A Contradiction of Values and an Exploitation of Interests اقدار کا تضاد اور مفادات کا استحصال، اخوان المسلمین کے نقطہ نظر کو واضح کرتا ہے

 نیو ایج اسلام اسٹاف رائٹر

 9 جون 2023

 حقوق اور آزادیوں پر اخوان المسلمین کا موقف: اقدار کا تصادم اور مفادات کا استحصال"

 موقف جماعة الإخوان المسلمين من الحقوق والحريات: تعارض قيمي واستغلال مصلحي

 مصنف: ٹرینڈز ریسرچ اینڈ ایڈوائزری

 زبان: عربی

 صفحات: 287

 آئی ایس بی این: 9789948789680

------

 ٹرینڈز سنٹر فار ریسرچ اینڈ ایڈوائزری کی طرف سے "حقوق اور آزادی پر اخوان المسلمین کا موقف: اقدار کا تصادم اور مفادات کا استحصال" کے عنوان سے ایک اہم کتاب شائع کی گئی ہے۔ یہ سنٹر کی طرف سے شائع ہونے والا اس کی برادرہڈ انسائیکلوپیڈیا سیریز میں دسواں شمارہ ہے، جس کا صدر دفتر متحدہ عرب امارات میں ہے۔ کتاب پانچ ابواب پر مشتمل ہے:

 پہلا باب کمزور اور طاقتور کے درمیان سیاسی شمولیت اور اقتدار کی منتقلی کے بارے میں اخوان المسلمین کے موقف پر بحث کرتا ہے۔

 دوسرا باب آزادی اظہار، سوچ اور سائنسی تحقیق پر اخوان المسلمین اور اس کے موقف کا احاطہ کرتا ہے۔

 تیسرا باب مذہبی آزادی پر اخوان المسلمین کے موقف سے متعلق ہے۔

 چوتھے باب میں سول سوسائٹی اور اخوان المسلمین پر بحث کی گئی ہے۔

 پانچواں باب اخوان المسلمین میں خواتین کے جائزہ: نظریہ اور حقیقت پر مبنی ہے۔

 کتاب میں جن مسائل پر توجہ دی گئی ہے وہ یہ ظاہر کرتے ہیں کہ اخوان ایک نظریہ کے طور پر اب بھی غالب ہے اور اس کی مخالفت کی ضرورت ہے۔ یہ کتاب اخوان المسلمون کے اپنے مقاصد کے حصول کے لیے دھوکہ دہی اور موقع پرستی کے استعمال کو بے نقاب کرتی ہے اور ان کے اس اصول پر روشنی ڈالتی ہے کہ "مقصد ذریعہ کو جائز قرار دیتا ہے۔"

 اس کتاب کے مطالعہ سے یہ ظاہر ہوتا ہے کہ یہ گروہ جمہوریت، حقوق اور آزادیوں کے نظریات یا ان سے وابستہ نظریات پر قائم نہیں ہے، نہ صرف اس لیے کہ یہ نظریات اس کے فکری موقف کے خلاف ہیں، بلکہ اس لیے بھی کہ وہ ماڈرن سول اسٹیٹ کے ہیں، جس کو اخوان المسلمین اسلام کا دشمن، یا کم از کم اس کے خلاف مانتا ہے۔

 اپنے لٹریچر کے مطابق اخوان المسلمین کا مؤقف ہے کہ معاشرہ اور جدید ریاست ان خیالات پر قائم جو اب مسترد کیے جا چکے ہیں۔ یہ وہی موقف ہے جو (اسلامی نظام اور قانون، قانون سازی، سماجی، اقتصادی اور سیاسی نظام کے دیگر نظاموں کے درمیان مکمل علیحدگی) کی بنیاد پر سید قطب، عبدالقادر عودہ، سید عواء، الجرشہ، اور فتحی یکان کا ہے۔

 کتاب اس بات پر روشنی ڈالتی ہے کہ سیاسی نظریات کے بارے میں اخوان المسلمین کی تفہیم کس طرح سیاسی علوم میں تسلیم شدہ معنی اور مواد سے نمایاں طور پر مختلف ہے۔ کتاب کے مطابق، اخوان المسلمین کے ان تصورات پر یقین نہ کرنے کی سب سے واضح نشانیوں میں سے ایک تنظیم کا اپنے تنظیمی ڈھانچے میں سیاسی شمولیت اور اختیارات کی تقسیم کے تصورات کو شامل کرنے میں ناکامی ہے۔ اس سے ظاہر ہوتا ہے کہ لندن اور استنبول کے محاذوں کے درمیان جو کچھ ہو رہا ہے، جہاں قیادت کی آمریت کا تصور غالب ہے، جو حزب مخالف کو خارج کرتا ہے اور قیادت کے عہدوں کو سنبھالنے کے علاوہ اسے موجود رہنے کی اجازت نہیں دیتا، کس طرح قیادت کے ساتھ وفاداری اور تنظیمی درجہ بندی پر مبنی ہے، اور اہلیت پر نہیں۔

