Persecution Of Bahais In Iran ہندوستانی بہائووں کا ایرانی حکومت سے بہائیوں پر ظلم وستم کی روک تھام کرنے کا مطالبہ

نیو ایج اسلام خصوصی نامہ نگار   

16 فروری 2021

رواں سال فروری میں ہندوستان کے بہائیوں  نے ایرانی سرکاری حکام سے مشترکہ اپیل جاری کی تھی تاکہ وہ ایران کے بہائیوں ، خصوصا ایویل گاؤں پر ہونے والے ظلم و ستم کو ختم کریں اور ان کی زمین اور جائیدادیں واپس کریں۔

Persecution of members from the Baha’i Faith community in the Islamic Republic of Iran

-----

اپیل کے ایک اقتباس حسب ذیل بات کہی گئی :

"ایران میں صوبہ مازندران کے ایول گاوں کے بہائیوں کی املاک کی تباہی اور بڑے پیمانے پر نقل مکانی سے متعلق واقعات کے سلسلے کو نوٹ کرنے کے بعد  ہمیں کافی  دکھ ہوا ہے۔ اس گاؤں کے بہائیوں کو ۱۹۸۳ کے بعد سے ظلم و ستم کا سامنا کرنا پڑ رہا ہے۔ ۲۰۱۰ میں ، اس گاؤں میں بہائیوں کے گھروں کو آتش زنی اور انہدام کا نشانہ بنایا گیا تھا جس کے نتیجے میں مقامی اور قومی سطح پر بہائیوں کی طرف سے بار بار  شکایات  کی گئیں۔

نومبر میں ، ۲۰۲۰ میں سرکاری ایجنٹوں نے ملک بھر میں مربوط چھاپوں میں بہائیوں کے بیس گھروں اور دکانوں پر چھاپے مارے ، اور مطالبہ کیا کہ وہ اپنی جائیداد کے کاغذات  حوالے کردیں۔

ہمیں ایرانی عدالت کی طرف سے ایول کی ۲۷ بہائیوں کی جائیدادیں ضبط کرنے اور گاؤں کے مقامی مسلمان باشندوں میں تقسیم کرنے کے فیصلے سے بہت تشویش ہے۔ یہ فیصلہ شرعی قانون کے مطابق نہیں ہے کہ وہ ایک گروہ سے جائیدادیں لے کر مسلمانوں کے حوالے کردیں۔ ہمارے قرآن مجید میں کسی اور مذہب کی بے عزتی کرنے کی صریح مذمت کی گئی ہے۔

اس اپیل میں ایران کی حکومت کی طرف سے ایران کی بہائی برادری کے ظلم و ستم ، تشدد اور معاشرتی بے دخل ہونے کو اجاگر کیا گیا ہے ۔ بہائی برادری کا دعویٰ ہے کہ انیسویں صدی کے وسط سے ہی وہ ایران میں ظلم و ستم اور معاشرتی انتشار کا شکار ہیں۔ ۱۹۷۹ میں اسلامی انقلاب کے بعد ،  ریاست کے زیر اہتمام ظلم وستم کا بازار گرم رہا ۔ انہیں اکثر گھروں سے بے دخل کردیا جاتا ہے ، ان کی مذہبی املاک اور انفرادی اراضی ضبط ہوجاتی ہیں اور ان کے قبرستان اور مزارات حکومت اور اکثریتی طبقے کے لوگوں کی طرف سے تباہ و برباد  کردیئے جاتے ہیں۔

بہائیوں کا دعوی ہے کہ ایران کے بہائیوں پر ظلم و ستم آیت اللہ خامنہ ای کی زندگی کے دوران اختیار کی جانے والی حکومتی پالیسی کا ایک حصہ ہے۔ ۱۹۹۳ میں اقوام متحدہ کے ذریعہ ایران کی حکومت کی سرکاری یادداشت میں کہا گیا ہے:

"بہائیوں کے ساتھ حکومت کا معاملہ اس طرح ہونا چاہئے کہ ان کی ترقی اور کامیابی مسدود ہوجائے۔" اقوام متحدہ کے سابق افسر ہینر بیلیفیلڈٹ نے کہا ، "ایرانی بہائیوں کو مہد  (یعنی پالنا ) سے لیکر  قبر تک اور اس سے آگے تک ظلم و ستم کا سامنا کرنا پڑتا ہے۔"

اگست ۱۹۸۰ میں ، بہائی انتظامی ادارے کے ۹  ارکان کو اغوا کرلیا گیا اور انہیں نامعلوم مقام پر لے جایا گیا۔ ان کا خدشہ ہے کہ انھیں اضافی عدالتی طور پر پھانسی دی جائے گی۔

