Nonviolent Interfaith Solidarity Jihad—An Autobiographical Account پر امن بین المذاہب یکجہتی جہاد — ایک خود نوشت

ادیس دودیریجا، نیو ایج اسلام

 27 دسمبر 2023

 زیادہ تر لوگ محبت کی دنیا اور حقیقی انسانی تعلق اور بامقصد زندگی گزارنے کے لیے ترستے ہیں جو مادی خوشحالی سے بالاتر ہو، جو ہمیں روح اور شعور کی دریافت سے جوڑتی ہے، اور جو ہمیں اس فطری باہمی انحصار اور محبت کے رشتے سے باندھتی ہے جو ہر وجود کو اپنی آغوش میں لیتی ہے۔

 ------

 آسٹریلیا میں بین المذاہب مکالمے میں میری سرگرمیوں کا آغاز 1990 کی دہائی کے اواخر سے ہوتا ہے جب میں انڈرگریجویٹ تھا۔ اٹھارہ سال کی عمر میں، میں اپنے والدین اور بڑے بھائی کے ساتھ بوسنیائی پناہ گزین کے طور پر مغربی آسٹریلیا کے پرتھ میں آباد ہوا۔ وقت گزرنے کے ساتھ ساتھ میں یونیورسٹی آف ویسٹرن آسٹریلیا میں مسلم اسٹوڈنٹ ایسوسی ایشن اور مقامی سطح پر مختلف بین المذاہب اقدامات میں سرگرم ہوگیا۔ 9/11 کے بعد بین المذاہب سرگرمیوں میں میری رفتار تیز ہوگئی۔ پھر بین المذاہب اور جنس سے متعلق مسائل پر خصوصی کے ساتھ میں contemporary Islam کے عنوان پر پوسٹ گریجویشن میں لگ گیا، اور اسی دوران، میں نے 2005 میں ابراہیمک الائنس (AA) کے نام سے ایک مقامی بین المذاہب گروپ کی مشترکہ بنیاد رکھی۔ اور ڈاکٹر آف فلوسفی کی تکمیل تک پانچ سال تک میں اس کی قیادت میں شریک رہا۔

اس دوران کچھ مسلم، عیسائی اور یہودی ساتھیوں کے ساتھ، ہم نے مختلف قسم کی بین المذاہب یکجہتی پر مبنی جہادی سرگرمیوں میں مشغول رہا، جس کے تحت باقاعدہ ماہانہ مجالس منعقد کی گئیں جس میں بیس سے تیس افراد شامل ہوتے، پھر اس کا سلسلہ دراز ہوا اور اس قسم کے مجالس میں 150 سے 200 افراد شریک ہونے لگے جن میں مذہبی رہنما اور علماء بھی شامل ہوتے۔ پرامن بین المذاہب یکجہتی جہاد کے جذبے کے تحت، ان اقدامات کا بنیادی مقصد یہودیوں، عیسائیوں اور مسلمانوں کو ایک ساتھ لانا تھا جس کے نتیجے میں ان کے درمیان اعتماد کی بحالی ہوتی اور پھر شرکاء مختلف مذہبی اور سیاسی نوعیت کے حساس موضوعات پر تبادلۂ خیال کرتے۔

 میرے اپنے بین المذاہب یکجہتی جہاد کی بنیاد ترقی پسند اسلام کے نظریے پر مبنی ہے جو میں تقریباً پندرہ سالوں سے ایک علمی ماحول میں فروغ دے رہا ہوں۔ اور اس ضمن میں بہت ساری کتابیں بھی شائع ہو چکی ہیں، خاص طور پر اس موضوع پر دو تصنیفات (دودیریجا، 2011، 2017) قابل ذکر ہیں۔ ترقی پسند اسلام کے بنیادی ستون حسب ذیل ہیں:

 1. کشادہ علمیت اور آسان علمی منہج پر مبنی تخلیقی، تنقیدی اور نئی فکر؛

 2. اسلامی فقہی قوانین اور اخلاقیات کے تئیں عقلیت پسند اور سیاق و سباق پر مبنی نقطہ نظر؛

 3. اسلامی روایت کے حوالے سے انسانی حقوق پر مبنی نقطہ نظر؛

 4. صنفی انصاف کے تئیں عصری نقطہ نظر؛

 5. مذہبی تکثیریت کی قبولیت؛

 6. اسلامی آزادی الہیات؛ اور

 7. اسلامی عملی الٰہیات۔

 ترقی پسند اسلام کے یہ ستون ذیل میں بیان کردہ نیٹ ورک فار اسپریچوئل پروگریسو (NSP) کے فلسفے، نظریے اور مشن کے ساتھ ہم آہنگ ہیں۔

 میں نے پیشہ ورانہ اور ذاتی وجوہات کی بناء پر 2011 میں آسٹریلیا چھوڑا تھا اور واپسی پر 2017 میں، اس باب کے اپنے شریک مصنف، ڈیو اینڈریوز کے ساتھ، ہم نے مل کر نیٹ ورک آف اسپریچوئل پروگریسو یا NSP-Australia کے ایک آسٹریلیائی باب کی مشترکہ بنیاد رکھی۔he Network of Spiritual Progressives) 2022a)۔