 اس کتاب نے یہ بات کافی حد تک یہ واضح کر دیا ہے کہ اخوان المسلمین عوامی حقوق اور آزادیوں کے حوالے سے جو دعویٰ کرتی ہے اور جو اس حوالے سے اس کا عمل رہا ہے، ان دونوں میں بڑا فرق ہے - جب تک کہ وہ ان حقوق اور آزادیوں کو بے معنی ہونے کی حد تک محدود نہ کر دیں، جن کا استعمال صرف جماعت کے مقاصد کو آگے بڑھانے کے لیے کیا جاتا ہے۔

کتاب کے مطابق اخوان المسلمین سیاسی اور مذہبی تقویٰ پر مبنی عملیت پسندی اور موقع پرستی کے ساتھ ساتھ سیاسی مشغولیت اور پرامن اقتدار کی منتقلی کے تصورات سے بھی متعلق ہے۔ اس کے بانی، حسن البنا کے خیالات کے مطابق، اخوان کی بنیاد اقتدار حاصل کرنے اور اخوان کی ریاست بنانے کے ارادے سے رکھی گئی تھی تاکہ "دی پروفیسر شپ آف دی ورلڈ" کے نعرے کے ساتھ عالمی قیادت کی مہم شروع کی جا سکے۔

 اگرچہ تقوی کے تصورات میں آزمائشوں، قیدوں اور فتنوں سے کوئی فرق نہیں پڑتا کیونکہ یہ مومنوں، غیر مومنوں اور کافروں کے ساتھ ہوتا ہے، اخوان المسلمین کمزوری یا فتنوں کے مرحلے سے فائدہ اٹھا کر منظرنامہ پر اپنی پوزیشن مضبوط کرنے اور موجودہ سیاسی نظام کو چیلنج کرنے کے لیے استعمال کرتی ہے۔ قابل غور بات یہ ہے کہ حضرت یوسف علیہ السلام حق پر ہوتے ہوئے قید میں چلے گئے اور وہاں دو مشرک بھی ان کے ساتھ ہو گئے جب کہ وہ باطل پر تھے۔ پیغمبر حق اور اہل باطل دونوں جیلوں اور تکالیف میں ڈالے جاتے ہیں۔

 کتاب کے مطالعہ سے یہ واضح ہوتا ہے کہ جب یہ یہ جماعت اقتدار میں ہوتی ہے، تو وہ اقتدار کی کسی بھی پرامن منتقلی کو روکنے کی کوشش کرتی ہے اور حزب مخالف کو بالکل نیست و نابود کر دیتی ہے۔ وہ ایسا تکفیر کے حربے کو استعمال کرتے ہوئے کرتے ہیں، جس میں وہ حزب اختلاف پر شریعت کے نفاذ کی مخالفت کرنے اور اسلام سے دشمنی کا الزام لگاتے ہیں، انہیں تکفیر اور دھمکیوں سے نشانہ بناتے ہیں۔

 اخوان المسلمین اور اس کی متعدد شاخوں کے ذریعے سیاسی تعامل اور اقتدار کی پرامن منتقلی کے تجربات یہ ظاہر کرتے ہیں کہ انھوں نے ان تصورات کو کبھی پسند نہیں کیا ہے۔ اس کی وجہ یہ ہے کہ ان کے فکری ڈھانچے کے مطابق ان سے نمٹنے کے لیے ممنوعات کا نفاذ ضروری ہے کیونکہ یہ مغربی تصورات ہیں جو اسلام کے سیاسی ڈھانچے اور رہنما اصولوں کے خلاف ہیں۔

 اخوان المسلمین کے بعض بنیادی کاغذات کو دیکھ کر یہ واضح ہوتا ہے کہ تنظیم آزادی اظہار، فکر یا سائنسی تحقیق کے حق کی حمایت نہیں کرتی۔ کیونکہ یہ مسلم کمیونٹی یا نجات یافتہ فرقہ (الفرقہ النجیہ) کی طرح کام کرتی ہے، جس کا یہ پختہ یقین ہے کہ یہ واحد گروہ ہے جو حقیقی اسلام کی صحیح نمائندگی کرتا ہے اور یہ حق کو جاننے کا واحد ذریعہ ہے۔

 واضح رہے کہ اخوان المسلمین کا انتخابات جیسے بعض جدید اور جمہوری اقدار کو قبول کرنے کا اعلان کرتے ہوئے اپنی ظاہری عارضی تبدیلیوں کا اعلان کرنا اس جماعت کے نظریات میں تبدیلی کی وجہ سے نہیں تھا، بلکہ یہ ایک قسم کی تعصب اور دھوکہ دہی تھی تاکہ آسانی سے اپنے مقاصد اور عزائم حاصل کیے جاسکیں۔

------------------------

English Article: A Contradiction of Values and an Exploitation of Interests Characterises the Muslim Brotherhood's Approach to Rights and Freedoms

URL: https://www.newageislam.com/urdu-section/values-muslim-brotherhood-rights/d/130051

New Age Islam, Islam Online, Islamic Website, African Muslim News, Arab World News, South Asia News, Indian Muslim News, World Muslim News, Women in Islam, Islamic Feminism, Arab Women, Women In Arab, Islamophobia in America, Muslim Women in West, Islam Women and Feminism