Wed Nov 19 2025, 01:51 PM

Urdu Section ( 19 Oct 2025, NewAgeIslam.Com)

History and Civilization of Islam-Part-50 تاریخ وتمدن اسلام

خلیق احمد نظامی

(حصہ۔50)

11 اکتوبر،2025

Don's you think that an effort should be made to understand the Mohammadan point of view. (shan Muhammad, Unpublished Letters of All Brother, Dehli)

یک خط میں لکھتے ہیں:

اسی طرح کے افکار ونظریات کولیکر وہ کلکتہ پہنچے۔

کلکتہ بجا طور پر فخر کر سکتا ہے کہ ہندی مسلمانو ں کے دوعظیم الشان جریدے،جنہوں نے تحریک آزادی میں شاندار رول ادا کیاہے،یعنی ’الہلال‘ اور ’کامریڈ‘ اسی سرزمین سے نمودار ہوئے تھے۔ یہاں سے آزادی کی آواز بلند کی گئی تھی۔ 14جنوری 1911ء کو ’کامریڈ‘کا پہلا پرچہ مولانامحمد علی کے کلکتہ میں قدم رکھنے کے دس دن بعد منظرعام پرآگیا تھا۔ 23مئی 1923 کے ’ہمدرد‘ میں ’کامریڈ‘ کے متعلق لکھتے ہیں: ”بے جا تعلی نہ ہوگی اگر ہم کہیں کہ یہ ’کامریڈ‘ ہی کا طفیل تھا کہ 1911ء سے لے کر 1921 ء تک مسلمانان ہندوستان بتدریج ایک ہی قومی پالیسی پرمتفق ہوگئے تھے،او روہ پالیسی خود بتدریج ترقی کرتے کرتے انہیں خلافت کی بقاواحیا او رہندوستان کی آزادی وسوراج کے مطالبے تک لے آئی“۔

ترکی، بلقان اور طرابلس کے حالات وحوارث نے مولانا محمد علی کی روح کو تڑپادیا تھا۔ جب انہیں معلوم ہوا کہ Bulgarians استنبول سے 25میل دور رہ گئے ہیں توانہوں نے خود کشی کا ارادہ کرلیا تھا۔ ایک دوست کی بروقت مداخلت سے وہ اس سے باز رہے، لیکن غم ان کی رگ رگ میں اتر گیا۔انہوں نے اکتوبر 1921ء اور نومبر 1912ء کے ’کامریڈ‘ میں جومضامین 'The Last Fight of the Turks', The Crescant and the Cross; 'The Sacrifice'کے عنوان سے لکھتے ہیں،ان سے مسلمانو ں کے جذبات میں ایک ہل چل مچ گئی۔ یہی زمانہ تھا جب اقبال بارگاہِ رسالت میں ایک آبگینہ لے کر حاضر ہوئے تھے۔

چھلکتی ہے تیری امت کی آبرو اس میں

طرابلس کے شہیدوں کاہے لہو اس میں

مولانا محمد علی کا اپنا دل خون ہوچکا تھا۔31مارچ 1913 ء کو انہو ں نے انجمن خدام دکعبہ کی بنیاد ڈالی او ران کی سرگرمیوں کا نیا دور شروع ہوا۔ ترکی کے اعلان جنگ کے بعد مولانامحمد علی نے ایک مضمون 'Choice of the Turks' (یعنی ترکوں کا انتخاب) لکھا او ربرطانوی وزارت خارجہ کی نیند حرام کردیں۔ عرصہ تک رام پور، مہرولی، دہلی، چھنڈواڑہ، بیتول کے جیل خانوں میں رہے اور عزیمت وحق گوئی کی ان سنتوں کو تازہ کردیا جن پرانسانیت کی بقا کامدار ہے۔

13 دسمبر 1919 ء کوجلیان والا باغ کے مظالم کاامرتسر کانگریس کے اجلاس میں اس طرح ذکر کرتے ہیں:

”جلیان والا باغ میں جو لوگ جمع تھے، گولیاں ان پر نہیں چلائیں،بلکہ ہمارے دلوں پرگولیاں چلائی ہیں۔ اس نے ایک نئی آگ بھڑکادی ہے،جس میں ہندومسلمانوں کی ا یک نئی قوم پیدا ہورہی ہے۔ اس نے ایک ایسی نئی قوم پیداکی ہے جو انشاء اللہ تعالیٰ روئے زمین پر کسی سے خوف نہیں کھائے گی“۔