نیٹ ورک آف اسپریچوئل پروگریسو- آسٹریلیا کے مشن، نظریے اور اصولوں کو ہمارے اپنے مقامی تناظر میں اپنایا گیا۔ نیٹ ورک آف اسپریچوئل پروگریسو کا فلسفہ مختصراً اس طرح بیان کیا گیا ہے:

 زیادہ تر لوگ محبت کی دنیا اور حقیقی انسانی تعلق اور بامقصد زندگی گزارنے کے لیے ترستے ہیں جو مادی خوشحالی سے بالاتر ہو، جو ہمیں روح اور شعور دریافت سے جوڑتی ہے، اور جو ہمیں اس فطری باہمی انحصار اور محبت کے رشتے سے باندھتی ہے جو ہر وجود کو اپنی آغوش میں لیتی ہے۔ ایک ایسی دنیا کا خواب شرمندہ تعبیر کرنے کے لیے ہمیں ایک - سیاسی، اخلاقی، ثقافتی اور روحانی - کثیر جہتی انقلاب کی ضرورت ہے جو ہمیں نسل، عقیدہ، جنس، مذہب، طبقے اور لوگوں کے گزشتہ اعمال سے بالاتر ہو کر تمام لوگوں کے وقار اور قدر سے آگاہ کرے، اور کائنات کی خوبصورتی اور اس کے عجائبات سے جڑنے میں ہماری مدد کرے۔ اس انقلاب کی بنیاد تمام انسانوں، زندگی اور کرۂ ارض کے لیے محبت پر ہونی چاہیے۔ (نیٹ ورک آف اسپریچوئل پروگریسو، 2022b)۔

نیٹ ورک آف اسپریچوئل پروگریسو کا نظریہ حسب ذیل ہے؛

 ہماری فلاح و بہبود کا انحصار کرہ ارض پر موجود ہر کسی کی بھلائی اور زمین کے ساتھ خیر پر ہے۔ ہم ایک ایسی دنیا کے خواہاں ہیں جس میں پوری زندگی امن، انصاف، ماحولیاتی ذمہ داری، محبت، ایک دوسرے کی دیکھ بھال، زمین کی دیکھ بھال، سخاوت، ہمدردی، تنوع اور اختلافات کے احترام، اور اس معجزاتی کائنات کی قدردانی سے بھری ہو۔ (نیٹ ورک آف اسپریچوئل پروگریسو، 2022c)

 نیٹ ورک آف اسپریچوئل پروگریسو کا مشن:

 ایک سماجی تبدیلی کی تحریک کھڑی کرنا جو روحانی اور اخلاقی اقدار سے سرشار ہو، تاکہ ہمارے معاشرے کو ایک ایسا معاشرہ بنا دیا جائے، جو دولت، طاقت اور منافع پر انسانوں اور کرۂ ارض کی فلاح و بہبود، نیز محبت، انصاف، امن اور ہمدردی کو ترجیح دیتا ہو اور اسے فروغ دیتا ہو۔ (نیٹ ورک آف اسپریچوئل پروگریسو، 2022d)۔

 نیٹ ورک آف اسپریچوئل پروگریسو کا فکری نقیب ٹکون اولام (Tikkun Olam) میگزین ہے، جس کے ایڈیٹر ربی مائیکل لرنر ہیں، جس میں مجھے دو مرتبہ لکھنے کی سعادت ملی ہے (دودیریجا, 2018a, 2018b, 2018c)۔

 اگرچہ میگزین بنیادی طور پر 'یہودی' ہے، لیکن اس کا بین المذاہب مزاج مضبوط ہے اور اس کے زیادہ تر معاونین اور ادارتی بورڈ کے اراکین یہودی نہیں ہیں۔ یہ رسالہ ڈیوک یونیورسٹی پریس سے شائع ہوتا ہے اور اس کی پینتیس جلدیں اور 100 سے زیادہ خصوصی شمارے پہلے ہی شائع ہو چکے ہیں۔ میگزین کا مقصد اور نوعیت اس کی ویب سائٹ پر اس طرح بیان کی گئی ہے:

 اکون ان تمام لوگوں کی آواز ہے جو مغربی معاشروں کی مادیت پرستی، شدید انفرادیت پسندی اور خودغرضی کو ختم کرنے اور ایک، خیرخواہ معاشرے کے لیے نفسیاتی، روحانی اور فکری بنیاد رکھنے کے خواہاں ہیں: ایک دوسرے کی دیکھ بھال اور زمین کی دیکھ بھال۔

