Khwaja Abdul Hamied, Founder Of CIPLA, And The Indian Freedom Struggle خواجہ عبدالحمید، سی آئی پی ایل اے کے بانی اور مجاہد آزادی

 ثاقب سلیم، نیو ایج اسلام

 20 فروری 2023

 ’’چونکہ میں نے مسلم لیگ کے امیدوار کی مخالفت کی تھی اور الیکشن جیتا تھا، اس لیے سب نے مجھے ایک عظیم قوم پرست مسلمان کہا۔ میں نے کہا کہ میں ہندوستانی ہوں اور قوم پرست ہونے کا سوال ہی پیدا نہیں ہوتا، ہندوستانی ہندوستانی ہے اور اپنے ملک کا ہے... ہر ہندوستانی ہندوستان کا وفادار ہے اور اس لیے قوم پرست ہے۔‘‘

 خواجہ عبدالحمید نے یہ بات بمبئی میں محمد علی جناح کے آبائی حلقے سے 1937 کے انتخابات میں مسلم لیگ کے امیدوار کو شکست دینے کے بعد کہی تھی۔

 جرمنی سے صنعتی کیمیا میں پی ایچ ڈی کرنے والے حمید 1935 میں ہندوستان میں پہلی جدید ادویہ ساز کمپنی، The Chemical, Industrial & Pharmaceutical Laboratory (CIPLA) قائم کرنے کے لیے مشہور ہیں۔ لیکن، اس سائنسدان اور کاروباری شخصیت کے بارے میں جو بات بہت کم لوگوں کو معلوم ہے وہ یہ ہے کہ وہ ایک مشہور مجاہد آزادی تھے اور انہوں نے جناح کے پیش کردہ دو قومی نظریہ کے خلاف آواز اٹھایک تھی۔ 1945 میں جب انگلستان میں پریس نامہ نگاروں نے جناح کے بارے میں ان کی رائے پوچھی تو انہوں نے کہا کہ ’’ہم ان (جناح اور مسلم لیگ) خطرناک سیاسی مریضوں کو برداشت نہیں کرسکتے‘‘۔

 حمید کو قوم پرستی کا ابتدائی سبق گھر پر ہی ملا تھا۔ ان کے چچا عبدالمجید خواجہ آزادی کی جدوجہد کے دوران سی آر داس، ایم اے انصاری، مہاتما گاندھی اور ٹی اے کے شیروانی کے قریبی ساتھی تھے اور انہوں نے ہندوستان میں برطانوی استعماری حکومت کے خلاف لڑتے ہوئے جیل کاٹی تھی۔

 وہ الہ آباد یونیورسٹی میں ایم ایس سی (کیمسٹری) کر رہے تھے جب خلافت تحریک اور رولٹ مخالف شورش شروع ہوئی۔ یونیورسٹی کا ایک ذہین طالب علم قوم پرستانہ جدوجہد سے خود کو دور نہ رکھ سکا۔ انہوں نے یونیورسٹی کانووکیشن کے بائیکاٹ کی قیادت کی جس میں گورنر سر ہارکورٹ بٹلر آرہے تھے۔ حمید کو گورنر کی گاڑی کا راستہ روکنے پر کچھ دیر کے لیے گرفتار بھی کیا گیا تھا۔ یہ 1920 کی بات ہے۔ قوم پرستوں میں عدم تعاون کا جذبہ مضبوط تھا۔

English Article: Khwaja Abdul Hamied, Founder Of CIPLA, And The Indian Freedom Struggle

 URL: https://www.newageislam.com/urdu-section/khwaja-hamied-cipla-indian-freedom-struggle/d/129846

New Age Islam, Islam Online, Islamic Website, African Muslim News, Arab World News, South Asia News, Indian Muslim News, World Muslim News, Women in Islam, Islamic Feminism, Arab Women, Women In Arab, Islamophobia in America, Muslim Women in West, Islam Women and Feminism