مولانا محمد علی کاعقیدہ تھاکہ برطانوی استبداد کے خلاف متحدہ جدوجہد ہندو مسلمان کو ایک ایسے رشتہ میں پرودے گی جو قابل شکست ہوگا۔ اسی تقریر میں انہوں نے کہا:

”میں کہتا ہوں کہ میرا سب سے اعلیٰ بادشاہ خداہے۔ او رخدانے مجھ کو ویسا ہی آزاد پیدا کیا ہے،جیسا کہ جارج پنجم کو“۔

پھر آزادی کی آواز او ربلند ہوتی ہے اور کہتے ہیں:

”مجھ کوجیل جانے دو۔ مسٹرتلک اگر ضرورت ہو، تیسری بار جیل خانے بھیج دیے جائیں، مسز اینی بیسنٹ دوبارہ نظربند کردی جائیں، بلکہ اس بڑھاپے میں اگر ضرورت ہو تو اپنے ہی بالوں سے پکڑکر انہیں پھانسی دے دی جائے۔ لیکن ہندوستان کوآزاد ہونے دیجئے تاکہ آئندہ کوئی شخص کسی ہندوستانی مرد عورت کونہ کہہ سکے کہ تو پیدائشی غلام ہے“۔

جب 16اپریل 1919 کو رولٹ ایکٹ کے خلاف تقریر میں انہو ں نے مہاتما گاندھی کی یہ اسی رہبری کو خراج عقیدت پیش کرتے ہوئے طوق غلامی کواتار پھینکنے کااعلان کیا۔جب ترک موالات اورسودیشی کی تحریک کاآغاز ہوا تو محمد علیؒ کی یہ گرج دار آواز فضاؤں میں گونج اٹھی:

”صلوٰۃ عشق کا وضو خون سے ہوتاہے۔آپ سوراج کے سچے عاشق ہیں، تو اس نماز کا وضو کرنے کے لئے اپنی آرام طلبی وتن آسانی کا خون کریں۔ آپ کے بدن پر جو تنزیب او رڈوریا ہے، اس کو اتار کر پھینک دیں۔ یہی چیز ہے جس کی قیمت سے وہ قوت پیدا ہوتی ہے جس نے امرتسر میں آپ کے بھائیوں کو پیٹ کے بل چلوایا۔ آپ کہتے ہیں کہ کھدر میں گرمی لگتی ہے۔قرآن کریم میں دوزخ کاذکر یاد کرو اور دوزخ کی آگ سے ڈرو جو اس سے کہیں زیادہ گرم ہے۔ میں بمبئی میں خواتین سے کہہ آیا ہو ں کہ تم گاڑھے کی ساڑی پہننے سے گھبراتی ہو، شاید ایک وقت آئے گا کہ تم کو اپنی کھال اتار کر ملک کے لیے دینی ہوگی“۔

مولانا محمدعلی نے مہاتما گاندھی کی سودیشی تحریک کو ایک حرکت او رایک گرمی عطا کی او رچھوٹے بڑے ہر ایک دل میں ایک نیا جذبہ اور ولولہ آزادی وطن کا پیداکردیا۔ مولانا محمد علی ہی کے اصرار پرسی آر داس نے اپنی پریکٹس ترک کی۔ یکم اپریل 1921 ء کو مولانا محمد علی نے ایک کروڑ رضا کار تحریک ترک موالات کے لیے اور ایک کروڑ روپے کی تلک میموریل فنڈ کے لیے اپیل کی۔ حقیقت یہ ہے کہ قومی تحریک میں مولانا محمد علی نے جس خلوص،انہماک اورجذبہ سرفروشی کے ساتھ شرکت کی، اس کوکوئی دیانت دار مورخ فراموش نہیں کرسکتا۔(جاری)

------------------

URL: https://newageislam.com/urdu-section/history-civilization-islam-part-50/d/137308

New Age Islam, Islam Online, Islamic Website, African Muslim News, Arab World News, South Asia News, Indian Muslim News, World Muslim News, Women in Islam, Islamic Feminism, Arab Women, Women In Arab, Islamophobia in America, Muslim Women in West, Islam Women and Feminism

Donate Now

Urdu Section ( 19 Oct 2025, NewAgeIslam.Com)

History and Civilization of Islam-Part-50 تاریخ وتمدن اسلام

Loading..

Loading..