اردگرد نظر دوڑائیں تو افسوس ہو گا کہ ہر طرف ظلم، ناانصافی، درد اور تکلیف ہے۔ کبھی کبھی ہم نا امید اور بے بس محسوس کرتے ہیں۔ کیا ایک شخص تبدیلی کرنے کے لیے کچھ بھی کر سکتا ہے؟

متعدد روایات میں ایک متقی شخص کے حوالے سے بھی ایسی ہی کہانی ملتی ہے جو دنیا کا سفر کرتا ہے اور اس کی تلاش میں وہ غم سے بھر جاتا ہے۔ وہ جہاں بھی جاتا ہے بڑی غربت، ناانصافی، ظلم، مصائب، تشدد اور خونریزی کا مشاہدہ کرتا ہے۔ شدت بہت زیادہ ہے۔ آخر کار جب اس شخص نے رات گئے ایک چھوٹے یتیم بچے کو، زخموں سے چور، سردی میں کپکپاتے ہوئے کپڑوں کے بغیر دیکھتا ہے، تو وہ ٹوٹ جاتا ہے اور پکار اٹھتا ہے کہ اے اللہ! اے خدا! تو ایسا کیسے کر سکتا ہے؟ خدارا، کچھ کرو!‘‘

 اسی رات اس شخص نے ایک خواب دیکھا کہ خدا کہہ رہا ہے، "پیارے بندے، میں نے کچھ کیا ہے۔ میں نے تمہیں پیدا کیا ہے تاکہ تم اس بچے کی مدد کرسکو۔"

جیسا کہ اس کہانی سے واضح ہے، دوسروں کی خدمت کرنا ہم پر فرض ہے۔ یہ زمین پر ہمارے مشن کا حصہ ہے کہ ہم خدا کی مخلوق کی خدمت کریں اور اپنے حصے کا کام کریں۔

ہر مقدس کتاب میں اس حوالے سے رہنما اصول موجود ہیں۔ قرآن ہمیں حکم دیتا ہے کہ ہم مانگنے والوں کو اور جو نہیں مانگتے یا نہیں مانگ سکتے ان کو بھی خاموشی کے ساتھ وہ سب کچھ دیں جو ہم پسند کرتے ہیں۔ ہمیں یہ بھی حکم دیا گیا ہے کہ اگر ممکن ہو تو خاموشی سے دے دیں۔ یہ ہمارے کچھ گناہوں کا کفارہ بن سکتا ہے۔ مزید یہ کہ قرآن ہمیں خدمت کے جذبے کے حوالے سے معاشرے میں ٹھوس تبدیلیاں پیدا کرنے کا حکم دیتا ہے۔ ہمیں حکم ہے کہ ہم "نشیب و فراز" سے گریز نہ کریں (قرآن 17-90:12):

 اور تو نے کیا جانا وہ گھاٹی کیا ہے۔ کسی بندے کی گردن چھڑانا۔ یا بھوک کے دن کھانا دینا۔ رشتہ دار یتیم کو۔یا خاک نشین مسکین کی۔ پھر ہو ان سے جو ایمان لائے اور انہوں نے آپس میں صبر کی وصیتیں کیں اور آپس میں مہربانی کی وصیتیں کیں۔

غور کریں کہ پہلی آیت جس میں ’’گھاٹی‘‘ کا ذکر ہے اس میں غلام کو غلامی سے آزاد کرنے کا بیان ہے۔ اس سے یہ اندازہ لگایا جا سکتا ہے کہ معاشرے میں انتظامی اور ساختی تبدیلیاں پیدا کرنے کا کام بہت اہم ہے۔ اس آیت کی اہمیت کو سمجھنے کے لیے درج ذیل حدیث پر غور کریں: "تم میں سے جو کوئی برائی کو دیکھے تو اسے اپنے ہاتھ سے بدل دے۔ اور اگر اس کی استطاعت نہ ہو تو اسے اپنی زبان سے بدل لے۔ اور اگر اس کی بھی استطاعت نہ ہو تو اسے دل سے برا جانے اور یہ ایمان کا سب سے ادنی حصہ ہے۔"

کیا ہم میں سے ہر ایک کے پاس اپنے خالق کی طرف لوٹنے سے پہلے خدمت کا کوئی خاص کام ہے؟ عظیم روایات کہتی ہیں کہ اپنے ’عظیم‘ مشن کے بارے میں فکر کرنے کے بجائے، اپنے اندر خدمت کا ایک ایسا جذبہ پیدا کرنا دانشمندی ہے جو باطنی طور پر اچھا ہو۔ اپنی استطاعت کے مطابق نیک اعمال کریں۔ اللہ تعالیٰ نیکیوں کا بدلہ دیتے ہوئے کبھی نہیں تھکتا۔ نبی کریم صلی اللہ علیہ وسلم سے روایت ہے کہ آپ صلی اللہ علیہ وسلم نے فرمایا: ”نیکیاں صرف اتنی ہی کرو جتنی تم میں استطاعت ہو، کیونکہ بہترین اعمال وہ ہیں جو ہمیشہ کیے جائیں خواہ وہ چھوٹے ہی کیوں نہ ہوں۔ اچھے کام کرنے کے عمل میں، حیرت انگیز طور پر، ہمارا "منفرد" مشن خود بخود شروع ہو جاتا ہے اور خدا کے فضل سے وہ اچھے وقت میں مکمل بھی ہو جاتا ہے۔

ہم خدمت میں رہیں، اور، ہمیں یہ احساس ہو سکتا ہے کہ خدمت میں رہنا ہمارے اندر گہرائی سے کچھ پورا کرتا ہے- یہ ہماری زندگی کو معنی بخشتا ہے۔

مجھے مشہور بنگالی شاعر رابندر ناتھ ٹیگور کی یہ سطریں بہت پسند ہیں:

"میں سویا اور خواب دیکھا کہ زندگی بہت پر لطف ہے۔ میں بیدار ہوا اور دیکھا کہ زندگی خدمت ہے۔ میں نے اداکاری کی اور دیکھو! خدمت میں زندگانی کا لطف تھا۔

English Article: Service is Joy!

URL: https://www.newageislam.com/urdu-section/humanity-god-creation/d/126373

New Age Islam, Islam Online, Islamic Website, African Muslim News, Arab World News, South Asia News, Indian Muslim News, World Muslim News, Women in Islam, Islamic Feminism, Arab Women, Women In Arab, Islamophobia in America, Muslim Women in West, Islam Women and Feminism