حکومتی پالیسی کے تحت اگست ۱۹۸۳  میں ، ایرانی اٹارنی جنرل نے بہائی مذہبی سرگرمیوں پر قانونی پابندی کا اعلان کیا۔ پابندی کے نتیجے میں ، بہائیوں کا قومی روحانی اسمبلی رضاکارانہ طور پر تحلیل ہوگیا۔ پابندی کے بعد حکومت کے ذریعہ بہائی قبرستان ، مقدس مقامات اور جائیدادیں ضبط  اور تباہ کردی گئیں۔

پابندی کے بعد ، بہائیوں نے سرکاری اجازت سے بہائیوں کی معاشرتی اور روحانی ضروریات میں شرکت کے لئے یاران (دوست) کے نام سے ایک کمیٹی تشکیل دی۔ لیکن ۲۰۰۸  میں ، کمیٹی کے ۷  ممبروں کو گرفتار کرکے ۲۰  سال قید کی سزا سنائی گئی۔ اس سزا کو بعد میں کم کرکے دس سال کردیا گیا۔

بہائیوں کی ایک بہت بڑی آبادی والا شہر ایول ہے جہاں کے  بہائی حکومت کے زیر اہتمام ظلم و ستم کا بنیادی ہدف ہیں۔

ایول ایران کے صوبہ مازندران کے ہزارجریب کے چہاردانگیہ میں واقع ہے۔ بہائی کمیونٹی تقریبا  ۱۶۰ سال قبل ایول میں قائم ہوئی تھی اور ۱۸۰۰کی دہائی کے اواخر تکایول کی آدھی آبادی کو بہائی کے نام سے معروف ہوئی ۔

اپنے آغاز سے ہی  بہائ برادری نے اسکولوں اور غسل خانوں کی تعمیر ، اور جنگ اور زلزلے سے متاثرہ افراد کی امداد سمیت سماجی ، معاشی اور ثقافتی پیش رفتوں میں حصہ لیا۔

بہائی آبادی والی دیگر دیہی برادریوں کی طرح ، ایول بھی اپنے قیام اور برسوں سے ہی  ظلم و ستم ، اذیت وجبر کا  سامنا رہا  ہے۔ ۲۵  نومبر ۱۹۴۱ کو  گاؤں کی کونسل کے سربراہ ، مرزا آغا جان جزبانی   جو ایک  بہائی تھے اور  گاوں کے  باشندوں  یہاں تک کہ آس پاس کے اضلاع میں بھی کافی محترم تھے انہیں ان کے  عقائد کی بناء پر  قتل کر دیا گیا تھا ۔

بہائیوں کا الزام ہے کہ اسلامی انقلاب کے بعد سے  منظم طریقے سے یہ ظلم و ستم جاری رہا۔ ۲۸  جون ۱۹۸۳  کو وسیع پیمانے پر حملے کے نتیجے میں ایول کے بہائیوں کو بے دخل اور بے گھر کردیا گیا۔ ان کا کہنا ہے کہ مذہبی رہنماوں  اور مقامی حکام نے گاوں اور آس پاس کی آبادی میں موجود مسلم ہجوم کو اکسایا تاکہ وہ  بہائیوں کو گھروں سے باہر نکال کر ، گاوں کے باہر تیار  شدہ  ایک بس میں  داخل کرکے  ایک علاقہ جس کانام ساری ہے وہاں لے جاکر گرادے ۔تاہم ، جب بس ساری شہر پہنچی تو حکام نے اس طرح کے منصوبے کی سخت مخالفت کی  تاکہ وہ بس سے بہائیوں کو ایول واپس لے جائیں۔

لیکن ان کی واپسی پر گاؤں  والوں نے بہائیوں کو ان  کے  گھروں میں  واپس داخل ہونے  کی اجازت نہیں دی۔ اس کے بجائے ، انہیں مقامی مسجد کے اندر قید کردیا گیا۔ ان میں سے ۱۳۰ سے ​​زیادہ ، جن میں بچوں اور بوڑھے شامل ہیں ، کو تین دن تک بغیر کھانے اور پانی کے اغوا کیا گیا تھا۔ جب ان پر عقیدہ تبدیل کرنے والا دباؤ ناکام ہوگیا تو انہیں گھر واپس جانے دیا گیا۔ تاہم اسی رات گاؤں والوں نے ان پر حملہ کیا۔ کچھ لوگوں کو ہجوم نے دبوچ لیا ، کچھ  زخمی ہوئے ، اور مزید افراد کو قریبی جنگل میں چھپنے پر مجبور کیا گیا۔