 ٹکون میں سیاست، اجتماعی ثقافت اور اکیڈمی میں ہونے والی بہت سی بحثوں، اور دن بہ دن گہرے ہوتے ہوئے ماحولیاتی بحران پر ایک جاندار اور آسان فہم تنقید پیش کرتا ہے۔ اور یہ شمالی امریکہ کا ایک مشہور میگزین ہے جو اسرائیل اور فلسطین، یہودی، عیسائی، مسلم اور بدھ مت کے مذہبی معتقدات و معمولات کے نت نئے مسائل، اور مغربی معاشروں میں مذہب اور سیاست کے باہمی تعلق پر تجزیاتی مضامین شائع کرتی ہے، نیز نسل پرستی، جنس پرستی، ہومو فوبیا، اسلامو فوبیا، زینو فوبیا اور یہود دشمنی کے خاتمے کی امید اور عزم و حوصلے کی امین ہے۔ ہم اپنے عالمگیر سرمایہ دارانہ معاشرے کے داخلی علاج اور بڑے پیمانے پر عدم تشدد پر مبنی تبدیلی کے خواہاں ہیں۔ یہ لبرل اور ترقی پسند یہودیوں کی میگزین ہے، بلکہ ہر مذہب یا یوں کہیں کہ بے دینوں کی بھی میگزین ہے— ہمارا ماننا ہے کہ ایک عالمگیر یہودیت ہمیں پوری انسانیت کو گلے لگانے کی دعوت دیتی ہے —اور یہ اس حقیقت سے عیاں ہے کہ ہمارے قارئین اور قلمکاروں میں ہر طبقے اور مختلف مذہب و ملت کے لوگ شامل ہیں۔ (ٹکون، 2011)

مندرجہ بالا کو دیکھتے ہوئے، ہم نیٹ ورک آف اسپریچوئل پروگریسو اور ٹکون کے فلسفے، نظریے، اور مشن کو پرامن بین المذاہب یکجہتی جہاد کی بہترین مثال سمجھتے ہیں۔ ترقی پسند اسلام کے یہ اصول جیسا کہ میں نے پیش کیا ہے (Duderija, 2018a, 2018b, 2018c) پروسیس-ریلیشنل، اوپن-ریلیشنل الہیات کے مبادیات کے ساتھ ہم آہنگ ہیں، جس پر میں آئندہ بات کروں گا۔

 2019 کے بعد سے، میرا بین المذاہب یکجہتی جہاد تیزی سے پروسیس-ریلیشنل اور اوپن تھیزم پر مبنی الٰہیات سے متاثر رہا ہے- جو کہ جان کوب جونیئر، ڈیوڈ رے گریفن، جے میک ڈینیئل، پیٹریشیا ایڈمز فارمر، بروس ایپرلی، تھامس جے اورڈ، اور اینڈریو ایم ڈیوس سمیت اسکالر ایکٹوسٹس (سینٹر فار اوپن اینڈ ریلیشنل تھیولوجی، 2022؛ سینٹر فار پروسیس اسٹڈیز، 2020b) جیسے اسکالر کارکنوں کے علمی استفادے سے منسلک ہے1۔ اپنی مرکزی ویب سائٹ پر سینٹر فار پروسیس تھاٹ (CPS) مذہب اور بین المذاہب مکالمے کو اپنا ایک اہم شعبہ قرار دیتا ہے، اور اپنے نقطہ نظر کو ان الفاظ میں بیان کرتا ہے:

 پروسیس تھاٹ نے الہیات، مذہب اور روحانیت کے شعبے کو کافی متاثر کیا ہے۔ جان کوب اور مارجوری سوکوکی جیسے ماہرین الہیات کی خدمات اور پروسیس تھیولوجی کے ظہور سے (نیز اوپن-ریلیشنل تھیولوجی)، پروسیس ورلڈ ویو نے خدا کی نوعیت کی ایک نئی تشکیل دریافت ہوئی ہے- بشمول طاقت، محبت اور دنیا سے خدا کے تعلق کے تصورات پر خصوصی توجہ کے۔ مشترکہ فلاح و بہبود کے فروغ کے لیے پرعزم تنظیم کے طور پر، بین المذاہب مکالمے میں قائدانہ کردار کی سی پی ایس کی ایک طویل تاریخ رہی ہے؛ جو کہ باہمی تبدیلی اور امن کی طرف ایک قدم مانا جاتا ہے۔ (سنٹر فار پروسیس اسٹڈیز، 2020a)

 یہ باتیں پر امن بین المذاہب یکجہتی جہاد کی تعریف سے مطابقت رکھتی ہیں جو کہ یکجہتی، امن سازی اور مشترکہ فلاح و بہبود کے بین المذاہب جدوجہد کے لیے پرعزم ہے۔

 -----

 اس لنک کے مطابق حال ہی میں شائع ہونے والے تعلیمی باب سے ماخوذ

https://link.springer.com/chapter/10.1007/978-981-99-3862-9_13

English Article: Nonviolent Interfaith Solidarity Jihad—An Autobiographical Account

URL: https://newageislam.com/urdu-section/nonviolent-interfaith-solidarity-jihad/d/131430

New Age Islam, Islam Online, Islamic Website, African Muslim News, Arab World News, South Asia News, Indian Muslim News, World Muslim News, Women in Islam, Islamic Feminism, Arab Women, Women In Arab, Islamophobia in America, Muslim Women in West, Islam Women and Feminism