بہائی جنہوں نے اپنے آبائی مکانات ایول  میں برقرار رکھنے کی کوشش کی ، اور جن میں سے کچھ کے پاس کھیتی باڑی کے ذریعے زندگی کا گزارا کرنے کے لیے  کچھ زمینیں تھیں وہ ہر موسم گرما میں وہاں جاتے اور اپنے گھروں میں عارضی طور پر کھیت میں رہتے۔ یہاں تک کہ ان حالات میں بھی  جن میں حکام ان کے گھروں اور کھیتوں کو ان سے دور کرنے کی کوشش کرنے میں ذرا بھی نہیں  ہچکچاتے۔ ان کا منصوبہ بہائیوں کے لئے تھا کہ وہ کبھی بھی ایول واپس نہ آئیں تاکہ ان کی زمینوں پر قبضہ کیا جاسکے۔

۲۳ جون ۲۰۱۰ کو ، کچھ افراد نے چار بلڈوزرز اور متعدد ٹرکوں کے ذریعہ ایول  میں تقریبا ۵۰ بہائیوں کے گھروں  کو منہدم اور زمیں بوس کردیا۔

۱۹۸۳ کے بعد سے ، ایول میں بہائیوں نے تحریری طور پر تمام سرکاری اداروں ، پارلیمنٹ کے رہنما ، عدالتی نظام وغیرہ سے اپنے حقوق کی خاطر اپیل کرنے کی کوشش کی ۔ یہ اپیلیں اب بھی جاری ہیں۔

ملک کی بہائیوں کے بارے میں حکومت ایران کی سیاست مکمل طور پر مصر کی سنی حکومت سے متاثر ہے جہاں انہیں اسی طرح کے ظلم و ستم کا سامنا کرنا پڑتا ہے۔ سن ۱۹۶۰ میں ، جمال عبد الناصر نے ایک قانون نافذ کیا تھا جس میں مصر کی بہائی برادری کو ایک آزاد مذہب قرار دیا گیا تھا جو ریاست کو قبول نہیں تھا۔ قانون کے نفاذ کے بعد ، حکومت نے قبرستانوں ، مزارات اور دیگر مذہبی املاک کو یا تو تباہ کردیا تھا یا ضبط کرلیا تھا۔ بہائیوں کی زمینیں بھی  فردا فردا ضبط کرلی گئیں۔ اس وقت سے ، مصری حکومت نے ۶۰ کی دہائی میں جمال عبد الناصر کی اختیار کردہ  پالیسی پر عمل پیرا ہے۔ حکومت سرکاری مقاصد کے لئے صرف اسلام ، عیسائیت اور یہودیت کو سرکاری طور پر تسلیم کرتی ہے۔ الازہر نے ایک فتویٰ جاری کیا ہے جس میں بہائیوں کو کافر قرار دیا گیا ہے۔ لہذا ، مصر کے بہائی آزادانہ طور پر اپنے مذہب کا اعلان نہیں کرسکتے ہیں اور بہائیوں کو  اپنی شناخت چھپانا پڑتا ہے۔ وہ بحیثیت  بہائی  ووٹر کارڈز ، پیدائشی سرٹیفکیٹ اور دیگر سرکاری شناختی کارڈ حاصل نہیں کرسکتے ہیں۔

بہائیوں کے متعلق  مصر کی پالیسی کے بعد ، دوسرے اسلامی ممالک جیسے برونڈی ، کانگو ، یوگنڈا ، نائجر ، افغانستان ، آذربائیجان ، مالی اور مراکش نے بھی اس مذہب پر پابندی عائد کردی۔ ان ممالک میں ، بہائیوں کو حکومت اور عام لوگوں کی جانب سے مختلف قسم کے جبر اور ظلم و ستم کا سامنا کرنا پڑتا ہے۔

آج ایران کے بہائی،  حکومت اور اکثریتی آبادی دونوں  ہی جانب سے  حملہ ، اغوا کیے جانے اور بے گھر ہونے کے مسلسل خوف میں زندگی بسر کر رہیں  ہیں۔اکثر اوقات  ، مقامی علما انھیں کافر قرار دے کر  ان کے خلاف تشدد کو ہوا دیتے ہیں۔

عالمی برادری کو ایران اور دیگر اسلامی ممالک میں بہائیوں پر ہونے والے ظلم و ستم کے خلاف آواز اٹھانی چاہئے اور بین الاقوامی قوانین کے فریم ورک کے تحت انہیں ایک باوقار زندگی کا یقین دلانا چاہیے ۔

URL for English article:  https://www.newageislam.com/islam-and-sectarianism/new-age-islam-correspondent/persecution-of-bahais-in-iran-bahais-of-india-issued-a-statement-appealing-to-the-government-of-iran-to-end-persecution-of-bahais-in-the-country/d/124317

URL: https://www.newageislam.com/urdu-section/persecution-bahais-iran-/d/124371

New Age Islam, Islam Online, Islamic Website, African Muslim News, Arab World News, South Asia News, Indian Muslim News, World Muslim News, Women in Islam, Islamic Feminism, Arab Women, Women In Arab, Islamophobia in America, Muslim Women in West, Islam Women and Feminism